Masalimo 121 - Buku Lopatulika

Mulungu Msungi wokhulupirika wa anthu ake

Nyimbo yokwerera.

¹ Ndikweza maso anga kumapiri: Thandizo langa lidzera kuti?

² Thandizo langa lidzera kwa Yehova, wakulenga kumwamba ndi dziko lapansi.

³ Sadzalola phazi lako literereke: Iye amene akusunga sadzaodzera.

⁴ Taonani, wakusunga Israele sadzaodzera kapena kugona.

⁵ Yehova ndiye wakukusunga; Yehova ndiye mthunzi wako wa kudzanja lako lamanja.

⁶ Dzuwa silidzawamba usana, mwezi sudzakupanda usiku.

⁷ Yehova adzakusunga kukuchotsera zoipa zilizonse; adzasunga moyo wako.

⁸ Yehova adzasungira kutuluka kwako ndi kulowa kwako, kuyambira tsopano kufikira nthawi zonse.