Amós 4:1 - Kaxinawá Bíblia (BR)

¹ Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 4:1 Referencias Cruzadas

Salmos 22:12

Ina awa bene pubẽ keskakĩ eki sinataibũ ea kenebaunabuki, mae Basã anua ina awa bene pubẽ keshenameabu keskarã.

Provérbios 22:7

Mabuyabu shanẽ ibukĩ habu nuitapaibu hatu yunukubaĩmisbuki. Tsuãra hatu pei biãyumisbũ habũ diriabu hatu dayamamisbuki, hawẽ tsuma keska watanã.

Isaías 28:1

Samaria anu hiweabuũ, mã peirawa! Efraimnẽ maewã Samaria hawẽ maiti hawẽrua keska wakĩ hawẽ kẽmisburã, harã, habu paẽmisbũ maeki. Hua hawẽrua keska ibiaima ana hawẽruama utsitã txapuai keska bestiki. Mati mapãpa anushũ hatũ yunu bai tenãmã mai pepa uĩmisbu hanu hiweabu vinhowẽ kemui haki neshenibũ akĩ heneisbumaki.

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Ezequiel 18:12

nuitapaibu inũ hawa hayabuma itxakawakĩ merabewaisma inũ, yura betsa betsapabũ hatũ hawara yumetsumis inũ, huni betsã diria ma pakabiakẽ hawẽ mabu biaĩma ha yaushikĩ ana inaĩsma inũ, mekenika yushibu txani duawakĩ kẽwãmis inũ, hawara betsa betsapa ẽ betxipaiama akubaĩmis inũ,

Amós 3:1

Matũ shenipabu Egito anua Senhor Deusũ hatu tashnimabiranishũ mã Israelbu matu yuiairã, nĩkakãwẽ:

Amós 3:3

Habias shinã wãtã yura dabe ketashamea maputirubuki, pepa besti akubainirã.

Amós 5:11

Nuitapaibũ shekiwã trigo tsekaibu mã hamẽ hatu biãmiski, mae shanẽ ibũ yunuti txibãkĩ hatu yumetsũkĩ hatu pema pema aka keska wakinã. Haskawẽ taea mishki hiwe hawẽrua mã hatu amabiaima anu mã ha merã hiweama ikũkaĩshanaii. Uva bai pepa mã hatu banamabiaima hawẽ bimi tsekatã uva vinho wabiaimabu mã hanushũ hawa akama ikũkaĩshanaii.

Amós 6:1

Sião anu hawa bika teneama mã hiwei pebiamisburã, mã peirashãkãwã! Samaria anu hawa dateama hatuki txiti ika mã hiwebiamisrã, mã peirashãkãwã! Matũ mae shanẽ ibu kushipabu yununikabũ Israelĩ enabũ mã hatu benamisburã, haburã, mã peirariashãkãwã!

Amós 6:6

Kẽtxa ewapabuki uva vinho nushukubaĩkĩ mã sheni ininipahaira pepawẽ mã txa iake iakemisbubia matũ mai pakea inũ matunabu txakabuwatirubu hatuwẽ nuiti mã hatukiri shinãkubaĩsmaki.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,