Hechos 2:4 - Kaxinawá Bíblia (BR)

⁴ haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

Kashinawa : Diosun Jesúswen taexun yuba bena yiniki

⁴ jaskakin dasibi jatu achimakin keyuaya jaska janchatidubumabiaken nawa betsa betsapabun jancha tibiwen Diosun Yushin Pepatun yuimakin jatu janchamakin taewaya

Hechos 2:4 Referencias Cruzadas

Isaías 28:11

Hakia haskabiai ha Samaria anuabũ ẽ yusiã pe nĩkabumakẽ nawabũ hãtxa nĩkatirubumawẽ habu Deusũ atxishanikiki, haska hãtxa nĩkabumawẽ hatu bika tenemakĩ Deusũ hatu hãtxa watiruma keska wakinã.

Ezequiel 3:11

Minabu Babilônia anu iwenibu hatu uĩ kariwe. Mia nĩkatirubumẽkaĩ, mia nĩkabumabiakẽ: ‘Senhor Deusũ eska matu yuikiki. Nĩkakãwẽ’, iwanã, ea hatu yuishũshãwẽ”, ea wa

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Mateus 10:19

Hakia atxishũ shanẽ ibu kuxipabu anu matu iyuabu hawara mã yuitirukiri Deusũ Yushĩ Pepatũ matu unãmashanikiki. Haskakẽ hawa dateama harakiri yuishãpa? ikĩ bebũkiri xinãyamakubaĩshãkãwẽ,

Marcos 16:17

Haska inũ, tsuabũra ea ikũwaĩ haskakubaĩshanaibu matu yuinũ nĩkakãwẽ. Ẽ kuxipa hayashũ ẽ kenawẽ taeshũ yushĩ txakabu kaĩmashãkanikiki. Ha inũ, hãtxa bena tapĩriamawẽ hãtxashãkanikiki.

Lucas 1:41

Isabelĩ Maria nĩkaya hawẽ pustu meranua hawẽ bake tukuaya Deusũ Yushĩ Pepatũ kuxipa waya

Lucas 1:67

Joãonẽ epa Zacarias Yushĩ Pepatũ kuxipa wa hãtxakĩ Deus kẽwaĩ Deus hãtxashũkĩ yuikĩ:

Lucas 12:12

Matu haska waibu habiatiã matu hãtxamakĩ Deusũ Yushĩ Pepatũ matu unãmakĩ haska matu hãtxamashanikiki— hatu waya

Lucas 4:1

Hanua Joãonẽ Jesus naximaya Deusũ hawẽ Yushĩ Pepawẽ kuxipahaira wa hene Jordão anua Jesus kai hanu tsua hiweabumanu Deusũ Yushĩ Pepatũ Jesus iyuxina kawanaya yushĩ txakabu shanẽ ibu diabõ parãkĩ kanemanũ ikaya hanua 40 dia hanu hiweshũ hawa piama binukainaya haskakainaya Jesus bunihairai

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 20:22

kuxipa wakĩ nukukiri kũtxũkaĩ kuxu atã nuku yuikĩ: —Yushĩ Pepa hayarikãwẽ. Haskatã tsuabura Deuskiri habu txakabu haya mã hakimawakẽ Deusũri hatũ txakabu hatu buashũshanikiki. Hakia hatũ txakabu mã hakimawamakẽ Deusũri hatũ txakabu hatu buashunama ishanikiki— nuku watã haniraki ana dami kaĩkẽ

Hechos 1:5

Txanima Joãonẽ henewẽ dukũ hatu naximakubaĩyamaki. Hakia eãnã, habiaskari wakĩ samama duakabi Deusũ Yushĩ Pepawẽ ẽ matu naximashanaii, matu unãti wamakinã— hatu waya

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 10:47

judeubu habe bekãshu Pedrõ hatu yuikĩ: —Na judeubuma haskaiburã, “Na yurabu hatu naximayamanãwẽ”, iki nemai nũ itirumaki. Nuku keskari wakĩ Deusũ hawẽ Yushĩ Pepa ma hatu inãshuki— itã,

Hechos 11:15

hanushũ Jesuskiri kakape ẽ hatu yusĩ taewaya Deusũ Yushĩ Pepa ha dukũ nuku anu huyama keskai habu anuri hushũ hatuki dasikĩ hatu atxixinaki.

Hechos 11:24

Barnabé huni pepa duapa Jesus ikũhairawamis Deusũ Yushĩ Pepatũ kuxipa hayakẽ hawẽ yusĩa nĩkai itxapabu nukũ Shanẽ Ibuki dasikubainibukiaki.

Hechos 13:52

Hakia habũ Jesus ikũwaĩbu Antioquia anuabu Deusũ Yushĩ Pepatũ hatu merabewaya benimahairakubainibukiaki.

Hechos 13:9

hakia Saulo, hawẽ kena betsa Paulo, Deusũ Yushĩ Pepatũ kuxipayatũ beri ikama beishairakĩ

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

Hechos 19:6

hatu haska watã ha 12 hunibuki hatuki mamepikũkaunaya Deusũ Yushĩ Pepa hatuki butuakeakeaya hanua habu tibiki nawã hãtxa betsa betsapawẽ hãtxaisbumabiakẽ hatũ hãtxawẽ Deusũ hãtxa hatu yuimakĩ meshtãmanikiaki.

Hechos 2:11

betsa judeu kainibu inũ, betsabũ judeubũ beya txibãmisbu inũ, Creta anuabu inũ, Arábia anuabu beimabu nukũ hãtxa tibiwẽ Deusũ kuxipawẽ e imatikiri yuiaibu nũ hatu nĩkaii— iake iakeaibũ

Hechos 2:3

haskakĩ Jesus ikũwaĩbu tibi txi here keska shawakeakei hatu mamaki maratamea hi ibauni hatuki hikiakeakeaya

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

Hechos 4:8

Deusũ Yushĩ Pepatũ Pedro kuxipa wa hatu kemakĩ: —Ẽ shanẽ ibubuũ,

Hechos 6:3

Haskakenã, ẽ betsabu inũ ẽ puibuũ, hau huni betsabũ piti matu pashkashũkĩ inãkĩ pewakubainũbũ sete huni xinãyã inũ unãnepabu Deusũ Yushĩ Pepatũ kuxipayabu hau habũ matu pashka pewashunũbũ benakĩ katushũ ha daya hatu yunukãwẽ.

Hechos 6:5

haska hatu yuiabu nĩkatã dasibitũ habias xinãwãtã hanushũ hatu katukĩ huni xinãyã inũ unãnepabu Deusũ Yushĩ Pepatũ kuxipayabu katukĩ hati anibukiaki. Estêvão inũ, Filipe inũ, Prócoro inũ, Nicanor inũ, Timão inũ, Pármenas inũ, nawa betsa Antioquia mae ewapanu hiweshũ judeubũ beya tapĩni Nicolau hati hatu katubaĩ

Hechos 6:8

Estêvão Deusũ duawakĩ kuxipa paeya wakĩ pepawanikiri mia yuinũ nĩkawe. Hawenabũ berubi Estêvãonẽ dami tsuã atiruma atimaska wakĩ hatu uĩmakubainaya

Hechos 7:55

hakia Deusũ Yushĩ Pepatũ Estêvão merabewakĩ kuxipa waya naiuri teskãshũ uĩkĩ Deus txasha kuxipahaira anu hawẽ yusiuri Jesus nia uĩtã

Hechos 8:17

hanushũ hawẽ Yushĩ Pepa atximakĩ hatu mamepishũ hatu yukashunaya ha Yushĩ Pepatũ hatu merabewai hatuki hikiakeakenikiaki.

Hechos 9:17

nĩkabaini Ananias kai hanu Saulo ika anu hikikaĩ mamepitã yuikĩ: —Sauloõ, Jesus ikũwaĩ ma mĩ nukũ betsaki. Mĩ bai tanabiranai habias Shanẽ Ibu Jesus miki nukuxinatũ hau mĩ beru mĩ ana uĩ pewanũ inũ hawẽ Yushĩ Pepatũ hau mia atxitã kuxipa wanũ mia anu Jesusũ ea yunushuki— akaya

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

1 Coríntios 12:10

betsa haska tsuã atiruma hawẽ kuxipa unãmati dami betsa betsapa wanikabu wakĩ betsa Deus anua hãtxa nĩkatã txaninikabu wakĩ betsa haratura yushĩ txanima txaniai inũ haratura yushĩ txani txakai unãtirubu hatu wakĩ betsa hãtxa tapĩriamawẽ hãtxatirubu wakĩ betsãri habũ hãtxa nĩkatã matũ hãtxawẽ hatu shabakabi maewashunika wakĩ Deusũ nuku tibi yunuakeakeriamiski,

1 Coríntios 13:1

Haska hawẽ pepai hiwekũkaĩtirã, eska xinãtiki. Hamapai yura betsabũ hãtxa tibiwẽ ẽ hãtxatiru inũ, Deusũ nai tsumabũ hãtxawẽ ẽ hãtxatirubia ẽ hawa nuikipama hãtxairã, hawara mane kuxakĩ taĩ taĩ amisbu keska inũ mane dabe tsumashũ tsakama tsakama abaĩkĩ huiyawamisbu mimawati keskaki, hawauma hamẽ hãtxawã bestirã.

1 Coríntios 13:8

Yurabũ Deusũ hãtxa shabakabi yuimisbu Deusũ hatu henemai inũ, yura betsaburi hãtxa tapĩriamawẽ hãtxai Deusũ hatu henemashanai inũ, hamapai xarabu unãkĩ keyubiakubaĩxinabu haska tibi Deusũ yamawashanikiki. Hakia Jesuswẽ taea nuikipabu betsawẽ nuikĩ merabewakĩ heneisbuma haska besti keyuama ishãkanikiki.

1 Coríntios 14:18

Ha hãtxa ẽ hãtxama ẽ ha tapĩriamawẽ hãtxakĩ matu dasibi ẽ binuawẽ taeshũ ẽ Deus kẽwaiĩ,

1 Coríntios 14:5

Tsuabura matũ hãtxamawẽ Deus yuishuni mã hãtxaya huni betsã matũ hãtxawẽ haska yuiai matu maewashũamarã, ha hãtxa tashniaiwẽ tsua merabewatirumaki. Hamẽ betsarã, matũ hãtxamawẽ Deusũ Yushĩ Pepatũ matu hãtxamai pekẽ matu dasibi mã haska hãtxai ẽ abuaii. Hakia Deusũ hãtxa shabakabi yuishũkĩ ikũwaĩbu itxapa mã kuxipa wa pehairaya Yushĩ Pepatũ kuxipawẽ ha dukũ Deusũ hãtxa yuishũti yukakubaĩkãwẽ.

Efésios 3:19

Haska hawẽ nui mã unaĩnã, pesheixta besti hawẽ nui unãkĩ haska hawẽ nui betsa betsapa meshti akĩ mã hawa tanatirubumaki. Deusũ hawẽ kuxipa pepa haska tsuã bikĩ nũ keyutirubumakiri mã unãnũbũ ẽ matu yukashũriamiski.

Efésios 5:18

Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Samuel 1:14

Ana yukakĩ yuikĩ: —Hawatiã mĩ paeã mĩ bepe ikai? Vinho mĩ akai heneriwe!— aka

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya