ဗျာ​ဒိတ် 4:2 - ခေတ်သစ်​မြန်မာ သမ္မာကျမ်း

² ချက်ချင်း​ပင် ကျွန်ုပ်​အပေါ် ဝိညာဉ်တော်​သက်ရောက်လာ​၍ ကျွန်ုပ်​သည် ကောင်းကင်ဘုံ​၌ တည်ထားသော​ရာဇပလ္လင်​တစ်ခု​နှင့် ထို​ပလ္လင်​ပေါ်တွင် ထိုင်နေသူ​တစ်ဦး​ကို မြင်ရ၏။

Common Language Bible

² ချက်​ချင်း​ပင်​ဝိ​ညာဉ်​တော်​သည်​ငါ့​အ​ပေါ်​သို့ သက်​ရောက်​လာ​လေ​သည်။ ကောင်း​ကင်​ဘုံ​၌ ပလ္လင်​တစ်​ခု​ရှိ​၏။ ထို​ပလ္လင်​ပေါ်​တွင်​ထိုင်​နေ တော်​မူ​သော​အ​ရှင်​တစ်​ပါး​ရှိ​သည်။-

Garrad Bible

^2-3 ဝိ ညာဉ် တော် ဝင် စား ပြန် သ ဖြင့် ကောင်း ကင် ဘုံ တွင် တည် ရှိ သော ရာ ဇ ပ လ္လင် ကို လည်း ကောင်း၊ ထို ပ လ္လင် တော့် ထက် စိန် အ ဆင်း၊ ပ တ္တ မြား အ ဆင်း ရှိ သော အ ရှင် တစ် ပါး စံ တော် မူ သည် ကိုလည်း ကောင်း၊ ပ လ္လင် တော့် ပတ် လည်၌ မြ အ ဆင်း သ ဏ္ဌာန် သက် တံ့ တောက် ပ သည့် ပြင်၊

Judson Bible

² ထို​အ​ခါ ဝိ​ညာဉ်​တော်​ကို ငါ​သည်​ချက်​ချင်း​ခံ​ရ၍၊ ကောင်း​ကင်​ဘုံ၌ ပ​လ္လင်​တစ်​ခု​တည်​လျက်​ရှိ၏။ ပ​လ္လင်​ပေါ်​မှာ ထိုင်​သော​သူ​လည်း​ရှိ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ငါ​သည် ချက်ချင်း​ပင် ဝိညာဉ်​တော်​၌​ရှိ​လေ​ရာ ကြည့်​လော့။ ကောင်းကင်​၌​ပလ္လင်​တော်​တစ်​ခု​တည်ရှိ​၍ ထို​ပလ္လင်​တော်​ပေါ်တွင် ထိုင်​နေ​သော​အရှင်​တစ်​ပါး​ရှိ​၏။

ဗျာ​ဒိတ် 4:2 ပူးပေါင်းရင်းမြစ်များ

မဿဲ 22:43

ယေရှု​က “ထိုသို့​ဖြစ်လျှင် ဒါဝိဒ်မင်း​သည် ဝိညာဉ်တော်​၏​လှုံ့ဆော်မှု​ဖြင့် ခရစ်တော်​ကို အဘယ်ကြောင့် သခင်​ဟု ခေါ်သနည်း။ ဒါဝိဒ်မင်း​က

ဟေ​ဗြဲ 8:1

ကျွန်ုပ်တို့ ပြောဆိုနေသော အဓိက​အချက်​မှာ ထိုသို့သော​ယဇ်ပုရောဟိတ်မင်း​တစ်ဦး​သည် ကျွန်ုပ်တို့​၌​ရှိ၏။ ထို​ယဇ်ပုရောဟိတ်​သည် ကောင်းကင်ဘုံ​၌ ဘုန်းကြီးသော​တန်ခိုးရှင်​၏ ရာဇပလ္လင်​လက်ယာတော်​ဘက်​၌ ထိုင်တော်မူပြီး

ဗျာ​ဒိတ် 1:10

ကျွန်ုပ်​သည် သခင်ဘုရား​နေ့​တွင် ကျွန်ုပ်​အပေါ် ဝိညာဉ်တော်​သက်ရောက်လာ​သဖြင့် ကျွန်ုပ်​သည် တံပိုး​ခရာသံ​ကဲ့သို့ ကျယ်လောင်သော​အသံ​ကို ကျွန်ုပ်​နောက်​၌ ကြားရ၏။

ဗျာ​ဒိတ် 12:5

ထို​အမျိုးသမီး​သည် လူမျိုး​အပေါင်းတို့​ကို သံ​လှံတံ​ဖြင့် အုပ်စိုးမည့် သားယောက်ျား​ကို မွေးဖွား၏။ ထို​သားငယ်​သည် ဘုရားသခင်​ထံသို့​လည်းကောင်း၊ ကိုယ်တော်​၏ ရာဇပလ္လင်တော်​ပေါ်သို့​လည်းကောင်း ချီယူသွားခြင်း​ခံရ၏။

ဗျာ​ဒိတ် 17:3

ထို့နောက် ကျွန်ုပ်​အပေါ် ဝိညာဉ်တော်​သက်ရောက်လာ​သဖြင့် ကောင်းကင်တမန်​သည် ကျွန်ုပ်​ကို တောကန္တာရ​သို့ ခေါ်ဆောင်သွား၏။ ထို​နေရာ​၌ အနီရောင်​သားရဲ​ပေါ်တွင် ထိုင်နေသည့် အမျိုးသမီး​တစ်ဦး​ကို မြင်ရ၏။ ထို​သားရဲ​တွင် ခေါင်း​ခုနစ်လုံး​နှင့် ဦးချို​ဆယ်ချောင်း ပါရှိပြီး တစ်ကိုယ်လုံး​၌လည်း ဘုရားသခင်​အား စော်ကားသော​အမည်များ​ကို အပြည့်​ရေးထား၏။

ဗျာ​ဒိတ် 19:4

ထိုအခါ အကြီးအကဲ​နှစ်ဆယ့်လေးပါး​နှင့် သတ္တဝါလေးပါးတို့​သည် ဝပ်တွားခယ​လျက် ရာဇပလ္လင်တော်​ပေါ်၌ ထိုင်တော်မူသော ဘုရားသခင်​ကို ကိုးကွယ်ကြ၏။ ထို့နောက် “အာမင်။ ဟာလေလုယာ” ဟု ဆိုကြ၏။

ဗျာ​ဒိတ် 20:11

ထိုအခါ ရာဇပလ္လင်​ဖြူကြီး​နှင့် ထို​ပလ္လင်​ပေါ်တွင် ထိုင်တော်မူသော​အရှင်​ကို ကျွန်ုပ်​မြင်ရ၏။ မြေကြီး​နှင့် ကောင်းကင်​သည် ထို​အရှင်​ရှေ့မှ ပျောက်ကွယ်သွား​၍ ၎င်းတို့​အတွက် နေရာ​မရှိတော့ပေ။

ဗျာ​ဒိတ် 21:10

ကျွန်ုပ်​အပေါ် ဝိညာဉ်တော်​သက်ရောက်လာ​သဖြင့် ကောင်းကင်တမန်​သည် ကျွန်ုပ်​ကို ကြီးမား​၍ မြင့်မားသော​တောင်​သို့ ခေါ်ဆောင်သွား​ကာ ဘုရားသခင်​ထံ ကောင်းကင်ဘုံ​မှ ဆင်းသက်သည့် သန့်ရှင်းသော​မြို့တော် ဂျေရုဆလင်မြို့​ကို ကျွန်ုပ်​အား ပြ၏။

ဗျာ​ဒိတ် 21:5

ရာဇပလ္လင်တော်​ပေါ်၌ ထိုင်တော်မူသော​အရှင်​က “ငါ​သည် အရာ​အားလုံး​ကို အသစ်​ဖြစ်စေ၏” ဟု မိန့်တော်မူ​ပြီးနောက် “ဤ​စကားတို့​သည် သစ္စာ​စကား၊ မှန်သော​စကား​ဖြစ်​သောကြောင့် ရေးထားလော့” ဟူ၍​လည်း မိန့်တော်မူ၏။

ဗျာ​ဒိတ် 3:21

ငါ​သည် အောင်မြင်​၍ ငါ့​ခမည်းတော်​၏​ရာဇပလ္လင်​ပေါ်​တွင် ငါ့​ခမည်းတော်​နှင့်အတူ ထိုင်နေ​သကဲ့သို့ အောင်မြင်သော​သူတို့​ကို​လည်း ငါ​၏​ရာဇပလ္လင်​ပေါ်တွင် ငါ​နှင့်အတူ ထိုင်ခွင့်​ပေးမည်။

ဗျာ​ဒိတ် 4:10

အကြီးအကဲ​နှစ်ဆယ့်လေးပါးတို့​သည် ရာဇပလ္လင်တော်​ပေါ်တွင် ထိုင်တော်မူသော​အရှင်​ရှေ့၌ ဝပ်တွားခယ​၍ အစဉ်​ထာဝရ​အသက်ရှင်တော်မူသော​အရှင်​ကို ကိုးကွယ်ကြ၏။ ထို​အကြီးအကဲ​နှစ်ဆယ့်လေးပါးတို့​သည် မိမိတို့​၏​သရဖူများ​ကို ရာဇပလ္လင်တော်​ရှေ့​၌ ချထား​လျက်

ဗျာ​ဒိတ် 4:5

ရာဇပလ္လင်တော်​မှ လျှပ်စီး​လက်ခြင်း၊ အသံ​မြည်ဟည်းခြင်း၊ မိုးခြိမ်းခြင်း​တို့​ထွက်ပေါ်လာ၏။ ထို​ပလ္လင်တော်​ရှေ့တွင် ဘုရားသခင်​၏ ဝိညာဉ်​ခုနစ်ပါး​ကို ကိုယ်စားပြုသည့် မီးတုတ်​ခုနစ်ခုတို့​သည် တောက်လောင်​လျက်​ရှိ၏။

ဗျာ​ဒိတ် 4:9

အစဉ်​ထာဝရ​အသက်ရှင်တော်မူ​ပြီး ရာဇပလ္လင်တော်​ပေါ်​တွင် ထိုင်တော်မူသော​အရှင်​၏ ဘုန်းအသရေတော်၊ ဂုဏ်အသရေတော်၊ ကျေးဇူးတော်တို့​ကို ဤ​သတ္တဝါတို့​က ချီးမွမ်းကြ၏။ ထိုသို့​ချီးမွမ်းကြသည့်​အခါတိုင်း

ဗျာ​ဒိတ် 5:1

ထို့နောက် ရာဇပလ္လင်တော်​ပေါ်တွင် ထိုင်တော်မူသော​အရှင်​၏ လက်ယာ​လက်​ထဲတွင် စာလိပ်​ကို ကျွန်ုပ်​မြင်ရ၏။ ထို​စာလိပ်​အတွင်း​အပြင်​နှစ်ဖက်လုံး​၌ စာများ​ရေးထား​၍ တံဆိပ်​ခုနစ်ခု​ဖြင့် ခတ်နှိပ်ထား၏။

ဗျာ​ဒိတ် 5:13

ထို့ပြင် ကောင်းကင်၊ မြေကြီး၊ မြေကြီး​အောက်၊ ပင်လယ်​ထဲ​စသည့် နေရာ​အသီးသီး​၌ ရှိကြသော ဖန်ဆင်းခံ​သတ္တဝါ​အပေါင်းတို့​က “ရာဇ​ပလ္လင်တော်​ပေါ်တွင် ထိုင်တော်မူသော​အရှင်​နှင့် သိုးသငယ်တော်​သည် အစဉ်​ထာဝရ ချီးမွမ်းခြင်း​ကို ခံစား​၍ ဂုဏ်အသရေ၊ ဘုန်းအသရေ၊ ဘုန်းတန်ခိုးတို့​နှင့် အစဉ်​ထာဝရ တည်ရှိပါစေသော” ဟု ကြွေးကြော်ကြသည်​ကို ကျွန်ုပ်​ကြားရ၏။

ဗျာ​ဒိတ် 6:16

သူတို့​သည် တောင်များ​နှင့် ကျောက်ဆောင်များ​အား “ကျွန်ုပ်တို့​အပေါ် ပြိုကျပေး​၍ ရာဇပလ္လင်တော်​ပေါ်တွင်​ထိုင်သော​အရှင်​၏ မျက်နှာတော်​နှင့် သိုးသငယ်တော်​၏​အမျက်တော်​မှ ကျွန်ုပ်တို့​ကို ဖုံးကွယ်ကြပါ။