ဗျာဒိတ် 17:3 - ခေတ်သစ်မြန်မာ သမ္မာကျမ်း ထို့နောက် ကျွန်ုပ်အပေါ် ဝိညာဉ်တော်သက်ရောက်လာသဖြင့် ကောင်းကင်တမန်သည် ကျွန်ုပ်ကို တောကန္တာရသို့ ခေါ်ဆောင်သွား၏။ ထိုနေရာ၌ အနီရောင်သားရဲပေါ်တွင် ထိုင်နေသည့် အမျိုးသမီးတစ်ဦးကို မြင်ရ၏။ ထိုသားရဲတွင် ခေါင်းခုနစ်လုံးနှင့် ဦးချိုဆယ်ချောင်း ပါရှိပြီး တစ်ကိုယ်လုံး၌လည်း ဘုရားသခင်အား စော်ကားသောအမည်များကို အပြည့်ရေးထား၏။ Common Language Bible ထိုနောက်ကောင်းကင်တမန်သည်ဝိညာဉ်တော်အား ဖြင့် ငါ့အားတောကန္တာရသို့ဆောင်ယူသွား၏။ ထို အရပ်တွင်သားရဲနီပေါ်၌ထိုင်နေသောအမျိုး သမီးတစ်ယောက်ကိုငါမြင်ရ၏။ သားရဲ၏ ကိုယ်တစ်ကိုယ်လုံးပေါ်တွင်ဘုရားသခင်၏ အသရေတော်ကိုရှုတ်ချသည့်အမည်နာမ များကို အနှံ့အပြားရေးသားထား၏။ သူ့ မှာဦးခေါင်းခုနစ်လုံးနှင့်ဦးချိုဆယ်ချောင်း ရှိ၏။- Garrad Bible ဝိ ညာဉ် တော် ဝင် စား သော ငါ့ ကို တော သို့ ခေါ် သွား ရာ ပုတ် ခတ် ခြင်း ဘွဲ့ ကိုယ် လုံး ပြည့် ပါ လျက် ဦး ခေါင်း ခု နစ် လုံး၊ ဦး ချို ဆယ် ချောင်း ရှိ သား ရဲ နီ အ ထက် စီး နေ သော မိန်း မ တစ် ယောက် ကို ငါ မြင် ရ၏။ Judson Bible ငါ့ကို ဝိညာဉ်တော်အားဖြင့် တောသို့ဆောင်သွားလေ၏။ ခေါင်းခုနစ်လုံးနှင့် ချိုဆယ်ချောင်းရှိ၍၊ ဘုရားသခင်၏ အသရေတော်ကို ရှုတ်ချသော နာမတို့နှင့်အပြည့်ရှိသော သားရဲနီအပေါ်မှာ ထိုင်လျက်ရှိသော မိန်းမတစ်ဦးကို ငါမြင်၏။- မြန်မာ့စံမီသမ္မာကျမ်း ငါ့ကို ဝိညာဉ်တော်အားဖြင့် တောကန္တာရထဲသို့ ခေါ်ဆောင်သွားလေ၏။ ထိုအခါ ခေါင်းခုနစ်လုံးနှင့်ဦးချိုဆယ်ချောင်းရှိ၍ ဘုရားသခင်ကိုစော်ကားသော အမည်နာမများဖြင့်ပြည့်နေသည့် နီမြန်းသောသားရဲပေါ်၌ ထိုင်နေသောမိန်းမတစ်ယောက်ကို ငါမြင်ရ၏။ |
ရေမှ တက်လာကြသောအခါ ထာဝရဘုရား၏ဝိညာဉ်တော်သည် ဖိလိပ္ပုကို ခေါ်ယူသွားသဖြင့် အမတ်သည် ဖိလိပ္ပုကို နောက်ထပ် မတွေ့မြင်ရတော့ပေ။ သို့သော်လည်း သူသည် ဝမ်းသာရွှင်လန်းစွာ ခရီးဆက်လေ၏။
ထိုသူသည် ဘုရားဟု ခေါ်၍ လူတို့ ကိုးကွယ်ကြသော အရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်လိမ့်မည်။ ဘုရားသခင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားသခင်ဖြစ်ကြောင်း ကြွေးကြော်လိမ့်မည်။
ကျွန်ုပ်သည် သခင်ဘုရားနေ့တွင် ကျွန်ုပ်အပေါ် ဝိညာဉ်တော်သက်ရောက်လာသဖြင့် ကျွန်ုပ်သည် တံပိုးခရာသံကဲ့သို့ ကျယ်လောင်သောအသံကို ကျွန်ုပ်နောက်၌ ကြားရ၏။
သို့သော် ထိုအမျိုးသမီးသည် တောကန္တာရ၌ မိမိအတွက် ပြင်ဆင်ထားသောနေရာသို့ ပျံသန်းနိုင်ရန် ဘုရားသခင်က သူ့အား လင်းယုန်အတောင်ပံတစ်စုံကို ပေးအပ်တော်မူ၏။ သူသည် နဂါးဘေးရန်မှ လွှတ်၍ ထိုအရပ်၌ သုံးနှစ်ခွဲတိုင်အောင် ပြုစုစောင့်ရှောက်ခြင်းကို ခံရ၏။
ထို့နောက် ကောင်းကင်၌ အခြားနိမိတ်လက္ခဏာတစ်ခုကို မြင်ရပြန်၏။ ခေါင်းခုနစ်လုံး၊ ဦးချိုဆယ်ချောင်း ပါရှိသော အနီရောင်နဂါးကြီးတစ်ကောင်သည် ခေါင်းများပေါ်တွင် သရဖူခုနစ်ခုကို ဆောင်းထား၏။
ထိုအမျိုးသမီးသည် တောကန္တာရသို့ ထွက်ပြေးလေ၏။ ထိုအရပ်တွင် သူ့အား ရက်ပေါင်း တစ်ထောင့်နှစ်ရာခြောက်ဆယ်အထိ ပြုစုစောင့်ရှောက်နိုင်ရန် ဘုရားသခင်ပြင်ဆင်ထားတော်မူသော နေရာတစ်ခုရှိ၏။
သင်မြင်ရသော အမျိုးသမီးသည် လောကီဘုရင်တို့ကို အုပ်စိုးသည့်မြို့ကြီးကို ကိုယ်စားပြု၏” ဟု ပြောလေ၏။
ထိုအမျိုးသမီးသည် ခရမ်းရောင်နှင့် အနီရောင်အဝတ်အစားများကို ဝတ်ဆင်ထား၏။ ရွှေ၊ ကျောက်မျက်ရတနာနှင့် ပုလဲတို့ကို ဆင်မြန်းထား၏။ သူ၏ လက်၌ စက်ဆုပ်ရွံရှာဖွယ်ရာများ၊ တရားနှင့်မညီသောမေထုန်မှု၏ညစ်ညမ်းဖွယ်ရာများနှင့် ပြည့်နေသောရွှေခွက်ကို ကိုင်ဆောင်ထား၏။
သူတို့၏ကုန်ပစ္စည်းများမှာ ရွှေ၊ ငွေ၊ ကျောက်မျက်ရတနာ၊ ပုလဲ၊ ပိတ်ချော၊ ခရမ်းရောင်အထည်၊ ပိုးထည်၊ ဖဲနီထည်၊ သစ်မွှေးအမျိုးမျိုး၊ ဆင်စွယ်တန်ဆာအမျိုးမျိုး၊ အဖိုးတန်သစ်အမျိုးမျိုး၊ ကြေး၊ သံ၊ စကျင်ကျောက်၊
“အလိုလေး… ဖြစ်ရလေချင်း။ ပိတ်ချောထည်၊ ခရမ်းရောင်အထည်၊ ဖဲနီထည်တို့ကို ဝတ်ဆင်လျက် ရွှေ၊ ကျောက်မျက်ရတနာနှင့် ပုလဲတို့ကို ဆင်မြန်းသော မြို့ကြီး…
ကျွန်ုပ်အပေါ် ဝိညာဉ်တော်သက်ရောက်လာသဖြင့် ကောင်းကင်တမန်သည် ကျွန်ုပ်ကို ကြီးမား၍ မြင့်မားသောတောင်သို့ ခေါ်ဆောင်သွားကာ ဘုရားသခင်ထံ ကောင်းကင်ဘုံမှ ဆင်းသက်သည့် သန့်ရှင်းသောမြို့တော် ဂျေရုဆလင်မြို့ကို ကျွန်ုပ်အား ပြ၏။
ချက်ချင်းပင် ကျွန်ုပ်အပေါ် ဝိညာဉ်တော်သက်ရောက်လာ၍ ကျွန်ုပ်သည် ကောင်းကင်ဘုံ၌ တည်ထားသောရာဇပလ္လင်တစ်ခုနှင့် ထိုပလ္လင်ပေါ်တွင် ထိုင်နေသူတစ်ဦးကို မြင်ရ၏။