ယေ​ရ​မိ 44:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ငါ့​အစေအပါး​ပရောဖက်​အပေါင်း​တို့​ကို သင်​တို့​ရှိ​ရာ​သို့ အကြိမ်ကြိမ်​စေလွှတ်​၍ ငါ​မုန်း​သော ဤ​စက်ဆုပ်ရွံရှာဖွယ်​အမှု​ကို မ​ပြု​ကြ​နှင့်​ဟု ဆင့်ဆို​စေ​ခဲ့​၏​။

Common Language Bible

⁴ ငါ​သည်​မိ​မိ​၏​အ​စေ​ခံ​ပ​ရော​ဖက်​များ​ကို သင်​တို့​ထံ​သို့ အ​ဖန်​ဖန်​အ​ထပ်​ထပ်​စေ​လွှတ် ခဲ့​၏။ သူ​တို့​က​လည်း​သင်​တို့​အား​ငါ​မုန်း ထား​စက်​ဆုပ်​သည့်​အ​မှု​ကို​မ​ပြု​ရန်​ပြော ကြား​ခဲ့​ကြ​၏။-

Garrad Bible

⁴ ငါ မုန်း ထား သော ဤ ရွံ ရှာ ဖွယ် အ မှု ကို မ ပြု ကြ လင့် ဟု ဆင့် ဆို ရန်၊ ကျွန် တော် ရင်း ပ ရော ဖက် တို့ ကို၊ ဝိ ရိ ယ စိုက်၍ ငါ စေ လွှတ် သော် လည်း၊

Judson Bible

⁴ ငါ၏​ကျွန် ပ​ရော​ဖက်​အ​ပေါင်း​တို့​ကို ငါ​သည် စော​စော​ထ၍ သင်​တို့​ရှိ​ရာ​သို့ အ​ထပ်​ထပ်​စေ​လွှတ်​လျက်၊ ငါ​မုန်း​သော​အ​မှု၊ ဤ​စက်​ဆုပ်​ရွံ​ရှာ​ဖွယ်​သော​အ​မှု​ကို မ​ပြု​ပါ​နှင့်​ဟု​ပြော​သော်​လည်း၊

ယေ​ရ​မိ 44:4 ပူးပေါင်းရင်းမြစ်များ

၂ ရာ​ချုပ် 36:15

ဘိုးဘေး​တို့​၏​ဘုရားသခင်​ထာဝရဘုရား​သည် မိမိ​လူမျိုး​တော်​နှင့် ကိန်းဝပ်​တော်မူ​ရာ​အရပ်​ကို ညှာတာထောက်ထား​လျက် သူ​တို့​ထံသို့ တမန်​များ​ကို အကြိမ်ကြိမ်​စေလွှတ်​တော်မူ​ခဲ့​၏​။

နေ​ဟ​မိ 9:30

ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။

နေ​ဟ​မိ 9:34

အကျွန်ုပ်​တို့​၏​ရှင်ဘုရင်​များ​၊ အကြီးအကဲ​များ​၊ ယဇ်ပုရောဟိတ်​များ​၊ ဘိုးဘေး​များ​သည် ကိုယ်တော်​၏​ပညတ်တရား​ကို​မ​လိုက်နာ​ကြ​။ သူ​တို့​သည် ကိုယ်တော်​၏​ပညတ်တော်​များ​၊ သူ​တို့​အား​ကိုယ်တော်​ပေး​တော်မူ​သော​သက်သေ​များ​ကို​လည်း အလေး​မ​ထား​ကြ​။

ယေ​ရ​မိ 16:18

ငါ​၏​ပြည်​ကို ရွံရှာဖွယ်​လူသေကောင်​ဖြင့် ညစ်ညူး​စေ​၍ ငါ​၏​အမွေမြေ​ကို စက်ဆုပ်ရွံရှာဖွယ်​ရာ​များ​ဖြင့် ပြည့်​စေ​သော သူ​တို့​၏​ဒုစရိုက်​၊ သူ​တို့​၏​အပြစ်​များ​ကြောင့် ငါ​သည် သူ​တို့​ကို နှစ်ဆ​တုံ့ပြန်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 26:5

သင်​တို့​ရှိ​ရာ​သို့ ငါ​၏​အစေအပါး​ပရောဖက်​တို့​ကို ငါ​အကြိမ်ကြိမ်​စေလွှတ်​၍ ဆင့်ဆို​စေ​သော်လည်း သူ​တို့​၏​စကား​ကို သင်​တို့​နား​မ​ထောင်​လျှင်

ယေ​ရ​မိ 29:19

အကြောင်းမူကား ငါ​၏​အစေအပါး​ပရောဖက်​တို့​ကို သူ​တို့​ထံသို့ အကြိမ်ကြိမ်​စေလွှတ်​ဆင့်ဆို​စေ​သော်လည်း သူ​တို့​နား​မ​ထောင်​ကြ​ဟု ထာဝရဘုရား​မိန့်​တော်မူ​၏​။ သင်​တို့​သည်​လည်း ငါ့​စကား​ကို နား​မ​ထောင်​ကြ​ဟူ၍ ထာဝရဘုရား​မိန့်​တော်မူ​၏​။

ယေ​ရ​မိ 32:33

သူ​တို့​ကို အကြိမ်ကြိမ်​ဆုံးမ​သွန်သင်​သော်လည်း သူ​တို့​သည် ဆုံးမပဲ့ပြင်​ခြင်း​ကို မ​နာခံ​ဘဲ ငါ့​ကို​မျက်နှာလွှဲ​၍ ကျောခိုင်း​သွား​ကြ​ပြီ​။

ယေ​ရ​မိ 32:34

ငါ့​နာမ​ဖြင့်​ခေါ်ဝေါ်​သော ငါ့​အိမ်​တော်​၌ ရွံရှာဖွယ်​ရာ​များ​ကို​ထားရှိ​ခြင်း​ဖြင့် ငါ့​အိမ်​တော်​ကို ညစ်ညူး​စေ​ကြ​ပြီ​။

ယေ​ရ​မိ 32:35

ငါ​မ​မိန့်မှာ​ခဲ့​၊ စိတ်​ပင်​မ​ကူး​ခဲ့​ဘဲ​လျက် ရွံရှာဖွယ်​အမှု​ဖြစ်​သည့် ဗင်ဟိန္နုံ​ချိုင့်ဝှမ်း​၌ ဗာလ​ကုန်းမြင့်​ကို​တည်​ခြင်း​၊ သူ​တို့​၏​သား​သမီး​များ​ကို မောလုတ်​ဘုရား​အား​ပူဇော်​ခြင်း​ကို ပြု​ကြ​၏​။ ဤသို့ဖြင့် ယုဒ​အမျိုး​တို့​ကို အပြစ်​ဖြစ်​စေ​ကြ​ပြီ’​ဟု မိန့်​တော်မူ​၏​။

ယေ​ရ​မိ 35:15

ငါ့​အစေအပါး​ပရောဖက်​တို့​ကို သင်​တို့​ထံ အကြိမ်ကြိမ်​စေလွှတ်​၍ သင်​တို့​နှင့် သင်​တို့​ဘိုးဘေး​တို့​အား ငါ​ပေး​သော​ပြည်​၌ သင်​တို့​နေထိုင်​ရ​မည့်​အကြောင်း သင်​တို့​အသီးသီး ဆိုးညစ်​သော​လမ်း​မှ ပြန်လာ​ကြ​။ သင်​တို့​၏​အကျင့်စရိုက်​များ​ကို ပြုပြင်​ကြ​။ အခြား​ဘုရား​များ​နောက်​သို့​မ​လိုက်​နှင့်​၊ ဝတ်​မ​ပြု​နှင့်​ဟု ဆင့်ဆို​စေ​ခဲ့​သော်လည်း သင်​တို့​ဂရု​မ​စိုက်​၊ နား​မ​ထောင်​ကြ​။

ယေ​ရ​မိ 35:17

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ဘုရားသခင်​ထာဝရဘုရား​က ‘ကြည့်ရှု​လော့​။ ယုဒ​ပြည်သူ ဂျေရုဆလင်​မြို့သား​တို့​သည် ငါ​မိန့်ဆို​သော်လည်း ငါ့​စကား​ကို နား​မ​ထောင်​ကြ​၊ ငါ​ခေါ်​သော်လည်း သူ​တို့​မ​ထူး​ကြ​သောကြောင့် ငါ​မိန့်ဆို​ခဲ့​သည့်​အတိုင်း ဘေးအန္တရာယ်​အလုံးစုံ​ကို သူ​တို့​အပေါ် ကျရောက်​စေ​မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ရ​မိ 7:13

သင်​တို့​သည် ထို​အမှု​အလုံးစုံ​တို့​ကို ပြု​ကြ​သောကြောင့် သင်​တို့​ကို ငါ​အကြိမ်ကြိမ်​သတိပေး​၏​။ သို့သော် သင်​တို့​နား​မ​ထောင်​ကြ​။ ငါ​ခေါ်​သော်လည်း သင်​တို့​မ​ထူး​ကြ​။

ယေ​ရ​မိ 7:17

သူ​တို့​သည် ယုဒ​မြို့​များ​၊ ဂျေရုဆလင်​မြို့​ရှိ​လမ်း​များ​ပေါ်၌ မည်သို့​ပြု​ကြ​သည်​ကို သင်​မ​မြင်​သလော​။

ယေ​ရ​မိ 7:18

ကောင်းကင်​မိဖုရား​ထံ မုန့်​ပူဇော်​ရန် သားသမီး​တို့​က ထင်း​ကောက်​ကြ​၏​။ ဖခင်​တို့​က မီး​မွှေး​ကြ​၏​။ မိခင်​တို့​က မုန့်​နယ်​ကြ​၏​။ သူ​တို့​သည် အခြား​သော​ဘုရား​များ​ရှေ့​၌ သွန်းလောင်းရာပူဇော်သက္ကာ​ကို သွန်းလောင်း​ခြင်း​ဖြင့်​လည်း ငါ့​ကို​အမျက်ထွက်​စေ​ကြ​၏​။

ယေ​ရ​မိ 7:25

အီဂျစ်​ပြည်​မှ သင်​တို့​၏​ဘိုးဘေး​များ​ထွက်လာ​သည့်​နေ့​မှစ၍ ယနေ့​တိုင်အောင် ငါ​သည် ငါ​၏​အစေအပါး​ပရောဖက်​အပေါင်း​တို့​ကို သင်​တို့​ထံသို့ အကြိမ်ကြိမ်​စေလွှတ်​ခဲ့​၏​။

ယေ​ဇ​ကျေ​လ 16:36

ဘုရားရှင်​ထာဝရဘုရား​က ‘သင်​သည် တဏှာရာဂစိတ်​ပြင်းထန်​လျက်​၊ အဝတ်မပါ​အချည်းစည်း​ဖြစ်​လျက် သင်​ချစ်​သော​သူ​များ​နှင့်​ဖောက်ပြန်မှားယွင်း​သောကြောင့်​၊ သင့်​သားသမီး​တို့​ကို​သတ်​၍ သင်​၏​စက်ဆုပ်ရွံရှာဖွယ်​ရုပ်တု​တို့​အား ပေးလှူ​သောကြောင့်

ယေ​ဇ​ကျေ​လ 16:47

သင်​သည် သူ​တို့​လမ်း​အတိုင်း လိုက်လျှောက်​၏​။ သူ​တို့​ပြု​သော​စက်ဆုပ်ရွံရှာဖွယ်​အမှု​အတိုင်း​ပြု​သည်​သာမက အချိန်တို​အတွင်း​မှာပင် သင့်​အကျင့်​တို့​သည် သူ​တို့​ထက်​သာ၍ ယိုယွင်းပျက်စီး​လာ​၏’​ဟု မိန့်​တော်မူ​၏​။

ယေ​ဇ​ကျေ​လ 18:31

‘သင်​တို့​ကျူးလွန်​သော​အပြစ်​များ​ကို စွန့်​၍ စိတ်နှလုံး​အသစ်​၊ စိတ်သဘော​အသစ် ရှိ​ကြ​လော့​။ အို အစ္စရေး​အမျိုး​၊ အဘယ်ကြောင့် သင်​တို့​သေ​ရ​မည်နည်း​။

ယေ​ဇ​ကျေ​လ 8:10

ငါ​ဝင်သွား​သော် တွားသွားသောတိရစ္ဆာန်​များ​၊ ရွံရှာဖွယ်​တိရစ္ဆာန်​များ​နှင့် အစ္စရေး​အမျိုးအနွယ်​တို့​ကိုးကွယ်​သော ရုပ်တု​များ​၏​ပုံ​ကို နံရံ​ပတ်ပတ်လည်​၌ ထွင်းထု​ထား​သည်​ကို တွေ့​ရ​၏​။

ဒံ​ယေ​လ 9:6

ကိုယ်တော်​၏​အစေအပါး ပရောဖက်​တို့​က နာမ​တော်​ကို​အမှီပြု​၍ အကျွန်ုပ်​တို့​၏​ဘုရင်​များ​၊ အကြီးအကဲ​များ​၊ ဘိုးဘေး​များ​မှစ၍ ပြည်သူပြည်သား​တို့​အား ဟောပြော​ခဲ့​သည်​ကို အကျွန်ုပ်​တို့ နား​မ​ထောင်​ခဲ့​ပါ​။

ဇာ​ခ​ရိ 7:7

ဂျေရုဆလင်​မြို့​နှင့် အနီး​ဝန်းကျင်​ရှိ​မြို့ရွာ​များ​၌ လူ​အများ​စိုးရိမ်ကြောင့်ကြမှု​ကင်း​စွာ​နေထိုင်​ကြ​ရ​စဉ်က​၊ နေဂေ့​အရပ်​နှင့်​မြေနိမ့်ဒေသ​တွင် လူသူ​နေထိုင်​သေး​စဉ်က ထာဝရဘုရား​သည် ရှေး​ပရောဖက်​တို့​မှတစ်ဆင့် ဤ​စကား​တို့​ကို​မိန့်​တော်မူ​ခဲ့​ရ​သည် မ​ဟုတ်​လော’​ဟူ၍ ပြောကြား​လော့​”​ဟု မိန့်ဆို​၏​။

၁ ပေ 4:3

အကြောင်းမူကား လူမျိုးခြား​တို့​၏​ဆန္ဒ​အတိုင်း​ပြု​လျက် ကာမဂုဏ်​လိုက်စား​ခြင်း၊ တပ်မက်​ခြင်း၊ မူးယစ်​ခြင်း၊ အပျော်ကြူး​ခြင်း၊ သောက်စား​မြူးထူး​ခြင်း​နှင့် ပညတ်​တရား​က​တားမြစ်​ထား​သော ရုပ်တု​ကိုးကွယ်​ခြင်း​တို့​တွင် ကျင်လည်​ခဲ့​သည့် လွန်ခဲ့​သော​အချိန်​သည် သင်​တို့​အတွက် တော်လောက်​ပေ​၏။