Amós 4:5 - Kaxinawá Bíblia (BR)

Hawẽ benimawati misi shasha watiuma txi tapu anushũ matũ yushibu dami hatu menushũriakubaĩkãwẽ. Mae tibi anu tsuabũra hau hatũ inãkuĩti beshunũbũ hatu banabimarikubaũtãkãwẽ. Haska mã betxipaikĩ amis besti shinãkĩ arikubaĩkãwẽ, ẽ hãtxa mã nĩkaismarã”, akĩ Senhor Jeová hawẽ hãtxa txanima mestẽwanikiaki.

Amós 4:5 Referencias Cruzadas

Isaías 1:1

Haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri unãmanikiaki, hawenabu Judákiri inũ hatũ maewã Jerusalémkiri hatũ shanẽ ibuhairabu Uzias inũ, Jotão inũ, Acaz inũ, Ezequias Judá anu habu shanẽ ibuhairakubainaibutianã.

Isaías 1:11

Senhor Deusũ matu yuikĩ: “Haskakĩ hatira matũ inabu ea inãkĩ mã ea menushũmismẽ? Matũ txashuwã bene inũ ina awa bene babupã sheni mã ea menu keyushũmisrã, ma ẽ habu hatsãki. Haskawẽ taeshũ ina awã himi inũ, txashuwã benẽ himi inũ, cabra bakẽ himi txanima ana habu uĩkatsi ikama ẽ danãhairaii.

Jeremias 7:10

Mã haskabiai na ẽ kẽwãti hiwe ẽ meribi wani anu ea bebũ nishũ ea yukanũ ika mã bebirã bebirãmisbuki, ‘Ẽ mekei pea hiweaki’, ikarã. Hakia haska ẽ betxipaiama txakabu betsa betsapa mã akubainai eã ẽ ana tenetirumaki.

Jeremias 7:9

eska tibi meirã, yumetsukubainirã, huni betsa tenãkinã, aĩbu betsa beneya txutakinã, yura betsaki hamẽ txanitxakairã, yushibu Baal kẽwãkĩ sheni ininipa kuashũkinã, haska ẽ matu nemahairabianikẽ yushibu betsa betsapabu betxipaikĩ kẽwãkinã.

Amós 5:21

Mã eskamisbu Senhor Deusũ matu ana yuikĩ: “Haska ea kẽwaĩ besikũkaĩkĩ mã txakabuwakubainairã, harã, ẽ danaiĩ. Itxai petã mã ea kẽwãbiakĩ hawẽ hiwekaĩkĩ mã ea benimawaismaki.

Amós 5:22

Yuinaka sheni inũ shekiwã trigo duru kuakĩ mã hawẽ ea duawakĩ kẽwãkatsis ibiaya ẽ ana ha betxipaiamaki. Ea ana daewanũ ishũ ina awa bake shuarãwã tesẽshũ hawẽ yura hirabi mã ea menu keyubiashuna hawẽ nue danãkĩ ẽ ana hakiri pe shinãma ishanaii.

Mateus 15:9

Ha inũ, itxatã hawa ea kẽwãkĩ pewaisbumaki. Hakia hunibũ yunuawẽ besti hatu yusĩkubaĩmisbuki’, aka hawẽ hãtxa yuishunika Isaíasĩ nĩkatã nuku keneshuniki— hatu atã

Mateus 23:23

Deusũ hãtxa kenenibu yusĩnanãmisbu inũ fariseubu mã beparamemisbuũ, mã peirawa! Matũ piti niswati tibi itxawashũ mekẽ dabeti mãtxĩwãtã Deusbe nukunabu hãtxashunika mãtxĩ betsa inãbiakubaĩmis haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Mateus 6:2

Haskakẽ nuitapaibu mã merabewairã, tsua hatu banabimakĩ shabakabi hatu uĩmakĩ pawayamakubaĩshãkãwẽ. Hakia habu beparamemisbũ nuitapaibu hatu merabewakĩ hau yurabũ ea kẽwãnũbũ, iwanã, itxati hiwe anushũ inũ bai namakishũ hawara hatu inãkĩ shabakabi wamisburã, yurabũ manakuti ma hayabuki. Haskawẽ taeshũ ikũ kẽmisbu Deusũ ana hatu kẽwãma ishãkanikiki.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.