Jeremias 7:10 - Kaxinawá Bíblia (BR)

¹⁰ Mã haskabiai na ẽ kẽwãti hiwe ẽ meribi wani anu ea bebũ nishũ ea yukanũ ika mã bebirã bebirãmisbuki, ‘Ẽ mekei pea hiweaki’, ikarã. Hakia haska ẽ betxipaiama txakabu betsa betsapa mã akubainai eã ẽ ana tenetirumaki.

Jeremias 7:10 Referencias Cruzadas

1 Reis 9:3

ana habe hãtxakĩ yuikĩ: “Mĩ ebe hãtxakĩ ea kẽwaĩ inũ mĩ ea ea akai mĩ hãtxa ẽ nĩkayamaki. Ha kẽwãti hiwe mĩ ma akima anu ẽ kena ikũkaĩshanaiwẽ taeshũ meribi ena wakĩ ẽ ma pepa washinaki. Mekekĩ uĩ ẽ hanu ikũkaĩshanaii.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Jeremias 7:11

Na kẽwãti hiwe ẽ meribi wabianikẽ ikis yumetsubũ hiwe keska wakĩ itxakawakĩ mã ea shinãmismẽ? Dasibi mã haska wakubainairã, ẽ matu uĩkubainaii. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Jeremias 7:14

Haskawẽ taeshũ ha ẽ kẽwãti hiwe meribi Siló anua ẽ txakabuwani keska wakĩ matũ shenipabu inũ matubu na ẽ kẽwãti hiwe matu meribi wamatã ẽ kena ẽ netani ha mã haki txiti ikabu habiaskari wakĩ ẽ txakabuwashanaii.

Amós 4:5

Hawẽ benimawati misi shasha watiuma txi tapu anushũ matũ yushibu dami hatu menushũriakubaĩkãwẽ. Mae tibi anu tsuabũra hau hatũ inãkuĩti beshunũbũ hatu banabimarikubaũtãkãwẽ. Haska mã betxipaikĩ amis besti shinãkĩ arikubaĩkãwẽ, ẽ hãtxa mã nĩkaismarã”, akĩ Senhor Jeová hawẽ hãtxa txanima mestẽwanikiaki.

Malaquias 3:15

Hakia nukũ hatu uĩkinã, habu ibubis keĩ benima bestiaibu nũ uĩmiski. Ha inũ, hunibu txakabubiakĩ mabu mirima itxawakĩ bikubaĩmisbuki. Habunã, Deusũ hau ea kupinũ, iwanã, unãti wamabiabu hawa Deusũ hatu kupiai meriabumaki’, ikĩ mã shinãkubaĩmisbuki”, hatu wanikiaki.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

João 13:18

Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.

João 18:28

hanushũ Caifásĩ Jesus yukakĩ keyutã penaya Romano shanẽ ibu Pilatõs hiwe ewapa anu Jesus hau iyutanũbũ Romano soldadobu yunuaya judeu shanẽ ibubũ xinaĩ: “Nawã hemaĩtĩ anu hikia Moisés nuku yusĩniwẽ taea nawã detsiswẽ txakabutã ana Páscoa nawai besikĩ ẽ pitirumaki”, iki pepai nawayukatsi hikiabuma