Masalimo 73:3 - Buku Lopatulika

Pakuti ndinachitira nsanje odzitamandira, pakuona mtendere wa oipa.

Chichewa Buku Lopatulika Bible 2014

Pakuti ndinachitira nsanje odzitamandira, pakuona mtendere wa oipa.

Buku Loyera Catholic Edition - Chichewa

Pakuti ndinkachita nsanje ndi anthu odzikuza, pamene ndidaona anthu oipa akulemera.

Mawu a Mulungu mu Chichewa Chalero

Pakuti ndinkachitira nsanje odzitamandira, pamene ndinaona mtendere wa anthu oyipa.

Masalimo 73:3 Mawu Ofanana

Yobu 12:6

Mahema a achifwamba akhala mumtendere, ndi iwo oputa Mulungu alimbika mtima; amene Mulungu amadzazira dzanja lao.

Yobu 17:8

Anthu oongoka mtima adzadabwa nacho, ndi munthu wosalakwa adzadziutsa kumtsutsa wonyoza Mulunguyo.

Yobu 21:7

Oipa akhaliranji ndi moyo, nakalamba, nalemera kwakukulu?

Yobu 24:23

Awalola akhale osatekeseka, ndipo alimbikapo; koma maso ake ali panjira zao.

Masalimo 10:5

Mayendedwe ake alimbika nthawi zonse; maweruzo anu ali pamwamba posaona iye; adani ake onse awanyodola.

Masalimo 37:1

Usavutike mtima chifukwa cha ochita zoipa, usachite nsanje chifukwa cha ochita chosalungama.

Masalimo 37:7

Khala chete mwa Yehova, numlindirire Iye; usavutike mtima chifukwa cha iye wolemerera m'njira yake, chifukwa cha munthu wakuchita chiwembu.

Miyambo 23:17

Mtima wako usachitire nsanje akuchimwawo; koma opabe Yehova tsiku lonse.

Miyambo 24:1

Usachitire nsanje anthu oipa, ngakhale kufuna kukhala nao;

Miyambo 3:31

Usachitire nsanje munthu wachiwawa; usasankhe njira yake iliyonse.

Mlaliki 7:15

Ndaona zonsezi masiku anga achabe; pali wolungama angofa m'chilungamo chake, ndipo pali woipa angokhalabe ndi moyo m'kuipa kwake.

Yeremiya 12:1

Wolungama ndinu, Yehova, pamene nditsutsana nanu mlandu; pokhapo ndinenane nanu za maweruzo; chifukwa chanji ipindula njira ya oipa? Chifukwa chanji akhala bwino onyengetsa?

Malaki 3:15

Ndipo tsopano tiwatcha odzikuza odala, inde iwo ochita zoipa amangidwa ngati nyumba; inde, ayesa Mulungu, napulumuka.

Yakobo 4:5

Kodi muyesa kapena kuti malembo angonena chabe? Kodi Mzimuyo adamkhalitsa mwa ife akhumbitsa kuchita nsanje?