Apocalipse 3:11 - Kaxinawá Bíblia (BR) Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã. Kashinawa : Diosun Jesúswen taexun yuba bena yiniki Ja inun, matun pepa jawen kupiti jau tsuan matu bianbainyamaxanun en yusian shinankin chibankin jeneyamakanwen, en samama ana chintunkidanxanaidan. |
Beyuskĩ betsabu binutã ni pei maiti hawẽruabia txapushanai binũ ika hamebi hawẽ yura kuxipa wakĩ hamapai piti tibi txakabuwamis piama hatũ yura pe mekemisbu keska wakĩ Deusũ hawenabu manakuti hawa txapuisma matu inãkĩ matu hiwekuĩmashanaiwẽ taeshũ matũ xinã pe mekeriakubaĩkãwẽ.
Ha dikabi, habiaskariai, bola putanika beyuskĩ hawẽ yunuti inũ hawẽ nemati txibãbuma hawẽ manakuti pepa hayatirubumaki.
Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.
Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.
Ẽ betsabu inũ ẽ puibuũ, Epa Deusũ dasibibu hatu unãti washanai ma hua kemaki. Hau matu hatube unãti watã kupiyamashanũ ana nukũ betsabube ha iki kũyã idabeyamakubaĩkãwẽ.
Tsuabũra na ẽ hãtxa hatu yuiaibu inũ habũ na hãtxa nĩkatã: “Txanimaki”, ikĩ txibãkubaĩshanaiburã, Deusũ habu benimawashanikiki, haska inũbariai txanini ma hamapai tashni taeai uĩnã.
Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya
Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.
Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.
Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.
Jesusũ ana ea yuikĩ: “Uĩa. Ẽ samama ana kashanaii. Kakinã, hatũ manakuti tibi ẽ hatu bushũshanaii, haska tibi hiwemisbu keska hatu inaĩ kairã.
Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.
Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.
Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.
ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:
Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã