Isaías 1:1 - Kaxinawá Bíblia (BR)

¹ Haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri unãmanikiaki, hawenabu Judákiri inũ hatũ maewã Jerusalémkiri hatũ shanẽ ibuhairabu Uzias inũ, Jotão inũ, Acaz inũ, Ezequias Judá anu habu shanẽ ibuhairakubainaibutianã.

Isaías 1:1 Referencias Cruzadas

2 Reis 18:1

Samaria anu Israelĩ enabu yunui Elá huni bake Oséias 3 ano shanẽ ibukũkainaya Acazĩ huni bake Ezequias 25 bariya shanẽ ibui Judá enabu yunui Jerusalém anu 29 ano shanẽ ibukũkainikiaki. Ezequiasĩ ewarã, Abi inikiaki. Abĩ eparã, Zacarias inikiaki.

2 Reis 19:2

Eliaquim ha hatũ shanẽ ibuhairatũ hiwe mekemis inũ, Sebnã shaba tibi ikaibukiri kenekubaĩmis inũ, hawenabu Deusbe hãtxashunika mestebubu besha tari saweriabu hatu itxawashũ Amozĩ huni bake Isaías Deusũ hãtxa yuishunika anu hatu yunukĩ

Isaías 2:1

Na haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri Judákiri inũ hatũ maewã Jerusalémkiri shabakabi unãmanikiaki.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 6:1

Ha baritiã Uzias shanẽ ibuhaira mawaya Senhor Deus ẽ uĩmakiri matu yuinũ nĩkakãwẽ. Hawẽ tsauti keyatapahaira anu tsaua hawẽ Templo kesha tari di akĩ keyubima tsaua ẽ uĩmaki.

Isaías 7:1

Jotãonẽ bake Acaz, Uziasĩ babarã, Judá anu hatũ shanẽ ibuaya habiatiãri Síria nawa shanẽ ibuhaira hawẽ kena Rezim hawẽ mae anu shanẽ ibuaya hanua Israel shanẽ ibuhaira Remaliasĩ bake Peca hatu shanẽ ibushunaya ha dabe dasitã Jerusalém hatu detetã mebinũ ika ibiaibũ hakia haska washũ atirubuma inibukiaki.

Ezequiel 1:1

Ha shaba 5 inũ, ushe 4 inũ, ano 30tiã Babilônia anu Nabucodonosorĩ enabũ hatu iwenibube ea Ezequiel ẽ hiwea shaba betsatiã hene hawẽ kena Quebar kesha anu ẽ nikẽ nai bepemanakainai anua nama keskakĩ Deus ẽ uiniki.

Amós 1:1

Judá enabũ mai pakea anu hiweabu Uzias shanẽ ibuhairakĩ hatu yunukubainaitiã inũ, Samaria anua shanẽ ibuhairakĩ Israelĩ enabu shukuabu anua 9 pashkanibu 2 ano mai patxa sakutxakayamariamakẽ Joásĩ huni bake Jeroboãonẽ hatu yunukubainaitiã mae pishta Tecoa anua txashuwã mekenika Amós dayakũkainai na hãtxa Israelĩ enabu 9 shukuabu anu Deusũ hawẽ hãtxa Amós yuimakubainikiaki.

Amós 4:5

Hawẽ benimawati misi shasha watiuma txi tapu anushũ matũ yushibu dami hatu menushũriakubaĩkãwẽ. Mae tibi anu tsuabũra hau hatũ inãkuĩti beshunũbũ hatu banabimarikubaũtãkãwẽ. Haska mã betxipaikĩ amis besti shinãkĩ arikubaĩkãwẽ, ẽ hãtxa mã nĩkaismarã”, akĩ Senhor Jeová hawẽ hãtxa txanima mestẽwanikiaki.

Miquéias 1:1

Miquéias Moresete anua Senhor Deus haki nukushũ namai keskawẽ hawẽ hãtxa hau hatuki txanikaũtãshanũ Samaria anuabu inũ Jerusalém anuabu Senhor Deusũ hawẽ hãtxa hatu yunukubainikiaki, eska hatu washanaikiri yuikinã, Judá enabu mai pakea anua Jotão shanẽ ibui inũ, ha katxu Acaz shanẽ ibui, inũ ana ha katxu Ezequias shanẽ ibuhairai bari itxapa ha dabe inũ bestitũ hatu yunukubainaibutianã.

Habacuque 2:2

Senhor Deusũ ea kemakĩ yuikĩ: “Mapu sapa washũ tsusĩriama hi kenu debu mesiwẽ haska ẽ mia unãmai kenewe. Tsusiaĩ kuabu mĩ neshea shabakabi mĩ keneshina tsuãra uĩkĩ hawa keti ikama hawaira yuibaĩkĩ tapĩtirubuki.

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Números 24:16

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Números 24:4

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Mateus 17:9

hanua mati keyatapa butebirãkĩ Jesusũ hatu nemakĩ yuikĩ: —Ẽ matũ Hutxi Kayabi Iuwa mawa ẽ ana matu bestẽshũriamakẽ na eska mã uĩshurã, tsua yuiyamayushãkãwẽ— hatu waya

Hechos 10:17

Pedrõ dama haska uĩshuwẽ taea: “Haskara ea yui ishumẽ?” ika xinaĩ hawẽ dabanã nuihairaya hanua Cornélio anua bea Simãonẽ hiwe yuka ikubirani hawẽ hiwe anu kematã

Hechos 26:19

Shanẽ ibuhaira Agripaã, haska nũ uĩsma nai anua namai keska ẽ uĩxina txibãnishũ ẽ txibãkubaĩmiski, xinã betsa wamarã.

2 Coríntios 12:1

Nama keskawẽ hawara nukũ Shanẽ Ibũ ea uĩmani ẽ matuki txani haskawẽ ẽ kẽtirumabia ekiri matu unãmahairakatsis ikĩ hawara nukũ Shanẽ Ibuã ea shabakabi unãmani ẽ matu yuiai nĩkairakãwẽ.