Yohane 16:3 - Buku Lopatulika

Ndipo izi adzachita, chifukwa sanadziwe Atate, kapena Ine.

Chichewa Buku Lopatulika Bible 2014

Ndipo izi adzachita, chifukwa sanadziwa Atate, kapena Ine.

Buku Loyera Catholic Edition - Chichewa

Adzachita zimenezi chifukwa sadadziŵe Atate kapenanso Ine.

Mawu a Mulungu mu Chichewa Chalero

Iwo adzachita zoterozo chifukwa sanadziwe Atate kapena Inenso.

Yohane 16:3 Mawu Ofanana

Luka 10:22

Zonse zaperekedwa kwa Ine ndi Atate wanga; ndipo palibe munthu azindikira Mwana ali yani, koma Atate; ndipo Atate ali yani, koma Mwana, ndi iye amene Mwana afuna kumuululira Iye.

Yohane 15:21

Koma izi zonse adzakuchitirani chifukwa cha dzina langa, chifukwa sadziwa wondituma Ine.

Yohane 15:23

Iye wondida Ine, adanso Atate wanga.

Yohane 17:25

Atate wolungama, dziko lapansi silinadziwe Inu, koma Ine ndinadziwa Inu; ndipo iwo anazindikira kuti munandituma Ine;

Yohane 17:3

Koma moyo wosatha ndi uwu, kuti akadziwe Inu Mulungu woona yekha, ndi Yesu Khristu amene munamtuma.

Yohane 8:19

Chifukwa chake ananena ndi Iye, Ali kuti Atate wanu? Yesu anayankha, Simudziwa kapena Ine, kapena Atate wanga; mukadadziwa Ine, mukadadziwanso Atate wanga.

Yohane 8:55

ndipo inu simunamdziwe Iye; koma Ine ndimdziwa Iye; ndipo ngati ndinena kuti sindimdziwa Iye, ndidzakhala wonama chimodzimodzi inu; koma ndimdziwa Iye, ndipo ndisunga mau ake.

Machitidwe a Atumwi 3:17

Ndipo tsopano, abale, ndidziwa kuti munachichita mosadziwa, monganso akulu anu.

1 Akorinto 2:8

imene saidziwa mmodzi wa akulu a nthawi ya pansi pano: pakuti akadadziwa sakadapachika Mbuye wa ulemerero;

2 Atesalonika 1:8

m'lawi lamoto, ndi kubwezera chilango kwa iwo osamdziwa Mulungu, ndi iwo osamvera Uthenga Wabwino wa Ambuye wathu Yesu;

1 Timoteyo 1:13

ndingakhale kale ndinali wamwano, ndi wolondalonda, ndi wachipongwe; komatu anandichitira chifundo, popeza ndinazichita wosazindikira, wosakhulupirira;

1 Yohane 2:23

Yense wakukana Mwana, alibe Atate; wovomereza Mwana ali ndi Atatenso.

1 Yohane 3:1

Taonani, chikondicho Atate watipatsa, kuti titchedwe ana a Mulungu; ndipo tili ife otere. Mwa ichi dziko lapansi silizindikira ife, popeza silimzindikira Iye.

1 Yohane 4:8

Iye wosakonda sazindikira Mulungu; chifukwa Mulungu ndiye chikondi.

1 Yohane 5:20

Ndipo tidziwa kuti Mwana wa Mulungu wafika, natipatsa ife chidziwitso, kuti tizindikire Woonayo, ndipo tili mwa Woonayo, mwa Mwana wake Yesu Khristu. Iye ndiye Mulungu woona ndi moyo wosatha.