တမန်တော်ဝတ္ထု 21:3 - ခေတ်သစ်မြန်မာ သမ္မာကျမ်း ဆိုက်ပရပ်ကျွန်းကို မြင်ရသောအခါ တောင်ဘက်မှ ဖြတ်ကျော်၍ ဆီးရီးယားပြည်သို့ သင်္ဘောဖြင့်ရွက်လွှင့်ပြန်၏။ သင်္ဘောပေါ်မှ ကုန်ပစ္စည်းကိုချရန် တိုင်ရာမြို့၌ ကမ်းကပ်ကြ၏။ Common Language Bible ကျွန်ုပ်တို့သည်ကုပရုကျွန်းကိုမြင်ရသောအခါ ထိုကျွန်း၏တောင်ဘက်မှဖြတ်၍ရှုရိပြည်သို့ သင်္ဘောလွှင့်ကြလေသည်။ တုရုမြို့တွင်ကုန်ပစ္စည်း များကိုချရမည်ဖြစ်၍ ထိုမြို့တွင်သင်္ဘောကို ဆိုက်ကပ်ကြ၏။- Garrad Bible ကု ပ ရု ကျွန်း ကို မြင် ရ သော် လ ကျ်ာ ဘက် က တိုက် သွား ပြီး လျှင် ရှု ရိ ပြည် သို့ လွှင့် လျက် ကုန် ချ ရ မည့် တု ရု မြို့ တွင် ဆိုက် ကြ ရာ၊ Judson Bible ကုပရုကျွန်းကိုမြင်လျှင် လက်ယာဘက်၌ လျှောက်သွားသဖြင့်၊ ရှုရိပြည်သို့ကူး၍ တုရုမြို့၌ ဆိုက်လေ၏။ ထိုမြို့မှာ သင်္ဘော၌ပါသော ဝန်ကိုချရ၏။- မြန်မာ့စံမီသမ္မာကျမ်း ဆိုက်ပရပ်ကျွန်းကိုမြင်ကြသောအခါ ထိုကျွန်းကို လက်ဝဲဘက်မှဖြတ်ကျော်လျက် ဆီးရီးယားပြည်သို့ ရွက်လွှင့်ကြ၏။ သင်္ဘောသည် တိုင်ရာမြို့၌ ကုန်ပစ္စည်းချရန်ရှိသောကြောင့် ထိုမြို့တွင်ဆိုက်လေ၏။ |
ယေရှုက “အို ခေါရာဇိန်မြို့… သင်သည် အမင်္ဂလာရှိ၏။ အို ဗက်ဇဲဒမြို့… သင်သည် အမင်္ဂလာရှိ၏။ ငါသည် သင်တို့တွင် ပြခဲ့သော အံ့ဖွယ်တန်ခိုးတို့ကို တိုင်ရာမြို့နှင့် ဆီဒုန်မြို့တွင် ပြခဲ့လျှင် ထိုမြို့တို့၌ ရှိသောသူတို့သည် လျှော်ထည်ကြမ်းကို ဝတ်၍ ပြာထဲတွင် ထိုင်လျက် ယခင်ကတည်းကပင် မိမိတို့၏ အပြစ်များအတွက် နောင်တရခဲ့ပြီးဖြစ်လိမ့်မည်။
ကိုယ်တော်၏သတင်းသည် ဆီးရီးယားပြည်တစ်လျှောက်လုံးသို့ ပျံ့နှံ့သွား၏။ ထို့ကြောင့် လူတို့သည် ဖျားနာသူများ၊ ရောဂါဝေဒနာအမျိုးမျိုး ခံစားနေရသူများ၊ နတ်ဆိုးပူးနေသူများ၊ ဝက်ရူးပြန်နေသူများနှင့် လေဖြတ်နေသူများကို ခေါ်ဆောင်လာကြ၏။ ကိုယ်တော်သည် ထိုသူတို့အားလုံး၏ ရောဂါများကို ပျောက်ကင်းစေတော်မူ၏။
အို ခေါရာဇိန်မြို့… သင်သည် အမင်္ဂလာရှိ၏။ အို ဗက်ဇဲဒမြို့… သင်သည် အမင်္ဂလာရှိ၏။ ငါသည် သင်တို့တွင် ပြခဲ့သော အံ့ဖွယ်တန်ခိုးတို့ကို တိုင်ရာမြို့နှင့် ဆီဒုန်မြို့တွင် ပြခဲ့လျှင် ထိုမြို့တို့၌ ရှိသောသူတို့သည် လျှော်ထည်ကြမ်းကို ဝတ်၍ ပြာထဲတွင် ထိုင်လျက် ယခင်ကတည်းကပင် မိမိတို့၏အပြစ်များအတွက် နောင်တရခဲ့ပြီးဖြစ်လိမ့်မည်။
ဤသို့ သန်းခေါင်စာရင်းကောက်ယူခြင်းသည် ဆီးရီးယားပြည်၊ ဘုရင်ခံကုရေနိမင်းလက်ထက်တွင် ပထမဆုံးအကြိမ်ဖြစ်၏။
သတေဖန်သေဆုံးပြီးနောက် ဖြစ်ပေါ်လာသည့် ညှဉ်းပန်းနှိပ်စက်ခြင်းကြောင့် ကွဲလွင့်ပျံ့နှံ့သွားကြသောသူများသည် ဖိုနီးရှားပြည်၊ ဆိုက်ပရပ်ကျွန်းနှင့် ဆီးရီးယားပြည်ရှိအန္တိအုတ်မြို့ထိတိုင် ရောက်သွားကြပြီး ဂျူးလူမျိုးတို့ကိုသာ ဘုရားသခင်၏နှုတ်ကပတ်တရားကို ဟောပြောကြ၏။
ထို့နောက် ဟေရုဒ်မင်းသည် တိုင်ရာမြို့သားများနှင့်ဆီဒုန်မြို့သားများကို အမျက်ထွက်လေ၏။ ထို့ကြောင့် ထိုသူတို့သည် ညီညွတ်စွာ လာရောက်ခစား၍ ဗလတ္တုအမည်ရှိသော မင်းကြီး၏အတွင်းဝန်ကို စည်းရုံးကာ ငြိမ်းချမ်းရေးအတွက် တောင်းဆိုကြ၏။ အဘယ်ကြောင့်ဆိုသော် သူတို့၏ပြည်သည် အစာရေစာအတွက် ဟေရုဒ်မင်း၏တိုင်းပြည်ကို အမှီပြုနေရသောကြောင့်ဖြစ်၏။
သန့်ရှင်းသောဝိညာဉ်တော်၏ စေလွှတ်ခြင်းခံရသည့်အတိုင်း ပေါလုနှင့်ဗာနဗတို့သည် သေလုကိမြို့သို့ သွား၍ ထိုမှတစ်ဆင့် ဆိုက်ပရပ်ကျွန်းသို့ ရွက်လွှင့်ကြ၏။
ထိုသူတို့နှင့်အတူ ပေးလိုက်သောစာတွင် သင်တို့၏ညီအစ်ကိုများဖြစ်သည့် တမန်တော်များနှင့် အသင်းတော်အကြီးအကဲများသည် အန္တိအုတ်မြို့၊ ဆီးရီးယားပြည်နှင့် ဆီလီဆီးယားပြည်ရှိ လူမျိုးခြားယုံကြည်သူများအား နှုတ်ခွန်းဆက်သလိုက်ပါ၏။
ဤသို့ သဘောထားကွဲလွဲမှု ပြင်းထန်လာသဖြင့် သူတို့လမ်းခွဲကြကာ ဗာနဗသည် မာကုကို ခေါ်၍ ဆိုက်ပရပ်ကျွန်းသို့ ရွက်လွှင့်လေ၏။
ပေါလုသည် ဆီးရီးယားပြည်နှင့် ဆီလီဆီးယားပြည်တို့ကို ဖြတ်သွား၍ အသင်းတော်များကို ကြံ့ခိုင်စေ၏။
ပေါလုသည် ကောရိန္သုမြို့၌ ရက်ပေါင်းများစွာ နေပြီးနောက် ယုံကြည်သူတို့အား နှုတ်ဆက်ကာ ကင်ခြေမြို့သို့ သွားလေ၏။ ပေါလုသည် ယခင်က သစ္စာပြုထားခဲ့သည် ဖြစ်၍ ရွက်မလွှင့်မီ ကင်ခြေမြို့တွင် ဆံပင်ရိတ်လေ၏။ ထို့နောက် ပြစ်ကိလ၊ အာကုလတို့နှင့်အတူ ဆီးရီးယားပြည်သို့ ရွက်လွှင့်ကြ၏။
ဆီဇာရီးယားမြို့မှ တပည့်တော်တချို့သည်လည်း ကျွန်ုပ်တို့နှင့်အတူ လိုက်ပါလာကြပြီး သူတို့က တပည့်တော်ဟောင်းတစ်ဦးဖြစ်သော ဆိုက်ပရပ်ကျွန်းသား မနာသုန်၏အိမ်သို့ တည်းခိုရန် ခေါ်သွားကြ၏။
ထိုမှတစ်ဖန် ကျွန်ုပ်တို့သည် ဖိုနီးရှားပြည်သို့ သွားမည့်သင်္ဘောကိုတွေ့သဖြင့် ပြောင်း၍ စီးကာ ရွက်လွှင့်ကြ၏။
တိုင်ရာမြို့မှ ပတောလင်မြို့သို့ရောက်ကြလျှင် ပင်လယ်ခရီးစဉ်ပြီးဆုံးလေ၏။ ထိုမြို့တွင်ရှိသော ယုံကြည်သူများကို နှုတ်ခွန်းဆက်ကြ၍ သူတို့ထံ၌ တစ်ရက်တည်းခိုကြ၏။
ထိုနေရာမှ ကျွန်ုပ်တို့ရွက်လွှင့်ကြသောအခါ လေသည်ဆန့်ကျင်ဘက်တိုက်သောကြောင့် ဆိုက်ပရပ်ကျွန်း၏လေကွယ်ရာကိုခိုလျက် ရွက်လွှင့်ကြ၏။
ထိုသူတို့တွင် ယောသပ်အမည်ရှိသူတစ်ယောက် ရှိ၏။ တမန်တော်များက သူ့အား ဗာနဗဟု ခေါ်ကြ၏။ ထိုအမည်မှာ “နှစ်သိမ့်ခြင်း၏သား” ဟူ၍ အဓိပ္ပာယ်ရ၏။ ထိုသူသည် လေဝိမျိုးနွယ်တစ်ဦးဖြစ်၍ ဆိုက်ပရပ်ကျွန်းသားလည်းဖြစ်၏။