Isaías 41:1 - Kaxinawá Bíblia (BR)

¹ “Mai pakea Mediterráneo Ianẽwã kesha anu hiweabuũ, hãtxama pestã ea nĩkakãwẽ. Ana dateama huĩti kushipakãwẽ. Haska mã sinatanamemisburã, neri itxai bekãwẽ, haska ẽ matu amamiskiri nũ hãtxanũbunã.

Isaías 41:1 Referencias Cruzadas

Jó 38:3

“Mĩ kushipawẽ hawa dateama mĩ ea ikũhairawamisrã, ea uĩmawe, na yukati tibi ẽ mia yukai ea kemakinã.

Salmos 46:10

“Ea kẽwãkĩ ea unãti wakãwẽ!” Earã, ẽ Senhor Deuski! Hiwebaunabu mamaki ẽ ea hiweaki! Mai hirabi mamaki ẽ niaki!

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Isaías 41:5

Ianẽwã Mediterráneo kesha anu mai pakea tibi anu hiwebaunabu haskaibu uĩ date paepaibũ mai hirabi kesuakea patxa sakui taka taka ikaya dasibibũ txaimashũ uinũ ika beshãkanikiki.”

Isaías 43:26

Ẽ matu haska wamismẽkaĩ, mã ea txitekatsis ikairã, unanepa pewanika anushũ pewanãkãwẽ. Mã ea txitekĩ pepa kaĩmaimẽkaĩ, txanikĩ ea uĩmai bekãwẽ, nũ uinananunã.

Isaías 43:9

Mae tibi anuabu inũ nawabu mã shukuakeakeaburã, hanus hatube mã itxatiruki. Haska Deusũ hawenabu merabewai kai tsuã bebũkiri unãtã yuitirubu ikimamẽ? Haska txanimamẽkaĩ, tsuãra uĩmashũ nuku bebunua txanikãwẽ, nũ nĩkanunã, haska yui kayabimẽkainã”, ikĩ

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 50:8

Hatũ ea mekemistũ ea keshekẽ tsuara eki sinatai huayarã, hatũ unãti wakĩ pewanikatũ hau nuku pewanũ hanu bunãkãwẽ. Tsuãra ẽ txakabukiri ea txitekatsis ikirã, hushũ hau ea yui benũbũwẽ.

Habacuque 2:20

Hakia hawẽ hiwe kayabi templo meribi anu Senhor Deus hiweaki. Haskawẽ taeshũ mai hirabi anu hiweabũ pes manishũ hawẽ hãtxa nĩkakĩ hau ea kẽwãkubainũbũwẽ”, ikĩ Senhor Deusũ ea yuishinaki.