အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၂ ကော 5:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထိုသို့ ဘုရားသခင်​သည် ငါ​တို့​မှ​တစ်ဆင့် တိုက်တွန်း​တော်မူ​သည်​ဖြစ်၍ ငါ​တို့​သည် ခရစ်တော်​၏​သံတမန်​များ​ဖြစ်​ကြ​၏။ ထို့ကြောင့် “ဘုရားသခင်​နှင့်​ပြန်လည်​သင့်မြတ်​ကြ​လော့”​ဟု ခရစ်တော်​၏​ကိုယ်စား ငါ​တို့​တောင်းပန်​ကြ​၏။

အခန်းကိုကြည့်ပါ။

Common Language Bible

သို့​ဖြစ်​၍​ငါ​တို့​သည်​ခ​ရစ်​တော်​၏​သံ​တ​မန် အ​ဖြစ်​နှင့်​သင်​တို့​အား​မေတ္တာ​ရပ်​ခံ​၏။ ဘု​ရား သ​ခင်​ကိုယ်​တော်​တိုင်​ပင်​လျှင်​ငါ​တို့​မှ​တစ်​ဆင့် သင်​တို့​ကို​မေတ္တာ​ရပ်​သ​ကဲ့​သို့​သင်​တို့​အား မေတ္တာ​ရပ်​ခံ​၏။ သင်​တို့​သည်​ဘု​ရား​သ​ခင်​၏ ရန်​သူ​များ​အ​ဖြစ်​မှ​မိတ်​ဆွေ​များ​အ​ဖြစ် သို့​ပြောင်း​လဲ​ကြ​ပါ​ဟူ​၍​ခ​ရစ်​တော်​၏ ကိုယ်​စား​ငါ​တို့​တောင်း​ပန်​၏။-

အခန်းကိုကြည့်ပါ။

Garrad Bible

ထို ကြောင့် ငါ တို့ အား ဖြင့် ဘု ရား သ ခင် နှိုး ဆော် တော် မူ သည့် သ ဖွယ် ခ ရစ် တော်၏ သံ တ မန် တော် များ ဖြစ် သော ငါ တို့ က ဘု ရား သ ခင် နှင့် မိတ် သ ဟာ ယ ဖွဲ့ ခြင်း ခံ ကြ မည့် အ ကြောင်း ခ ရစ် တော့် အ တွက် တောင်း ပန် ကြ၏။

အခန်းကိုကြည့်ပါ။

Judson Bible

ထို​ကြောင့် ငါ​တို့​သည်​ခ​ရစ်​တော်၏ သံ​တ​မန်​ဖြစ်​ကြ၏။ သင်​တို့​သည်​ရန်​ငြိမ်း၍ ဘု​ရား​သ​ခင်​နှင့် မိတ်​သ​ဟာ​ယ​ဖွဲ့​ကြ​လော့​ဟု ဘု​ရား​သ​ခင်​သည် ငါ​တို့​အား​ဖြင့် နှိုး​ဆော် သွေး​ဆောင်​တော်​မူ​သ​ကဲ့​သို့၊ ငါ​တို့​သည် ခ​ရစ်​တော်၏ ကိုယ်​စား​ဖြစ်၍ သင်​တို့​ကို တောင်း​ပန် သွေး​ဆောင်​ကြ၏။-

အခန်းကိုကြည့်ပါ။

ခေတ်သစ်​မြန်မာ သမ္မာကျမ်း

ထိုသို့ ကျွန်ုပ်တို့​သည် ဘုရားသခင်​၏ သံတမန်များ​ဖြစ်ကြ၏။ ဘုရားသခင်​သည် ကျွန်ုပ်တို့​အားဖြင့် လူတို့​အား တိုက်တွန်း​နှိုးဆော်​လျက် ရှိတော်မူ၏။ ထို့ကြောင့် “ဘုရားသခင်​နှင့် ပြန်လည်​သင့်မြတ်ကြလော့” ဟု ခရစ်တော်​၏ ကိုယ်စား သင်တို့​ကို ကျွန်ုပ်တို့​အနူးအညွတ်​မေတ္တာရပ်ခံကြ၏။

အခန်းကိုကြည့်ပါ။



၂ ကော 5:20
28 ပူးပေါင်းရင်းမြစ်များ  

ထို့ကြောင့် ထာဝရဘုရား​က ဗျာဒိတ်ရသူ​ပရောဖက်​အပေါင်း​တို့​အားဖြင့် အစ္စရေး​လူမျိုး​နှင့်​ယုဒ​လူမျိုး​တို့​အား “​ဆိုးညစ်​သော​လမ်း​တို့​မှ ပြန်လှည့်​လာ​ကြ​လော့​။ ငါ့​အစေအပါး​ပရောဖက်​တို့​အားဖြင့် ဆင့်ဆို​စေ​သော​၊ သင်​တို့​၏​ဘိုးဘေး​တို့​အား ငါ​မိန့်မှာ​ထား​သော​ပညတ်တရား​အလုံးစုံ​ဖြစ်​သည့် ငါ​၏​ပညတ်ချက်​များ​၊ ပြဋ္ဌာန်းချက်​များ​ကို စောင့်ထိန်း​ကြ​လော့​”​ဟု သတိပေး​တော်မူ​ခဲ့​၏​။


ဘိုးဘေး​တို့​၏​ဘုရားသခင်​ထာဝရဘုရား​သည် မိမိ​လူမျိုး​တော်​နှင့် ကိန်းဝပ်​တော်မူ​ရာ​အရပ်​ကို ညှာတာထောက်ထား​လျက် သူ​တို့​ထံသို့ တမန်​များ​ကို အကြိမ်ကြိမ်​စေလွှတ်​တော်မူ​ခဲ့​၏​။


ပညတ်တရားတော်​ကို လိုက်နာ​ရန် ကိုယ်တော်​သည် သူ​တို့​ကို သတိပေး​ခဲ့​၏​။ သို့သော် သူ​တို့​သည် မာနထောင်လွှား​လျက် ကိုယ်တော်​၏​ပညတ်ချက်​တို့​ကို မ​နာခံ​ကြ​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော စီရင်ထုံးဖွဲ့ချက်​များ​ကို ဆန့်ကျင်​၍ အပြစ်ပြု​ကြ​၏​။ သူ​တို့​သည် ကိုယ်တော့်​ကို ကျောခိုင်း​၍ ဆန့်ကျင်ပုန်ကန်​လျက်​၊ ခေါင်းမာ​လျက် မ​နာခံ​ဘဲ​နေ​ကြ​၏​။


ဘုရားသခင်​နှင့် အကျွမ်းဝင်​၍ သင့်မြတ်​အောင်​နေ​လော့​။ သို့ပြုလျှင် ကောင်းကျိုးချမ်းသာ​ကို သင်​စံစား​ရ​မည်​။


လူ​အား သူ​ဖြောင့်မှန်​ကြောင်း​ဖော်ပြ​ပေး​နိုင်​ရန် သူ့​အတွက် ကြားဝင်စေ့စပ်​ပေး​နိုင်​သော​ကောင်းကင်တမန် တစ်ထောင်​တွင် တစ်ပါးသာ​ရှိ​ခဲ့​လျှင်


ဘုရားသခင်​ရှေ့​တော်​တွင် သင်​နှင့်​အကျွန်ုပ်​သည် အတူတူပင်​ဖြစ်​၏​။ အကျွန်ုပ်​ကို​လည်း မြေမှုန့်​ဖြင့် ပုံဖော်ဖန်ဆင်း​တော်မူ​ခဲ့​၏​။


ဆိုးယုတ်​သော​စေတမန်​သည် ဒုက္ခတွင်း​ထဲသို့​ကျရောက်​တတ်​၏​။ သစ္စာရှိ​သော​သံတမန်​မူကား ဒဏ်ရာဒဏ်ချက်​ကို ပျောက်ကင်း​စေ​တတ်​၏​။


သို့မဟုတ် သူ​သည် ငါ့​ထံသို့ လာရောက်​ခိုလှုံ​ပါစေ​။ ငါ​နှင့်​ငြိမ်းချမ်းရေး​ယူ​ပါစေ​။ ငါ​နှင့်​ငြိမ်းချမ်းရေး​ယူ​ပါစေ​။


ယေရမိ​က​လည်း “​မင်းကြီး​ကို သူ​တို့​လက်​သို့ အပ်နှံ​ကြ​မည်​မ​ဟုတ်​။ အကျွန်ုပ်​ဆင့်ဆို​သော ထာဝရဘုရား​၏​စကား​တော်​ကို နားထောင်​ပါ​လော့​။ သို့ပြုလျှင် မင်းကြီး​အသက်ချမ်းသာ​ရာ​ရ​၍ ကောင်းစား​လိမ့်မည်​။


ငါ့​အစေအပါး​ပရောဖက်​အပေါင်း​တို့​ကို သင်​တို့​ရှိ​ရာ​သို့ အကြိမ်ကြိမ်​စေလွှတ်​၍ ငါ​မုန်း​သော ဤ​စက်ဆုပ်ရွံရှာဖွယ်​အမှု​ကို မ​ပြု​ကြ​နှင့်​ဟု ဆင့်ဆို​စေ​ခဲ့​၏​။


အကယ်စင်စစ် ယဇ်ပုရောဟိတ်​၏​နှုတ်ခမ်း​သည် အသိပညာ​ကို ထိန်းသိမ်း​ထား​ရ​မည်​။ သူ​သည် ကောင်းကင်​ဗိုလ်ခြေ​အရှင်​ထာဝရဘုရား​၏​စေတမန်​ဖြစ်​သောကြောင့် သူ​၏​နှုတ်​မှ သွန်သင်ချက်​ကို လူ​တို့ ရှာဖွေ​ဆည်းပူး​ရ​မည်​။


သင်​တို့​စကား​ကို​နားထောင်​သော​သူ​သည် ငါ့​စကား​ကို​နားထောင်​၏။ သင်​တို့​ကို​ငြင်းပယ်​သော​သူ​သည် ငါ့​ကို​ငြင်းပယ်​၏။ ငါ့​ကို​ငြင်းပယ်​သော​သူ​သည် ငါ့​အား​စေလွှတ်​တော်မူ​သော​အရှင်​ကို​ငြင်းပယ်​၏”​ဟု မိန့်​တော်မူ​၏။


သခင်​က​လည်း ‘ခရီး​သွား​လမ်းမ​များ​နှင့် တော​လမ်းကြား​များ​သို့​သွား​၍ ငါ့​အိမ်​ပြည့်​အောင် လူ​တို့​ကို မရမက​ခေါ်​ခဲ့​လော့။


တစ်ဖန် ယေရှု​က“သင်​တို့​၌ ငြိမ်သက်​ခြင်း​ရှိ​ပါစေ။ ခမည်းတော်​သည် ငါ့​ကို​စေလွှတ်​တော်မူ​သကဲ့သို့ ငါ​သည်​လည်း သင်​တို့​ကို​စေလွှတ်​၏”​ဟု မိန့်​တော်မူ​၏။


အကြောင်းမူကား ရန်သူ​ဖြစ်​လျက်​ပင် သား​တော်​၏​အသေခံ​တော်မူ​ခြင်း​အားဖြင့် ဘုရားသခင်​နှင့်​ပြန်လည်​သင့်မြတ်​ခြင်း​အခွင့်​ကို​ရရှိ​ခဲ့​လျှင် ပြန်လည်​သင့်မြတ်​ခြင်း​အခွင့်​ကို​ရရှိ​ပြီး​သော​ငါ​တို့​သည် သား​တော်​၏​အသက်​တော်​အားဖြင့် ပို၍​ပင် ကယ်တင်​ခြင်း​ခံရ​လိမ့်မည်။


သို့ဖြစ်၍ ခရစ်တော်​ကြောင့် ငါ​ခံရ​သော အားနည်း​ခြင်း၊ စော်ကား​ခြင်း၊ ခက်ခဲ​ကျပ်တည်း​ခြင်း၊ ညှဉ်းဆဲ​ခြင်း​နှင့် နာကျင်​ခြင်း​ဝေဒနာ​တို့​ကို ငါ​နှစ်သက်​၏။ အကြောင်းမူကား ငါ​သည် အားနည်း​သောအခါ တန်ခိုး​နှင့်​ပြည့်စုံ​လျက်​ရှိ​၏။


ဘုရားသခင်​သည် ငါ​တို့​အား ပဋိညာဉ်​သစ်​၏​အမှု​ကို​ဆောင်ရွက်​နိုင်​သော​အစွမ်းအစ​ကို​ပေး​တော်မူ​၏။ ထို​ပဋိညာဉ်​သစ်​သည် အက္ခရာတင်​ထား​သော​တရား​နှင့်​မ​ဆိုင်၊ ဝိညာဉ်​တော်​နှင့်​သာ​ဆိုင်​၏။ အကြောင်းမူကား အက္ခရာတင်​ထား​သော​တရား​သည် အသက်​ကို​သေ​စေ​၍ ဝိညာဉ်​တော်​မူကား အသက်​ကို​ရရှိ​စေ​၏။


ထို့ကြောင့် ထာဝရ​ဘုရား​ကို​ကြောက်ရွံ့​ခြင်း​နှင့်ပတ်သက်​သည့်​အကြောင်း​ကို ငါ​တို့​သိ​သဖြင့် လူ​တို့​ကို​စည်းရုံး​ကြ​၏။ ငါ​တို့​အကြောင်း​သည် ဘုရားသခင်​ရှေ့​တော်​၌ ထင်ရှား​ပြီ​ဖြစ်၍ သင်​တို့​၏​အသိစိတ်​၌​လည်း ထင်ရှား​ပြီ​ဟု ငါ​မျှော်လင့်​၏။


ငါ​တို့​သည် ဘုရားသခင်​၏​လုပ်ဖော်ဆောင်ဖက်​များ​ဖြစ်​ကြ​သည်​နှင့်အညီ သင်​တို့​သည် ဘုရားသခင်​၏​ကျေးဇူး​တော်​ကို အချည်းနှီး​မ​ခံယူ​ကြ​နှင့်​ဟု သင်​တို့​အား​တိုက်တွန်း​နှိုးဆော်​ပါ​၏။


ငါ​သည် ဤ​ကောင်းမြတ်​သော​သတင်း​အတွက် သံကြိုး​ဖြင့်​ချည်နှောင်​ထား​ခြင်း​ခံရ​သော သံတမန်​ဖြစ်​၏။ ဤ​သို့​ချည်နှောင်​ထား​ခြင်း​ခံရ​သော်လည်း ငါ​သည် ဟောပြော​သင့်​သည့်​အတိုင်း ရဲရင့်​စွာ​ဟောပြော​နိုင်​ရန် ဆုတောင်း​ပေး​ကြ​လော့။


လက်ဝါးကပ်တိုင်​ပေါ်၌​သွန်း​သော သား​တော်​၏​သွေး​တော်​အားဖြင့် ရန်ငြိမ်း​စေ​၍ ကောင်းကင်​ဘုံ​၌​ရှိ​သော​အရာ​များ​ဖြစ်စေ၊ မြေကြီး​ပေါ်၌​ရှိ​သော​အရာ​များ​ဖြစ်စေ ခပ်သိမ်း​သော​အရာ​တို့​ကို သား​တော်​အားဖြင့် မိမိ​နှင့်​ပြန်လည်​သင့်မြတ်​စေရန်​လည်းကောင်း အလိုရှိ​တော်မူ​၏။


ထို့ကြောင့် ဤ​ညွှန်ကြား​ချက်​ကို ငြင်းပယ်​သော​သူ​သည် လူ​ကို​မ​ဟုတ်​ဘဲ သင်​တို့​အား မိမိ​၏​သန့်ရှင်း​သော​ဝိညာဉ်​တော်​ကို​ပေး​တော်မူ​သော​ဘုရားသခင်​ကို ငြင်းပယ်​၏။