Amós 6:1 - Kaxinawá Bíblia (BR)

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

Amós 6:1 Referencias Cruzadas

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Isaías 33:14

Sião anu huni txakabu hiweshũ txakabuwamisbu datei habu saki saki ikaibũ habu patapai txakabumisbu date paepakĩ habũ yuikĩ: “Deusũ txiwẽ nuku kupikĩ yamawai inũ hawẽ txi nukaisma ikibi ikanurã, nukuburã, tsuabu nũ hari hiwetirubumẽ?” ikaibũ

Jeremias 2:3

Israelĩ enabu ena wakĩ hatu pashkatã ẽ hatu meribi waniki, bimi pepa ha dukũ tsekashũ arumisbu keska wakinã. Tsuãra enabu itxakawakĩ hatu bika tenemaibu eã hatu kupishũriakĩ atimapa txakabu ẽ hatu anu yunupauniki. Ea ẽ Senhor Deusũ ẽ txanima hãtxawẽ ẽ mia mestẽwaiĩ”, ea waniki.

Jeremias 7:4

Tsuãra matu parãkĩ yuikĩ: Senhor Deus kẽwãti hiwerã, nenuki! Senhor Deus kẽwãti hiwerã, nenuki! Senhor Deus kẽwãti hiwe nenuwẽ taea dateyamakãwẽ!’ ikaibu ha parananaĩbu ikũwãkĩ hawa hatu nĩkayamashãkãwẽ.

Amós 3:2

“Mai hirabi anu nawa shukuabu tibi hiwebiabaunabũ habukiri shinãma matu besti katukĩ enabu ẽ matu waniwẽ taeshũ txakabu betsa betsapa mã akubaĩmisbuwẽ taeshũ ha shinãkĩ ẽ matu kupishanaii”, akĩ matu yuikiki.

Amós 3:9

Ma Deusũ matu yunuawẽ taearã, hawẽ hãtxa hatu yuikubaĩkãwẽ: “Maewã Asdode anu shanẽ ibubũ hiwe hawẽrua tibi inũ Egito nawabũ mai pakea anu shanẽ ibubũ hiwe hawẽrua tibi anu bua hatuki txanitãkãwẽ: ‘Hatũ txakabuwẽ taea ibubis hatunabu nuitapa wakĩ itxakawamisbu hatu uinũ ika Samaria mati matipa anu bekãwẽ’, aki hatuki txanitãkãwẽ, habu hiwe txakaibu inũ detenamei betsa betsapaibu hau hatu uĩ benũbunã”, hatu watã

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 5:27

Damasco uke betsauri txaihaira anu ẽ matu hatu iyumakubaĩshanaii, ana haria txĩtũkirãtimawakinã”, akĩ Mekenika Deus kushipahaira dasibi binu keyuatũ ea yuishinaki, hawẽ kena Senhor Deusũnã.

Amós 8:14

Samaria anua yushibubu dami tsuabũra mã yubamisbuki. Hanua tsuabura yubakai hãtxairã, Dã anu hiweabu matũ yushibũ hiweawẽ mã yubakamisbuki. Hanua Berseba anu yushibubu hiweabuwẽ mã yubakakubaĩmisbu mawai mã di ishanaii, ana haskatã mã benitirubumarã”, akĩ txanima hãtxa Senhor Deusũ ea yuishinaki.

Amós 9:10

Enabu txakabububia dasibi hãtxa txakabui: ‘Hawara txakabu mese hukĩ ea meama ishanikiki’, ikĩ yui hãtxakubaĩmisburã, nupe txaipawẽ hatu tenãshãkanikiki”, itã

Miquéias 3:1

Israelĩ enabu shanẽ ibubu inũ yununikabuũ, natiã ea nĩkakãwẽ. Yunuti kushipa peparã, matunamakẽ mã unãkatsi ikamamẽ?

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

Santiago 5:5

Na mai anu yura mabuwãyã hiwearã, matũ mã uĩtirubuki. Hatiriburã, eska bestiwẽ hiweabuki. Tari hawẽrua sawea inũ, mabu hawẽrua besti haya hawẽ besti kemuaiburã, ina awa pitxakayama shuarãwã nia keska ma hanu dete kemabu keska mã hiweabuki.

1 Pedro 5:7

Ha inũ, hawara tibiwẽ mã bika tenei teai niti imis tibi Deus inãkubaĩkãwẽ, hatũ matukiri xinaĩkikirã.