Levitikosy 19:32 - Baiboly Katolika

Mitsangàna raha manoloana ny fotsy volo, hajao ny olona efa tratra antitra; ary matahora an’Andriamanitra. Izaho no Iaveh.

Baiboly Protestanta Malagasy 2011

Mitsangàna ianao raha eo anatrehan’ny fotsy volo; manajà ny zokiolona. Matahora an’Andriamanitrao: Izaho no TOMPO.

DIEM PROTESTANTA

«Mitsangàna ianao raha manoloana ny olona efa antitra ho fanomezam-boninahitra azy; izany no hanehoanao fanajana Ahy Andriamanitrao. Izaho no TOMPO.

Dikateny Iombonana Eto Madagasikara

«Mitsangàna ianao raha manoloana ny olona efa antitra ho fanomezam-boninahitra azy; izany no hanehoanao fanajana Ahy Andriamanitrao. Izaho no TOMPO.

Baiboly Protestanta Malagasy

Mitsangàna raha eo anatrehan’ny fotsy volo hianao, ka manajà ny tavan’ny anti-panahy, ary matahora an’Andriamanitrao: Izaho no Jehovah.

Malagasy Bible

Mitsangàna raha eo anatrehan'ny fotsy volo ianao, ka manajà ny tavan'ny anti-panahy, ary matahora an'Andriamanitrao: Izaho no Jehovah.

La Bible en Malgache

Mitsangàna ianao raha eo anatrehan’ny fotsy volo; manajà ny zokiolona. Matahora an’Andriamanitrao: Izaho no TOMPO.

Levitikosy 19:32 Rohy Ifampitohizana

Genesisy 31:35

Ary hoy i Rasela tamin-drainy: «Aoka tsy ho tezitra ny tompoko; fa tsy afa-mitsangana eto anatrehanao aho, satria azon’ny fombam-behivavy.» Dia nikaroka izy, tsy nahita ny terafima.

Genesisy 48:12

Nesorin’i Josefa hiala teo anelanelan’ny lohali-drainy aloha izy mirahalahy, dia niankohoka tamin’ny tany teo anatrehany izy;

1Mpanjaka 2:19

Dia nankany amin’i Salômôna mpanjaka, i Betsabea, hilaza aminy ny amin’i Adoniasa. Nitsangana nitsena azy ny mpanjaka, sady niankohoka teo anatrehany; dia nipetraka teo amin’ny seza fiandrianany, sy nampanisy seza fiandrianana ho an’ny renin’ny mpanjaka, ka nipetraka teo ankavanany ravehivavy.

2Mpanjaka 17:36

Fa i Iaveh Andriamanitrareo izay nitondra anareo niakatra avy any amin’ny tany Ejipta, tamim-pahefana lehibe sy tamin-tsandry nahinjitra, Izy no atahory, eo anatrehany no iankohofy, ary Izy no anatero sorona.

Joba 32:4

Noho ny maha-zokiny azy ireo, dia niandry i Eliò, vao niteny tamin’i Jôba.

Joba 32:6

Tamin’izay, dia niteny i Eliò, zanak’i Barakely, Bozita, ka nanao hoe: «Izaho vao tanora, ianareo efa anti-panahy; ka izany no natahorako, tsy nahasahiako ny hampahalala anareo izay mba hevitro.

Ohabolana 16:31

Satroboninahitra ny volo fotsy; ary eo amin’ny lalan’ny fahamarinana no ahitana azy.

Ohabolana 20:29

Ny hery no haingon’ny zatovo, ary ny volo fotsy no ravaky ny anti-panahy.

Ohabolana 23:22

Maneke ny rainao, izy izay niteraka anao; ary aza manamavo an-dreninao, saingy efa antitra izy.

Isaia 3:5

Ka hiantoraka hifamely ny lehilahy amin’ny lehilahy ary ny olona samy amin’ny mifanakaiky aminy; hiantoraka hifamely izy ireo, ny tovolahy amin’ny anti-panahy; ary ny olom-poana amin’ny olo-manan-daza indrindra.

Fitomaniana 5:12

Misy mpanapaka nahanton’ny tanan’izy ireo, ny tavan’ny anti-panahy tsy nasiany hajany,

Levitikosy 19:14

Aza manozona ny marenina, na mametraka eo alohan’ny jamba izay zavatra mety hamotraka azy, fa matahora ny Andriamanitrao. Izaho no Iaveh.

Romana 13:7

Koa ataovy amin’izy rehetra àry izay tokony handoavan-ketra, fadin-tseranana, tahotra ho an’izay tokony hatahorana, ary haja ho an’izay tokony hohajaina.

1Timoty 5:1

Aza anarina mafy loatra ny anti-dahy, fa anaro toy ny ray izy; ary ny tovolahy, toy ny rahalahy;

1Petera 2:17

Hajao ny olona rehetra, tiavo ny havana iray finoana, matahora an’Andriamanitra, ary omeo voninahitra ny mpanjaka.