Baiboly an-tserasera

dokam-barotra


Ny Baiboly manontolo Testamenta Taloha Testamenta Vaovao




Jeremia 1:1 - Baiboly Katolika

Tenin’i Jeremia zanak’i Helkiasy, iray amin’ireo mpisorona any Anatôta, amin’ny tanin’i Benjamina.

Jereo ny toko

Baiboly Protestanta Malagasy 2011

Ny tenin’i Jeremia, zanak’i Hilkia, isan’ny mpisorona tao Anatota, tao amin’ny tanin’ny Benjamina.

Jereo ny toko

DIEM PROTESTANTA

Ity boky ity dia mirakitra ny asa sy teny nataon’i Jeremià, zanakalahin’i Hilkià isan’ny mpisorona tao Hanatôta, tanàna iray tamin’ny faritanin’i Benjamîna.

Jereo ny toko

Dikateny Iombonana Eto Madagasikara

Ity boky ity dia mirakitra ny asa sy teny nataon’i Jeremià, zanakalahin’i Hilkià isan’ny mpisorona tao Hanatôta, tanàna iray tamin’ny faritanin’i Benjamîna.

Jereo ny toko

Baiboly Protestanta Malagasy

NY tenin’i Jeremia, zanak’i Hilkia, isan’ny mpisorona tao Anatota, tamin’ny tanin’ny Benjamina,

Jereo ny toko

Malagasy Bible

Ny tenin'i Jeremia, zanak'i Hilkia, isan'ny mpisorona tao Anatota, tamin'ny tanin'ny Benjamina,

Jereo ny toko

La Bible en Malgache

Ny tenin’i Jeremia, zanak’i Hilkia, isan’ny mpisorona tao Anatota, tao amin’ny tanin’ny Benjamina.

Jereo ny toko



Jeremia 1:1
23 Rohy Ifampitohizana  

Ary hoy ny mpanjaka tamin’i Abiatara mpisorona: «Mandehana ianao mankany amin’ny taninao, any Anatôta, nefa noho ianao nitondra ny Fiaran’i Iaveh Tompo teo anatrehan’i Davida raiko, sy noho ianao nanana anjara tamin’ny fahoriana rehetra nahazo an’ikaky, dia tsy ataoko maty amin’izao andro izao ianao.»


i Hokàka, mbamin’ny tany fiandrasana biby momba azy, i Rohoba, mbamin’ny tany fiandrasana biby momba azy;


Namoron-kira fisaonana an’i Josiasa i Jeremia, ary nilaza an’i Josiasa ny mpihira rehetra na lahy na vavy amin’ny hira fisaonana nataony mandrak’androany, ka tonga fanao eo imason’i Israely izany; ka indro fa voasoratra ao amin’ny Fihirana fisaonana izany hira izany.


Nanao izay ratsy eo imason’i Iaveh Andriamaniny izy, ary tsy nanetry tena teo anatrehan’i Jeremia mpaminany, izay niteny taminy, tamin’ny anaran’i Iaveh.


Izany no nahatanterahan’ny tenin’i Iaveh, tamin’ny vavan’i Jeremia: «Mandra-pahazon’ny tany ny onitry ny sabany, fa nitsahatra izy mandritra ny fotoana nahafoana azy, dia mandra-pahafenon’ny fitopolo taona.»


Tamin’ny taona voalohany nanjakan’i Sirosa mpanjakan’i Persa, dia namporisihin’i Iaveh ny fanahin’i Sirosa mpanjakan’i Persa, mba hahatanteraka ny tenin’i Iaveh, nolazainy tamin’i vavan’i Jeremia: ka nasainy natao kabary sy nolazaina an-tsoratra, hiely eran’ny fanjakany izao teny izao:


nisy 128, ny mponina tao Anatôta;


Fahitan’i Izaia, zanak’i Amôsa, momba an’i Jodà sy i Jerosalema, izay hitany tamin’ny andron’i Oziasa, i Joatama, i Akaza ary i Ezekiasa, mpanjakan’i Jodà.


Manaova antso fitarainana, ry zanaka vavin’i Galima! mampandria sofina, ry Laisa! Indrisy, ry Anatôta mahantra!


Ny teny hitan’i Izaia, zanak’i Amôsa momba an’i Jodà sy i Jerosalema.


Ka dia izao no lazain’i Iaveh, ny amin’ireo olona ao Anatôta, izay mitady ny ainao, sy manao hoe: Aza maminany amin’ny Anaran’i Iaveh, raha tsy te ho fatin’ny tananay ianao!


Ary ankehitriny, ahoana no tsy nisakananao an’i Jeremia, avy any Anatôta, izay maminany aminareo?


Izao no teny avy amin’i Iaveh, natao tamin’i Jeremia:


dia nivoaka avy ao Jerosalema koa i Jeremia, hankany amin’ny tanin’i Benjamina, mba handray ao izay anjarany eo amin’ny vahoaka.


- tonga tamin’i Ezekiela zanak’i Bozì, mpisorona, ny tenin’i Iaveh, tany amin’ny tanin’ny Kaldeanina, amoron’ny ony Kobara, ary mby teo aminy teo ny tanan’i Iaveh.


Tenin’i Amôsy, isan’ireo mpiandry ondry tao Tekôe. Izay hitany momba an’i Israely, tamin’ny andron’i Oziasa, mpanjakan’i Jodà, sy tamin’ny andron’i Jerôbôama, zanak’i Jôasa, mpanjakan’i Israely, roa taona talohan’ny horohoron-tany. Hoy izy:


Ary i Amasiasa, mpisorona ao Betela, naniraka hilaza amin’i Jerôbôama, mpanjakan’i Israely hoe: «Mitetika ny hikomy aminao eo amin’ny taranak’i Israely i Amôsy; tsy zakan’ny tany intsony ny teniny rehetra.


Ary hoy ireo: «Ny sasany manao hoe: Joany Batista, ny sasany Elia, ary ny sasany Jeremia, na ny anankiray amin’ny mpaminany.»


Dia tanteraka tamin’izay ny tenin’i Jeremia mpaminany manao hoe:


ary tanteraka tamin’izay ny tenin’i Jeremia mpaminany nanao hoe: «Dia nalainy ny vola telopolo, vidin’Ilay notombanan’ny zanak’i Israely,