Masalimo 3 - Buku Lopatulika

Kukhulupirika kwa Mulungu

Salimo la Davide, muja anathawa Abisalomu mwana wake.

¹ Yehova! Ha! Achuluka nanga akundisautsa ine! Akundiukira ine ndi ambiri.

² Ambiri amati kwa moyo wanga, alibe chipulumutso mwa Mulungu.

³ Ndipo Inu Yehova, ndinu chikopa changa; ulemerero wanga, ndi wondiweramutsa mutu wanga.

⁴ Ndifuula kwa Yehova ndi mau anga, ndipo andiyankha m'phiri lake loyera.

⁵ Ndinagona ine pansi, ndinagona tulo; ndinauka; pakuti Yehova anandichirikiza.

⁶ Sindidzaopa unyinji wa anthu akundizinga ine.

⁷ Ukani Yehova; ndipulumutseni, Mulungu wanga! Pakuti mwapanda adani anga onse patsaya; mwawathyola mano oipawo.

⁸ Chipulumutso ncha Yehova; dalitso lanu likhale pa anthu anu.