Isaías 33:14 - Kaxinawá Bíblia (BR)

¹⁴ Sião anu huni txakabu hiweshũ txakabuwamisbu datei habu saki saki ikaibũ habu patapai txakabumisbu date paepakĩ habũ yuikĩ: “Deusũ txiwẽ nuku kupikĩ yamawai inũ hawẽ txi nukaisma ikibi ikanurã, nukuburã, tsuabu nũ hari hiwetirubumẽ?” ikaibũ

Isaías 33:14 Referencias Cruzadas

Isaías 1:28

Hakia itxakanikai sinatamisbu inũ txakabubu habu ea anu beabuma hatu kupikĩ ẽ yamawashanaii. Habũ ea henebaini mawashãkanikiki.

Isaías 32:11

Mã aĩbuaibu nuima hiweabuũ, datei saki saki ikãwẽ. Matuki txiti ishũ mã aĩbuaibu matu kẽwãmisbuũ, ana haska shinãma date paepakĩ matũ batxi hawẽrua pekatã hawẽ nui bika tenei unãmati batxi besha sawerikãwẽ.

Isaías 7:2

Haskaibutiã tsuãra shanẽ ibuhaira Acaz inũ hawenabu anu hatu banabimakĩ: “Síria nawabu Efraim enabube dasitã matuki yubakakanikiaki”, hatu wa hanua Acaz inũ hawenabũ haska nĩkatã datebauni huĩti bene bene iki hi shukua niwẽ hatu bubi bubi amis keskaibũ

Amós 9:10

Enabu txakabububia dasibi hãtxa txakabui: ‘Hawara txakabu mese hukĩ ea meama ishanikiki’, ikĩ yui hãtxakubaĩmisburã, nupe txaipawẽ hatu tenãshãkanikiki”, itã

Malaquias 3:2

txanima ha shabatiã Senhor Deus hui tashnikiranai tsuã nematiruma ishanikiki. Tsuãra huai uĩ hanu ni txaipatirumaki, hawẽ txakabuwẽ taearã. Nuku pewai huirã, bai kuabu txi here keska hushanikiaki. Nukũ detsis sabão kushipawẽ txuka keska washanikiaki.

Mateus 18:8

Haskakẽ matũ mekẽ kasmai matũ taewẽ hawara mã txakabuwakubainai matũ mekẽ kasmai matũ tae meshtea keska watã hawaira henekubaĩkãwẽ. Mã mekẽ dabeya inũ mã tae dabeyakẽ hanu txi nukaisma anu matu urẽa pemahairaki. Hakia mekẽ bestitxaiya inũ tae bestitxaiya Deusbe hiwei kai peki.

Mateus 22:12

yuikĩ: “Baa, ẽ tari haya nawati haskakĩ mĩ saweama hikiamẽ?” aka dakei hawa hãtxamakẽ

Mateus 24:51

manaka txakabube kupihairashanikiki, beparamemisbubetã hau bika tenehairai kashai sheta yẽsh yẽsh anunã— iwanã,

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Apocalipse 14:10

Deus ma hawẽ sinata pae hatuki tanani hawẽ hatu kupihairakĩ enxofre paxinipawẽ hatu nuitapawakĩ tsekerẽ imakĩ txiwẽ menukĩ hatu kupihairashanikiki, Deusũ nai tsumabu inũ txashuwã bake bebũshunã.

Apocalipse 20:10

hanu ha iã hanu enxofre paxinipa menui here hi hi ikai anu yuinaka mese atimapahaira inũ parã hãtxa yuishunika nai tsumabũ urẽnibu anu Satanásri urẽa haria bariri inũ mexu merã niti akama Deusũ hatu isĩ tenematxakayamashanikiki, hawa huĩrukũti hayama niti ikama akibi akinã.