Gênesis 17:1 - Kaxinawá Bíblia (BR)

¹ Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 17:1 Referencias Cruzadas

Gênesis 12:1

Hanushũ betsatiã Senhor Deusũ Abrão yunukĩ yuikĩ: “Mĩ mae anua kaĩkaĩkĩ minabu shunũbaĩkĩ pashkabaĩwẽ. Mĩ mai henekĩ mĩ epã enabu henekĩ mĩ epã hiweri henebaĩwẽ, hari mĩ hiweshanai anu ẽ mia uĩmashanai anu kakinã.

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Gênesis 18:1

Abraão Manre ni shukua merã hawẽ tari hiwe nitxĩshina hiwea ma bari mananãbikẽ hawẽ shui hikiti utanu tsaukẽ Senhor Deus haki nukuyuaya

Gênesis 24:40

ea ana yuikĩ: “Senhor Deusũ ea mekeaya ẽ hawẽ hiwekũkaĩmiski. Hatũ hawẽ nai tsuma mibe yunua mia merabewabaina aĩbu ẽ epã enabu anua ẽ bake Isaque mĩ iweshũshanaii. Aĩbu enabu anua mĩ iwea mĩ ebe yubakashu haska wakĩ mĩ keyua mĩ benimashanaii.

Gênesis 26:2

haria Senhor Deus haki nukushũ Isaque yuikĩ: —Egito mai pakea anu kayamashãwẽ. Hanira ẽ mia yunuai anu besti mĩ katiruki. Natiã na habia mae anu besti hiweyuwe. Haskai hanu Filisteu nawabu dapi mĩ hiwekẽ mia mekekĩ ẽ mia duawayuaii. Mia inũ minabu paibu na mai pakea hirabi ẽ matu ibu wamashanaii. Mĩ epa Abraão ẽ yubani keska wakĩ habiaskari ẽ mia yubaii. Ẽ yunua Abraão ẽ hãtxa dasibi txibãkĩ akubainiwẽ taeshũ minabu ẽ pahairawashanaii, bishiti tsuã tanatiruma keska wakinã. Haska bestima minabuwẽri na mai hirabi anu yurabu shukua tibi dasibibu ẽ hatu duawapakeshanaii— aka

Gênesis 35:11

Ana yuikĩ: “Earã, ẽ mekenika Deus kushipaki, ẽ kushipawẽ dasibi ẽ hatu binu keyuarã. Ea nĩkawe. Itxapai pashãkãwẽ, minabu bake pawai mirimahairawairã. Mia anua minabu shukua betsa betsapa shanẽ ibu kayabi ishãkanikiki.

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

Gênesis 48:15

Israelĩ José dukũ pepawẽ duawakĩ eska wanikiaki. —Ẽ shenipabu Abraão inũ Isaque txibãkubainitũ ha Deusũri ẽ tashnini anua ea mekemis habiatũri txakabu betsa betsapa ea binumamistũ na berunã dabe hau hatu duawakĩ pe hatu hiwemakubaĩshanũwẽ, hau habuwẽ ẽ kena inũ ẽ shenipabu Abraão inũ Isaque kena hau hakimama shinãpakeshanũbunã. Hau Deusũ hatu pa wapashanũwẽ, bake mirima hatu wamakinã. Hau mai hirabi anu hiwei yura mirima habus hau ipashanũbũwẽ— akaya

Gênesis 48:3

José uĩkĩ yuikĩ: —Epaã, ẽ mia hãtxa waii. Unu Canaã mai pakea anu mae Luz anushũ Deus kushipahaira dasibi binua eki nukutã ea duawakĩ eska ea hãtxa wakĩ yuikĩ: “Uĩwẽ. Eanã, ẽ mia bake itxapa inãshanaii. Mĩ bababu paibu habiabus ẽ hatu shukua tibi washanaii. Na Canaã mai pakea ẽ habus yununũbariaii, niti akamarã”, ea waniki.

Gênesis 5:22

ana Enoque 300 bari hiwei Deusũ yunua ashuĩ habe haibunamekũkaĩkĩ huni bakebu inũ aĩbu bakebu bawakubaini

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

1 Reis 3:6

Salomãonẽ kemakĩ yuikĩ: “Mĩ dayaru Davi ẽ eparã, mĩ katukĩ taewatã duawakĩ mĩ mekekubainiki. Hiwekũkaĩkĩ mia bebũshũ mikiri pe shinãkĩ pepa wakubaĩkĩ mia txibaĩ txĩtuĩsmawẽ taeshũ betxipaihairakĩ ea hawẽ huni bake Israelĩ enabu shanẽ ibuhairawakĩ katushũ mĩ eari yunuimaki.

Jó 1:1

Mai pakea ewapa Uz anu huni betsa Jó hiwea huni pepa hawa Deuskiri txakabuismatũ Deuski mesekĩ dayashũkũkaĩkĩ hawa txakabu mekĩ tsua txakabuwakatsi ikama hiwepaunikiaki.

Jó 11:7

Deus kushipahaira dasibi binuatũ hawẽ shinã hunehairarã, mianã, shabakabi mĩ nĩkatiru mĩ shinaĩ?

Salmos 115:3

“Nukũ Deusrã, nai anuki!” Nukũ Deusũnã, haska betxipaiai keska dasibi dami waniki.

Êxodo 6:3

Ea mekenika dasibibu binuatũ matũ shenipabu Abraão inũ, Isaque inũ, Jacó eã ẽ hatu unãmakubainiki. Hakia ẽ kena txanima kayabi shanẽ ibu Senhor Deus ẽ hatu unãmama iniki.

Provérbios 10:9

Tsuabura pe hiwekĩ hawa txakabu meisbuma hawaki dateama unanuma hiwekubaĩmisbuki. Hakia tsuabũra txakabu mekĩ hunebiamisbu hatũ txakabu shabakabi betxitã hatu dake washãkanikiki.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Números 11:23

Senhor Deusũ Moisés ana kemakĩ yuikĩ: —Mĩ ea shinanã, ẽ kushiparã, pesheishta dabanẽ mĩ ea shinaĩ ikai? Natiã haska ẽ mia yuiai ẽ mia ashũtirumẽkaĩ, ẽ mia ashũtirumamẽkaĩ, mĩ uĩshanaii— aka

Números 24:16

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Mateus 19:26

nukuwẽ nuikĩ Jesusũ ana yuikĩ: —Dateyamakãwẽ. Yurabũ haska watirubumahairabiakẽ Deus nuikipatũ dasibi matu ashũtiruki— nuku waya

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Hechos 23:1

Sinédrio itxabu dasibi shabakabi beiskĩ Paulõ hatu yuikĩ: —Ẽ betsabuũ, matu yuinũ nĩkakãwẽ. Ẽ hawa Deuski txakabu nima natiã Deuski dateama unãnuma ẽ hiweaki, Deusũ ea unãyanã— hatu waya

Hechos 24:16

Haskawẽ taeshũ Deuski inũ hunibuki ẽ xinã txakaismaki, haskai hiwei pepanũ ishunã.

Efésios 3:20

Haska inũ, hamapai nũ yukamis inũ hamapai betsa betsapa nũ xinãriama inũ nũ yukariama hawẽ kuxipahairawẽ Deusũ nuku ashũtiruwẽ taeshũ niti ikama kẽwanãkãwẽ.

Deuteronômio 18:13

Senhor Deusũ matu uiãyã hawẽ hãtxa hawa kaneama pepakubaĩshãkãwẽ.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Hebreus 12:28

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.