Apocalipse 2:10 - Kaxinawá Bíblia (BR)

¹⁰ Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Kashinawa : Diosun Jesúswen taexun yuba bena yiniki

¹⁰ Matu bika memaxanaibuwen taea dateyamakanwen. Eska wakin diablon bestibu matu jatu achimatan bichiti jiwe anu matu bichimaxanikiki. Jaska wakin dasibi man ea ikunwainbu matu bika tenemaibu jawen matu unanti wa akeakexankanikiki. Jaskawen taea 10 día besti jaska matu tenemaibuwen taea chintunyamaxankanwen. Matu ichakawakin matu tenanbiaibun tenekubainxankanwen. Matu jaska waibuwen taexunan, eanan, matun manakuti inankinan, jiwea kayabi en matu inanxanaii.

Apocalipse 2:10 Referencias Cruzadas

Daniel 1:12

—Nũ mĩ tsumabuwẽ taeshũ mĩ nuku unãti wanũ ẽ mia ea akaii. Yusu hua besti nuku pimakĩ ũpash besti nuku neshumakĩ 10 shaba besti ha piti hau nuku inãkubainũbũ hatu yunuwe.

Daniel 1:14

dayaru yununikatũ Daniel hãtxai hakiri pe shinãtã 10 shaba kaya pitiwẽ hatu unãti wa

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Mateus 10:22

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Tsuabura matu keskakĩ ea txibaĩ heneisbumari ẽ hatu mekeriakubaĩshanaii.

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Mateus 24:13

Matu haska wabiaibũ tsuãra ea txibãkĩ heneisma hatu mekekĩ ẽ hatu pashawashanaii.

Marcos 13:13

Ekiri haska yuibaũkĩ mã ea txibaĩbuwẽ taeshũ yurabũ matu danaĩ mirima matuki sinatashãkanikiki. Matu haska wabiaibũ tsuãra ea txibãkĩ heneisma hatu mekekĩ ẽ hatu pashamashanaii.

Marcos 8:35

Hamẽ tsuabũra xinaĩ: “Ẽ mawakatsi ikamaki”, iki hatũmebi mekeaiburã, eauma mawakĩ hatũ hiwea benushãkanikiki. Hakia ea ikũwãkĩ ẽ kakape yusĩkĩ ea txibaĩwẽ taeshũ tenãbiabu hatũ hiwea benuama hiwekuĩshãkanikiki.

Lucas 21:12

Hakia na dasibi eskashanai iriamakẽ mã ea txibãkubainaibuwẽ taeshũ matu itxakawakĩ matu atxitã itxati hiwe anu matu yunuabu hanushũ bitxiti hiwe anu matu bitxitã shanẽ ibu betsa betsapa anu matu iyuabu habũ betsabu matu ekiri yuimashãkanikiki, mã ea txibaĩbuwẽ taeshunã.

João 12:25

Hamẽ tsuabũra hawẽ hiwea ibubis abu yauxirã, ibubis benushãkanikiki. Hakia tsuabura hawẽ hiwea hawa yauxi nuiama ekiri ma xinã pewa ana hiwekuĩshãkanikiki, ikibi ikirã.

João 13:2

Hanushũ bari kaya mexu merã Jesusbetã nũ piaya habiatiãri Judas Iscariotẽ Jesus hatu atximashanai diabo Satanásã Judas xinãmaya

João 13:27

piaya Satanás Judasĩ xinã merã ma hikiawẽ taeshũ Jesusũ Judas yuikĩ: —Mĩ haska xinaĩnã, hawaira aritãwẽ— aka

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 21:13

Paulõ nuku kemakĩ: —Haskai ewẽ taea kashakĩ mã ea huĩti nixmawakanai? Jesus ikũwãkĩ ẽ txibãmiswẽ taea Jerusalém anushũ ea atxishũ neashanaibuwẽ ẽ dateamaki. Hakia ẽ Jesus dayashũkũkaĩmiswẽ taea ẽ haria mawariashũtiruki— nuku wa

1 Coríntios 9:25

Beyuskĩ betsabu binutã ni pei maiti hawẽruabia txapushanai binũ ika hamebi hawẽ yura kuxipa wakĩ hamapai piti tibi txakabuwamis piama hatũ yura pe mekemisbu keska wakĩ Deusũ hawenabu manakuti hawa txapuisma matu inãkĩ matu hiwekuĩmashanaiwẽ taeshũ matũ xinã pe mekeriakubaĩkãwẽ.

Efésios 2:2

na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.

Efésios 6:12

Na haska nũ hatube detenameairã, yurabũ kuxipawẽ nũ ikai keskamaki. Hakia yushĩ txakabubu inũ hamapai shanẽ ibu txakabu na mai anua inũ manaũri namakisshũ nuku keshebaũshũ yunuaitũ nuku atxiabube nemai heẽ iyamai nũ hatube detenamei keskaii.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

1 Pedro 5:8

Inu keneya pĩtsikĩ yuinaka atxitã pinũ ika benabauni pubeĩ hãsh hãsh iki tekerẽ tekerẽ imis keskakĩ diabo Satanásã matu beparãtã matu maemanũ ishũ benakubaũriaikiki. Haskawẽ taea ibubis pe mekekĩ hamapai txakabu ana meama hanũ bestẽtã uĩrakubaĩkãwẽ.

Apocalipse 13:14

hatu haska washũ uĩmakĩ ha yuinaka mese atimapa ha dukũtũ besuuri hamapai atimaska akaiwẽ yurabu dasibi parãkĩ ha katxukeatũ yunukĩ yuikĩ: “Yuinaka mese atimapahaira ha tsuãra bushkaki txatxini mawa ana bestẽni hiwea keska ha itsa damiwarikãwẽ”, hatu wa

Apocalipse 13:2

Ha inũ, hawẽ yura inu keneya keska inũ, hawẽ tae inu betsa mexupa urso itamama tae keska inũ, hawẽ hashpa inu leão pubẽhaira keskaki. Haska inũ, yuxibu sheanãtũ ha yuinaka mese atimapahaira hawẽ kuxipa pae inũ, hanu shanẽ ibui haki tsaumis inũ hawẽ yunuti kuxipahaira inãkĩ yunua

Apocalipse 13:7

ha dikabi yuxibu sheanã hau Deus txibãkĩ Jesus ikũwaĩbube detenamei hau hatu maemanũ kuxipa inãkĩ yunutã yura betsa shukuabu tibi inũ, mae tibi hiwebaunabu inũ, hãtxa tibi yuiaibu inũ, nawa mai pakea tibi anu hiweabu shanẽ ibukũkaĩwẽ, ikĩ hãtxa wakĩ menekẽ

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 2:13

Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.

Apocalipse 2:9

Natiã bika betsa betsapa tenei hawauma mã nuitapaibu ẽ unaiĩ. Haskabia txanima matũ manakuti itxapa nai anu matuki nũ tana mã hayaki. Ha inũ, habu matukiri hãtxa atimapa hãtxai inũ ibubiskiri yui: Ẽ judeuki, ibiai ikũ kayabiwama haska Satanásã abuai besti txibãmisbu ẽ hatu unãriaii.