Isaías 41:2 - Kaxinawá Bíblia (BR) Bari huaikiria ha shanẽ ibuhaira Cirõ nawa shukuabu tibi maemakubaĩmisrã, tsuã yunumakĩ amakubaĩmismẽ? Ha nawa shukuabu tibi hatũ shanẽ ibu babu watã hatu tsuma wamakubaĩmisrã, tsuã amakubaĩyamamẽ? Hatũ matxatu txaipa inũ hatũ kanũ piayabis tekekĩ mesi watã petxux sa akawakinã, tsuã hatu amakubaĩyamamẽ? |
Hanushũ Tera Abrão inũ hawẽ aĩ Sarai inũ hawẽ berẽ Ló iyui Caldéia mai pakea anua hawẽ mae Ur kaĩkaĩkĩ henebaini Canaãkiri kakũkaini atimas mae pepa betsa natiã hawẽ kena Harã anu hikitã hawẽ bake debuniwẽ taeshũ mae kenakĩ: “Harãki”, atã hanu hiweaibũ
Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã
“Earã, Pérsia nawa shanẽ ibuhaira Ciro eska matuki txanikĩ ẽ matu yuiai ea nĩkakãwẽ. Nawa shukuabu tibi mai hirabi anua shanẽ ibubu ẽ hatu yunukubaĩshanũ mekenika Senhor Deus nai anu hiweatũ ea katukĩ kushipa waniki. Ea haska watã Judá enabũ mai pakea anu Jerusalém anu hawẽ kẽwãti hiwe wanibu ẽ hatu ana amashanũ Senhor Deusũ ea yunuimaki.
Haburã, mibã betsa dama banabu hatũ tatxa mai anu hawẽ tapũ hayariama mestẽriama keskabuki. Deusũ hatu mamaki shũ aka txushimis keskabuki. Uiyabi niwewã bekĩ hawẽ pei shana nuyamabaĩmis keskabuki.
Shanẽ ibuhaira Pérsia bari huaikiri hiwea ẽ kena nortekiria tashnikirãshanikiki. Shanẽ ibu betsabu hatu atxikĩ hawẽ taewẽ pupus pema pema abirãkĩ akawashanikiki, mai mabu wanikatũ hawẽ taewẽ mapu pewakĩ katarãkĩ biyu biyu amis keska wakinã.
Hatuki sinataibũ hatu txibãbiabainabu hawa tsuã hatu meama unanuma hatu dete dete abaĩkĩ hatũ taewẽ kati bai metsamaisma keska wakĩ, tsuã hatu amakubaĩyamamẽ?
“Ea Senhor Deusũ ẽ mekẽnẽ mia metsũshũ ẽ mia kenaniki, hau mia ikũwaĩ mĩwẽ taea ea anu piskushanũbunã. Mia haska wamakatsi mĩwẽ ẽ yubakaniki, nawa shukuabu tibi unãti wati bĩ peshea keskakĩ mĩ hatu txasha washanunã.
Senhor Deusũ Ciro katukĩ shanẽ ibuhaira watã hawẽ mekẽ yusiuri tsumatã hau mai pakea betsa betsapa maemakĩ hawena watã shanẽ ibu betsa betsapabũ detenameti yamawakĩ hau mebĩshanũ yununikiaki. Hanushũ mae tibitũ beputi Ciro Senhor Deusũ bepẽshũtã hau tsuã ana bepuyamanũbũ nemashũkubainikiaki. Ha haska wanishũ natiã Senhor Deusũ Ciro yuikĩ:
Ha dikabi eãri Ciro ẽ tashnimaniki, hau hatu maemanunã. Hawẽ kati bai dasibi ẽ hawama washũshanaii. Hanushũ hatũ ẽ maewã ea benishũshanikiki. Haska watã enabu habũ hatu iyunibu hatu mebikinãkĩ hatu henematã hatu ea akĩ pakamama manakuti yukama ishanikiki”, iki Senhor Deus dasibi binua hãtxashuki.
Bari huaikiria huni betsa ẽ ma kenaniki. Txaihairakea nawa tete keska hushũ haska ẽ yununi hatũ ea ashũshanikiki. Haska ẽ yubakani ẽ hãtxa menekĩ ẽ haska yuini dasibi hatũ ea ashũshanikiki.
Melquisedequekiri ana matu yuinũ nĩkakãwẽ. Ha Melquisedequerã, Salém shanẽ ibu inũ nukũ Deus binuabe hawenabu hãtxashunika inikiaki. Nukũ shenipabu Abraão shanẽ ibu betsabube detenamekĩ hatu maematã hawara yumetsubaĩxinabu hatu deteshũ mebĩtãkĩ beaya Salém mae shanẽ ibu Melquisedeque kaĩkaĩ haki nukushũ Deusũ Abraão hau duawapakeshanũ Melquisedequeĩ Deus yukashunikiaki.
Hanua nai tsuma ha sexto kashũ hawẽ kẽtxaki Deus sinatamis mata henewã Eufrates anu hukaya hau shanẽ ibubu bari huaikiria hau hawẽ benũbũ bai tapĩshuni hene netsuaya
hanua nai tsuma betsa bari huaikiria lestekiria hukĩ nukũ Epa Deus hiweatũ hawenabu unãti washũti hayatũ hui kuxipawẽ ha nai tsuma dabe inũ dabe habu kuxipa mai inũ iãnẽwã daũti hayabu hatu