2 Timóteo 4:8 - Kaxinawá Bíblia (BR)

⁸ Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Kashinawa : Diosun Jesúswen taexun yuba bena yiniki

⁸ Natian en dayaxunkunkainmiswen taexun jaska jayanun ika en imis en maiti manakuti pepa Diosun ea mekexunkubainmis badi jawen jeneaitian jancha pewanika duapatun Jesucriston ea inanxanai en manaii. Jaska wakinan, ea besti inanma dasibi jabun Jesucristo ana chintunkidanxanai bechipaikin manaibudi jatu inanxanikiki.

2 Timóteo 4:8 Referencias Cruzadas

Gênesis 18:25

Mĩ hatu haska wayarã, txakabubu inũ pepabu habiaskas txakabu wamisbu keska wakĩ mĩ hatu tenã keyushanai? Mianã, mĩ hatu haska watirumaki, huni txakabubu inũ pepabu habiaskas kupi keyukinã. Mĩ mai hirabi anu uinikaki. Mĩ pewanikawẽ taeshũ mĩ hatu haska yunuismaki— aka

Provérbios 4:9

Maiti hawẽrua keska mia sawematã unanepã mia duawakubaĩshanikiki”, ea wa ẽ nĩkarianiki.

Malaquias 3:17

Haskawẽ taeshũ Senhor Deus kushipahaira dasibi binu keyuatũ matu banabimakĩ yuikĩ: “Israelĩ enabu hau ea anu ana txĩtũshanũbũ shaba betsa ẽ hatu pewashũkubainaii. Huni betsa hawẽ huni bakẽ hawẽ epa dayai merabewakubainai hawẽ epa hawẽ nuimis keskai eari enabuwẽ ẽ ana nuishanaii, matũ txakabu ana shinãmarã.

Mateus 24:36

Hanua hawatiãra ẽ ana hushanai tsuã unãmaki. Deusũ nai tsumabũ unãma inũ ea Deusũ bakẽ ẽ hawa unãmariki. Hakia Epa Deus ha bestitũ unaĩkiki.

Mateus 7:22

Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

Lucas 10:12

Hamẽ betsarã, hanu Deusũ yurabu dasibi hatu kupiaitiã haska Sodoma txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— hatu watã

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

1 Coríntios 2:9

Haskakiri Deusũ hãtxa yuishunika Isaíasĩ Deusunabu keneshũkĩ: “Hawara tsuã uĩsma inũ, hawara tsuã nĩkaisma inũ, hawara tsuã xinãtiruma bebũkiri habu Deusũ abukĩ ma hatu pewashuniki”, aniki.

1 Coríntios 3:13

Nai anua nukũ Shanẽ Ibuhaira Jesus hukirã haska hawẽ yusĩa txibaĩ nũ hiwemis nuku tibi shabakabi nuku unãti washanikiki. Hanu nuku unãti waitianã, nukũ hiwea inũ nũ hawẽ taea nũ dayamis txiwẽ nuku unãti washanikiki.

1 Coríntios 9:25

Beyuskĩ betsabu binutã ni pei maiti hawẽruabia txapushanai binũ ika hamebi hawẽ yura kuxipa wakĩ hamapai piti tibi txakabuwamis piama hatũ yura pe mekemisbu keska wakĩ Deusũ hawenabu manakuti hawa txapuisma matu inãkĩ matu hiwekuĩmashanaiwẽ taeshũ matũ xinã pe mekeriakubaĩkãwẽ.

2 Coríntios 5:2

Haskakẽ na mai anu nukũ hiwea txakabuwẽ nũ nuitapayuaii. Hanua txipu nai anu nukũ hiwe pepa anu hiwei kakatsi iki nũ manayukubainaii.

Filipenses 3:11

Txĩtuãma ẽ haskakũkainaya Jesusũ enabu hiweabu inũ mawabu mai anua nai anu hatu iyunũ ika huaya hatube dasikatsi ẽ manakubainaii.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Tesalonicenses 5:4

Hamẽ ẽ betsabu inũ ẽ puibuũ, maturã, mã ma unãnepabuki, tsuãra kakape tapĩkĩ ikũwãkatsi ikabuma keskamarã. Hatiãra nukũ Shanẽ Ibu hui haskakirãshanikiri ana matu yuinũ nĩkakãwẽ. Huni yumetsunũ ika hawaira hatiãra tsuã unãmakẽ humis keskai nukũ Shanẽ Ibu bebũkiri tsua yuiama hawairakirã tashnishanikiki. Haskaya habũ ikũwãkatsi isbuma mexu merã hiweabu keska teku iki: “Habaa!” ishãkanikiki. Hakia habũ ikũwaĩbu hawa dateama ishãkanikiki, nũ ha manakamis huayarã.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

2 Timóteo 1:12

Ea haska wanikẽ Deusũ hãtxa ẽ yusĩkubaũmiswẽ taeshũ itxakawakĩ ea bitxibiabũ ẽ Jesus ikũwãkĩ taewaya ea mekenitũ bari hawẽ heneaitiã ea mekekubaĩshanai unaĩ ẽ dakeamaki.

2 Timóteo 1:18

Éfeso anushũ Onesíforõ nuku merabewakubaini mĩ unãhairaii. Bari hawẽ heneaitiã Deusũ yurabu hatu unãti waitiã nukũ Shanẽ Ibũ hau Onesíforo duawashanũwẽ.

2 Timóteo 2:5

Ha dikabi, habiaskariai, bola putanika beyuskĩ hawẽ yunuti inũ hawẽ nemati txibãbuma hawẽ manakuti pepa hayatirubumaki.

2 Timóteo 4:1

Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 12:11

Ha inũ, txanima Deusũ pewakĩ nuku kupia shuama mebiatã txipu hakimatã hanushũ hawẽ yusĩa pepa tapĩkĩ hawẽ hiwea unãnuma pe hiwekũkainai unãtirubuki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 1:4

Nai anu hawa yamatiruma inũ, mexu tsamitiruma inũ, hawa txapui niri itiruma Deus matuki tanatã hawara pepa aruni Jesus Cristõ hawẽ manakukĩ matu inãkeakeshanikiki, mã hawẽ hiweshanũbunã.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 22:20

Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:

Apocalipse 4:4

Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã