1 Coríntios 9:25 - Kaxinawá Bíblia (BR)

²⁵ Beyuskĩ betsabu binutã ni pei maiti hawẽruabia txapushanai binũ ika hamebi hawẽ yura kuxipa wakĩ hamapai piti tibi txakabuwamis piama hatũ yura pe mekemisbu keska wakĩ Deusũ hawenabu manakuti hawa txapuisma matu inãkĩ matu hiwekuĩmashanaiwẽ taeshũ matũ xinã pe mekeriakubaĩkãwẽ.

Kashinawa : Diosun Jesúswen taexun yuba bena yiniki

²⁵ Beyuskin betsabu binutan ni pei maiti jawenduabia chapuxanai binun ika jamebi jawen yuda kushipa wakin jamapai piti tibi chakabuwamis piama jatun yuda pe mekemisbu keska wakin Diosun jawenabu manakuti jawa chapuisma matu inankin matu jiwekuinmaxanaiwen taexun matun shinan pe mekediakubainkanwen.

1 Coríntios 9:25 Referencias Cruzadas

1 Coríntios 15:54

Haskai kaikiri Deus yuishunika Isaíasĩ kenekĩ: “Ana tsua mawama iki kai Messiasĩ mawa maemashanikiki”, ini shabakabi txanima ani nũ unaiĩ.

Gálatas 5:23

babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.

1 Timóteo 6:12

Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.

2 Timóteo 2:5

Ha dikabi, habiaskariai, bola putanika beyuskĩ hawẽ yunuti inũ hawẽ nemati txibãbuma hawẽ manakuti pepa hayatirubumaki.

Tito 1:8

Eskabu mĩ hatu atiruki. Nĩkawe, bai mapuabu inũ ikũwaĩbu beaibu hatu itã duawamisbu inũ, hawara pepa besti ikaibu abumisbu inũ, hawara ariama pe xinãmisbu inũ, hawara hãtxatã kanekatsi isbuma inũ, duapai Deuski datemisbu inũ, hatũ hiwea pe mekekubaĩmisburã.

Tito 2:2

Huni ewabu hatu merabewakatsis ikĩ yusĩkĩ, hau parananãma hãtxa kayabi besti yuikubainũbũ, inũ hatũ hiwea pe hau mekenũbũ, inũ hau hatũ xinã pe mekeriakubainũbũ inũ, Jesus Cristokiri nĩkatã hau txibã pewanũbũ inũ, nui hau abunamenũbũ inũ, hawara bika betsa betsapa mei hau kuxipakĩ binukubainũbũ haskakiri hatu yuikubaĩwẽ.

Hebreus 12:28

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

Hebreus 12:4

Ha inũ, txakabu tibi binui mã bika tenekubainai Jesus nuku ishuni keskai tsua mã mawariamaki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 1:4

Nai anu hawa yamatiruma inũ, mexu tsamitiruma inũ, hawa txapui niri itiruma Deus matuki tanatã hawara pepa aruni Jesus Cristõ hawẽ manakukĩ matu inãkeakeshanikiki, mã hawẽ hiweshanũbunã.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

2 Pedro 1:6

ibubis matũ yurakiri xinã pewatã mekekubaĩkãwẽ. Haskai mã hĩ hĩ imis tapĩ beshtekekubaĩkãwẽ. Haskai Deusbe mã haibunamehairai

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:

Apocalipse 4:4

Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã