haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya
1 Coríntios 1:5 - Kaxinawá Bíblia (BR) Ha inũ, Cristokiri nũ matu yusĩtani mã ma ikũwãkĩ txibãkubainaya Deusũ shabakabi matu unãmakĩ pe hãtxamakĩ hakiri matu tapĩmakĩ hawẽ pepawẽ Deusũ matu duahairawakubainikiki. Kashinawa : Diosun Jesúswen taexun yuba bena yiniki Ja inun, Cristokidi nun matu yusintani man ma ikunwankin chibankubainaya Diosun xabakabi matu unanmakin pe janchamakin jakidi matu tapinmakin jawen pepawen Diosun matu duajaidawakubainikiki. |
haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya
Haskakẽ hawara Deusũ abuai Israelbũ danãkĩ betsa betsapa wabiaibũ ha habu Israelbumã hawẽ bake Jesus Cristo danãma habũ abukĩ Deusũ kakape Cristokiri nĩkatã habũ akai Israelbũ xinaĩ txanima habuwẽ taeshũ Israelĩ baba mirimabũri hawẽ hãtxa ikũwaĩ bepesheshãkanikiki, Deusũ hatu ana duahairawakĩ ibu wayarã.
Ẽ betsabu inũ ẽ puibuũ, yura betsabuwẽ nuikĩ mã hatu merabewamis inũ, Deusũ yusĩa mã unãhairai inũ, matubetã ikũwaĩ betsabube mã pe yusĩnanãmis ẽ hawa txakabu matukiri yuitiruma ẽ unaiĩ.
Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.
betsa haska tsuã atiruma hawẽ kuxipa unãmati dami betsa betsapa wanikabu wakĩ betsa Deus anua hãtxa nĩkatã txaninikabu wakĩ betsa haratura yushĩ txanima txaniai inũ haratura yushĩ txani txakai unãtirubu hatu wakĩ betsa hãtxa tapĩriamawẽ hãtxatirubu wakĩ betsãri habũ hãtxa nĩkatã matũ hãtxawẽ hatu shabakabi maewashunika wakĩ Deusũ nuku tibi yunuakeakeriamiski,
Yushĩ Pepawẽ yura bestibu tibi hawẽ kuxipa yunukĩ Deusũ xinãwẽ shabakabi hau hãtxanũbũ unãnepa kayabibu hatu wamiski. Habias Yushĩwẽ bestibu tibi shabakabi pe yusĩti xarawakĩ itxapa unãhairaibu yusĩnãbu hatu wariamiski.
Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.
Yurabũ Deusũ hãtxa shabakabi yuimisbu Deusũ hatu henemai inũ, yura betsaburi hãtxa tapĩriamawẽ hãtxai Deusũ hatu henemashanai inũ, hamapai xarabu unãkĩ keyubiakubaĩxinabu haska tibi Deusũ yamawashanikiki. Hakia Jesuswẽ taea nuikipabu betsawẽ nuikĩ merabewakĩ heneisbuma haska besti keyuama ishãkanikiki.
Ẽ betsabu inũ ẽ puibuũ, haska mã ikũwaĩbu itxatã hawara Deusũ matu amai merabenaĩ kuxipai mã eskakubainũbũ matu yuinũ nĩkakãwẽ. Deusũ matu tibi unãnepa waya huni betsã Deus kẽwãkatsi ikirã, nawakãwẽ. Ha inũ, huni betsãri yusĩkatsi ikinã, yusĩtirubuki. Betsari Deusũ hawara dama unãmashu txanikatsi ikirã, txanitiruki. Betsari hatũ hãtxamawẽ hãtxakatsis ikirã, hau hawẽ hãtxamawẽ hãtxanũwẽ. Betsã ha hãtxa yuiaya shabakabi hawẽ hãtxa maewashũkĩ yuishũkatsis ikairã, hau hatu maewashuni hãtxanũwẽ. Habu tibi hãtxakeakekĩ unãshubira ikũwaĩbu merabenaĩ mã kuxipanamekubaĩtirubuki.
Haskakẽ matunã, matũ xinãwẽ besti unãnepabiakĩ yushĩ dami betsa hawẽ kẽwãti nami pikĩ ikũwaĩ huĩti shubu haburi Jesus Cristo hatu mawashũbianikẽ mã hatu benutiruki.
Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.
Matunã, ikũwãkĩ betsabu mã hatu binumiski, Cristõ kakape ikũwãkĩ inũ, Deusũ hãtxa shabakabi unãkĩ inũ, shabakabi unãnepakĩ inũ, hamapai Deus mã ashũtiru akĩ inũ, haska merabewati nuku anua nui mã tapĩmiswẽ taea ikũwaĩbu betsa mã hatukiri xinaĩnã matũ nuikipa uĩmakĩ Jerusalém anuabu nuitapaibu hatu merabehairawakãwẽ, betsabũ akima binumakinã.
Haska inũ, Deusũ itxapa matu inãmiskẽ pashkashũ matũri yura betsabu mã inaĩbu nũ matu haska yusĩmiswẽ taeshũ yura itxapabũ Deus kẽwãshãkanikiki.
Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.
Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.
Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.
Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.
Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,
Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.
Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.
Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.
Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro