Genesisy 48:12 - Baiboly Katolika

¹² Nesorin’i Josefa hiala teo anelanelan’ny lohali-drainy aloha izy mirahalahy, dia niankohoka tamin’ny tany teo anatrehany izy;

Baiboly Protestanta Malagasy 2011

¹² Ary nampiala azy mirahalahy teo amin’ny lohalik’Israely i Josefa dia niankohoka tamin’ny tany.

DIEM PROTESTANTA

¹² Nanaisotra azy mirahalahy teo an-dohalik’i Jakôba i Jôsefa, dia niankohoka tamin’ny tany.

Dikateny Iombonana Eto Madagasikara

¹² Nanaisotra azy mirahalahy teo an-dohalik’i Jakôba i Jôsefa, dia niankohoka tamin’ny tany.

Baiboly Protestanta Malagasy

¹² Ary Josefa nampiala azy mirahalahy teo anelanelan’ny lohalik’Isiraely, dia niankohoka tamin’ny tany izy.

Malagasy Bible

¹² Ary Josefa nampiala azy mirahalahy teo anelanelan'ny lohalik'Isiraely, dia niankohoka tamin'ny tany izy.

La Bible en Malgache

¹² Ary nampiala azy mirahalahy teo amin’ny lohalik’Israely i Josefa dia niankohoka tamin’ny tany.

Genesisy 48:12 Rohy Ifampitohizana

Genesisy 18:2

Nanopy ny masony ary nijery izy, ka indreto olona telo lahy nijoro nifanandrify aminy. Vao nahita azy izy, dia nihazakazaka avy eo am-baravaran’ny lainy, nitsena azy, ary rehefa niankohoka tamin’ny tany izy,

Genesisy 19:1

Dia tonga tao Sôdôma ny Anjely roa, nony hariva; ary i Lôta tamin’izay nipetraka teo am-bavahadin’i Sôdôma. Vao nahita azy ireo i Lôta dia tafatsangana nitsena azy, ary niankohoka tamin’ny tany ka nanao hoe:

Genesisy 23:7

Dia nitsangana i Abrahama ka niankohoka teo anatrehan’ny vahoaka tompon-tany, dia ny zanak’i Heta,

Genesisy 33:3

ary ny tenany kosa nandeha teo alohan’ireo, ka niankohoka tamin’ny tany impito izy mandra-pahatongany teo anilan’i Esao, rahalahiny.

Genesisy 42:6

I Josefa no mpanapaka ny tany ary izy no nivaro-bary tamin’ny tompon-tany rehetra. Nony tonga ny rahalahin’i Josefa dia niankohoka tamin’ny teo anatrehany.

Genesisy 48:11

Ary hoy i Israely tamin’i Josefa hoe: «Tsy nanampò hahita tava anao intsony aho, kanjo indro ataon’Andriamanitra mahita ny taranakao aza.»

Genesisy 48:13

dia noraisin’i Josefa izy mirahalahy, i Efraima tamin’ny ankavanany, ho eo ankavian’i Israely; ary i Manase tamin’ny ankaviany, ho eo ankavanan’i Israely, dia nampandrosoiny izy ireo.

1Mpanjaka 2:19

Dia nankany amin’i Salômôna mpanjaka, i Betsabea, hilaza aminy ny amin’i Adoniasa. Nitsangana nitsena azy ny mpanjaka, sady niankohoka teo anatrehany; dia nipetraka teo amin’ny seza fiandrianany, sy nampanisy seza fiandrianana ho an’ny renin’ny mpanjaka, ka nipetraka teo ankavanany ravehivavy.

2Mpanjaka 4:37

Nandroso niankohoka tamin’ny tongony ravehivavy sady nihohoka tamin’ny tany, vao nandray ny zanany sy lasa nivoaka.

Eksodosy 20:12

«Manajà ny ray aman-dreninao mba ho lava andro ianao any amin’ny tany omen’i Iaveh Andriamanitrao anao.»

Eksodosy 34:8

Niondrika tamin’ny tany niaraka tamin’izay i Môizy, dia niankohoka,

Ohabolana 31:28

Ny zanany lahy mitsangana ka milaza azy hoe sambatra; ny vadiny koa mitsangana manome fankalazana azy.

Levitikosy 19:3

Samia matahotra ny reninareo sy ny rainareo, ary tandremo ny sabatako. Izaho no Iaveh Andriamanitrareo.

Levitikosy 19:32

Mitsangàna raha manoloana ny fotsy volo, hajao ny olona efa tratra antitra; ary matahora an’Andriamanitra. Izaho no Iaveh.

Efesiana 6:1

Ianareo zanaka, maneke ao amin’ny Tompo ny ray aman-dreninareo, fa izany no rariny.