Apocalipse 3:3 - Kaxinawá Bíblia (BR)

³ Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.

Kashinawa : Diosun Jesúswen taexun yuba bena yiniki

³ Januxun Diosun jancha yusinanbun matu yusianbu man ninkani shinankanwen, shinan betsa watan ana chiban taewakinan. Jamen man ea ninkakatsi ikabumaken yumetsu june jumis keskai man ea manachakaya jatiada eadi june juxun en matu datetushixanaii.

Apocalipse 3:3 Referencias Cruzadas

Ezequiel 36:31

Hiwetxakakĩ mã txakabuwakubaini shinaĩ, ea danaĩ mã atimapakubainiwẽ mã ibubis dakekubaĩshanaii.

Mateus 25:13

—Na miyuirã, haska mã nĩkashumẽ? Ẽ matũ Hutxi Kayabi Iuwa hatiãra ẽ ana hushanai tsuã mã unãmawẽ taea tsuara ebe hiwekatsi iki unãnepai hawa txikixama pepakũkaini Deusbe hãtxakĩ ea manakĩ uĩrakubaĩshãkãwẽ— nuku watã

Marcos 13:33

Haskakẽ tsuã hawa unãmawẽ taea matuburã, hawa txikixama pepakũkaini Deusbe hãtxakĩ ea manakĩ hatiãra haskashanai uĩrakubaĩshãkãwẽ.

Marcos 13:36

Haskakẽ hawairakirã ushabu keska ẽ matu betxiama ishanũ

1 Timóteo 6:20

Timóteoõ, mĩ xinã mekeirawe, haska Jesus Cristoki mĩ txiti ikawẽ taearã. Haskai betsabu tatimai unãnepanũ ika kemanamei ana Jesus Cristo ikũwãma hatũ xinã meribi watã ma txĩtuãbuki. Haskakẽ mianã, ha hãtxatxakaiburã, hatũ yusĩa txakabuwẽ parananaĩ: “Nukũ hãtxa unãnepati kayabiki”, ikĩ yusĩa pepa beshtenũ ikaibu hamẽ hatu nĩkayamakubaĩwẽ. Nukũ Shanẽ Ibũ hau hatube mia duawakubainũwẽ. Hatiski, ẽ hãtxarã. Paulo

2 Timóteo 1:13

Jesus Cristo nuku ishuniwẽ taea ikũwaĩ abunamekĩ ẽ mia yusĩmis keska wakĩ hãtxa kayabi kayatapia yusĩkĩ heneyamawe.

Hebreus 2:1

Deusũ bakẽ nai tsumabu binuatũ hamebi hatu yusĩni haskakiri hãtxa nũ nĩkanirã, ana hakiri nĩkahairakubainãkãwẽ, ha henetã bai betsawẽ nũ buyamanũbunã.

2 Pedro 1:13

Natiã ẽ hiweyuarã, txanima haska ẽ xinãmis na hãtxawẽ matu e imakĩ matũ xinã ẽ ana matu mestẽwãmakatsis ikai ea nĩkakãwẽ.

2 Pedro 3:1

Ẽ betsabu inũ ẽ puibuũ, matuwẽ nuikĩ ana ẽ matu keneshunairã, eskawẽ taeshũ ẽ matu ashuaiĩ.

2 Pedro 3:10

Hawatiãra nukũ Shanẽ Ibu huirã, tsuã ana hakiri xinãmakẽ yumetsu hua keskanũbarikiaki. Hanua kanatũ itxakayamai keskawẽ nai anu yamawakĩ habũ tsumabauna txi kuxipahairawẽ menukĩ mai hirabiri damiwani kupikĩ yamawashanikiki.

Apocalipse 16:15

Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya

Apocalipse 2:25

Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.

Apocalipse 22:7

Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.

Apocalipse 3:2

Hanua haska Deusũ matu xinãmakĩ hawẽ hãtxa matu txibãmakatsis ikai txibãkĩ mã keyuriamahaira unãkĩ matu yununũ nĩkakãwẽ. Ẽ hãtxa unãhairabiakĩ mã akĩ pewamaki. Ana txibãma mã hakimakĩ mã ma heneaii, mawai keskairã. Mã tsuabura haskarã, usha besteĩ keskatã matũ huĩtinĩ xinã mestẽwãtã ana ẽ Deus txibãhairakubaĩkãwẽ.