Ñemohenda
VERSOS OÑEMBOYKEVA’EKUE
Che irũ, ko tekove ningo yvate ha iguy gotyo oho oho, ñane mbyasy ha ñane vy’a reheve. Ha katu Ñandejára ñanembo’e jaiko ha’e peichagua yvyra oñeñotỹva ysyry rembe’ýpe, imburuvicha ha hoja’ỹva aravai ramo jepe. Ñañembyasyetereíramo, ñane’ãrõ ndaikatuveimo’ãi ja’e ko’ã mba’asygui. Ha katu Ñandejára ñandeporiahuvereko meméva, akóinte ñanderovasa iñe’ẽ porã rupive, ñanepytyvõ jeyve hag̃ua ñane moingévo. Ñande py’a oĩva’erã chupe g̃uarãnte, ha upéicharõmante ko’ã ára ijetu’úva ohasa pya’eterei. Ñandejára oĩ nendive, nereiko’ãi ne’ẽme. Ha’e omongueráta opa nde resa ha nemyenyhẽta vy’a reheve. Rojerovia Cristo Jesús reheve reñandu hag̃ua Espíritu Santo ñande pytu’u reheve, ha rojerure’asy Ñandejárape tanepytyvõ ha nembopy’aguasu jey.
Peagradece opaite mba’e rehe, kóva ningo Ñanderuete rembipota ojeroviáva guivépe g̃uarã Hesu Crístore.
Tome’ẽ ndéve umi mba’e nde py’apy oipotáva ha tomoañete opaite mba’e rejaposéva guive.
Ñanderuete tanderovasa, ha toñangareko nderehe.
Ñanderuete rova tojajái nde ári ha tandeporiahuvereko.
Ñanderuete toma’ẽ nderehe ha tanembopy’aguapy.
Che ningo agradece che Ruetépe chemandu’a vove penderehe,
peẽ peñandu hag̃ua avei pende rekovépe pe ñorãirõ che ahasava’aína, pehecha haguéicha ha ko’ág̃a pehendu háicha gueteri.
ha añembo’e ramo penderehe, añembo’e vy’apópe opavave penderehe,
Upévagui orembo’e toroipapa ore rekove arakuéra, ore rohupity hag̃ua pe aranduteéva (ndehegui).
Nde voi che rekove apohare, Nde cheapova’ekue che sy ryépe.
Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Nde remyenyhẽ ko áño kóva nde poriahuvereko tuichágui, ha nde rape omondyky mba’eporãgui.
Che agradece tapia Ñanderuetépe penderehe, Ha’e penderovasa haguére Hesu Crísto rupi.
Ñandejára Ñanderuete ha Ñandejára Hesu Crísto poriahuvereko ha ipy’aguapy tomyenyhẽ pende rekove.
Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,
upévare ojehai avei Ñanderuete kuatiañe’ẽme: Oime ramo oñemomba’eguasuséva toñemomba’eguasu Ñanderuetepype, (Jeremías 9,23).
Che agradece tapia Ñanderuetépe penderehe, Ha’e penderovasa haguére Hesu Crísto rupi.
Ehendúke che ra’y, ha ejapóke che ñe’ẽ, ha oñemboheta hetavéta ndéve umi áño reikove hag̃ua.
Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.
Che rayhupára, opaite mba’épe aha’ãrõ oho porã ndéve ha taneresãi oho porã háicha ne ángape.
Reime mboyve nde sy ryépe roikuaamava’ekue, che roiporavóma ha romboykemava’ekue che proféta ramo tetãnguérape g̃uarã.
Che aikuaa porã pe pensamiénto aguerekóva che py’apýpe penderehe, he’i pende Ruete, che akãme aguereko py’aguapy, ha ndaha’éi py’aro, ame’ẽ jevy hag̃ua peẽme umi mba’e peha’ãrõva ha peiko hag̃ua py’aguapýpe pene retãteépe.
Pe arandu rupi oñemboheta hetaveva’erã nde rekove arakuéra, ha oñembojoajuveva’erã nde rekovépe heta áño.
Ko’ág̃a, nde Jacóbo, pende Ruete rembiapo, nde apohare he’iuka ndéve: Ani rekyhyjétei, Che roperdonáma; Che rohenói nde réra rupi, nde ningo che mba’énteva voi.
Peẽ ningo che rechahare, he’i pende Ruete, ha che rembiguaikuéra, Che aiporavomava’ekue. Peẽ chekuaa ha pejerovia cherehe, ha peikuaa porã ndaiporiha ambue Jára; Che mboyve ndojejapói ambue jára, ha Che aikota’aína opa rire umi jára gua’u paha.
Chénte pende Jára ha che’ỹre ndaipóri avave ikatúva peneguenohẽ pende jehasa asýgui.
Che amombe’uka ha poikuaaukava’ekue che réra, ha Che poipytyvõva’ekue oĩ mboyve ambue jára pende apytépe. Peẽ voi che rechahare, he’i yvága Jára, Chénte apytava’erã tapia g̃uarã yvága ha yvy Jára ramo.
Ko ára kóva ha’e jevy: Ndaipóri avave ikatúva ohekýi peteĩ mba’e che pógui. Ha umi mba’e ajaposéva, katuete ajapóta avei, ha ndaipóri avave ikatúva chejoko.
Péicha he’i yvága Jára, Israel Jára Porã, Chémante posalváta: Penderehehápe amondova’ekue ichupe Babilóniape, omokañy hag̃ua ichupekuéra, ha umi Caldeaygua okañy avei ibarcoguasukuérape, umía rupi oñembotuichava’ekue.
Che voi ningo pende Ruete, pe Heko jajaipáva, Israel apohare, pene retã ruvichaguasu.
Péicha he’i pende Ruete, penembohapéva yguasu rupi ha ombosako’iva’ekue pe tape po’i y ipochyveha rupi.
Che voi aheja osẽ hag̃ua icárro, ikavaju, isoldádo aty ipu’aka reheve, aity hag̃ua ha ho’a opu’ãve’ỹ hag̃uáicha; oguepa hag̃ua hikuái, ku tataindy ogue háicha.
Ani peñemomandu’átei umi mba’e ohasamava’ekue rehe, ha ani peguerútei pene akãme umi mba’e ymaveguare.
Pema’ẽ porãke, Che ajapo mba’e ipyahúva; pya’ete ojekuaáta, ndapehechakuaái piko. Ambohape jevýta tape yvy perõ rupi ha ysyry, heñoi’ỹháme mba’eve.
Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.
Che ra’y, aníke nderesarái che rembiapoukapýgui, eñongatu uvei nde py’apýpe che rekombo’e,
upéicharamo nde róga henyhẽta koga’águi ha nde parral rakã’a omyenyhẽta ne mba’yru vínogui.
Aníke ndepochy, che ra’y, Ñanderuete ndehavira ramo ha aníke ndekuerái hekombo’égui;
Ñanderuete ningo ohavira pe ohayhúvape, pe túva ohavira háicha ita’ýra ohayhúvape (oipotágui oguatá porã).
Ovy’aite upe tapicha ojohúva arandu ha ohupitýva akãguapy;
umía jahupity ramo iporãve plátagui ha umía jaguereko ramo iporãve órogui.
Hepyeteve ita vera hepývagui; ha opaite mba’e ikatúva guive reipota, ndaikatúi ñambojoja hesekuéra.
Tekove puku oĩ ijakatúa gotýo; ha ijasu gotýo oĩ mba’erepyeta ha terakuã porã.
Hapekuéra ningo nembopy’a rory ha hape po’ikuéra nembopy’aguapýta.
Ha’ehína yvyra oporomoingovéva umi hese oñemomba’évape g̃uarã, ha ovy’a iterei umi oñemomba’etévape hese.
Arandupópe Ñanderuete ojapo ypyva’ekue ko yvy ha akãporãme omohendava’ekue yvagakuéra.
upéicharõ tekove puku ha heta áño py’aguapy reheguáva omyenyhẽta nde rekove.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Ha’e ome’ẽ arandu heko peguáva umi heko potĩvape; Ha’e omo’ãhína umi hekoitépe oguatávape.
Ha’e oñangarekohína pe heko potĩva rape rehe, Ha’e oñangarekohína ojeroviáva rape rehe.
Ha Che nañemoambuemo’ãi, pende tuja peve ha pene akã imorotĩmba peve añangarekóta penderehe; Che pogueraha haguéicha, poguerahavéta ha añangarekovéta penderehe.
Ore roha’ãrõ Ñanderuete omoñepyrũva’ekue pe tembiapo iporãva pendepype, Ha’e voi penemog̃uahẽtaha hu’ãme, Hesu Crísto ou jevyha árape.
Ñanderuete ojapova’erã mba’e iporãitéva chéve g̃uarã, ne mborayhu ndopamo’ãi araka’eve, ani repoi ne rembiapokuégui.
Ñanderuete poriahuvereko ningo ndopái, iporiahuvereko araka’eve ndoguéi.
Iporiahuvereko oñembopyahu ko’ẽ ko’ẽre, ituichaite ningo imborayhu.
Mba’eporãite ningo romomba’eguasu ramo ndéve, ore Ruete, ha rogueropurahéi nde réra, Nde, ningo pe Jára Ijyvatetéva.
Nde katu chemombarete mbaretevéta ku tóro hesaitévaicha, ha acéite ryakuã porãme añemona aikóvo.
Ha che resakuéra oma’ẽta umi cherayhu’ỹva rehe (mba’éichapa oñehundi); ha che apysakuéra ohendúta umi cherehe opu’ãva’ekue (mba’éichapa omano).
Pe heko potĩva katu ipotýta mbokajáicha ha okakuaáta ku cédro Líbano peguáicha.
Umía oñeñotỹ Ñanderuete rogaguasúpe ha ikorapýpe ipoty joa hag̃ua.
Ituja rire jepe hi’a porã, imbarete ha hovyũ asy,
omombe’u hag̃ua Ñanderuete hekojojaha, ha ipype ndaiporiha hekopeguaỹva.
Pyharevekuépe omombe’u nde poriahuvereko, ha pyharekuépe nde reko añeteguáva.
Ha’e ningo ñande Apohare ha Ha’e ñanemoingoveva’ekue Hesu Crísto rupi jajapo hag̃ua Ha’érupi ñane rembiapo porã, Ha’e ombosako’ipamava’ekue voi ñandepype, jajapokuaa hag̃ua ipu’aka rupi ñane rembiapo porã, ha jaguata hag̃ua ipype.
Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.
Peju, japurahéi vy’apópe Ñanderuetépe, torypápe ñamomba’eguasu pe itaguasu.
Ko tetã chembopochyva’ekue 40 áño pukukue, ha Che ha’e: Ko tetã ojavy ipy’apy guive, ha opoi che rapégui.
Upévarehe pochypópe añe’ẽme’ẽva’ekue: Ndoikemo’ãiha che pytu’uha rendápe.
Ñañemboja ijypýpe japurahéi ha ñamomba’eguasu hag̃ua ichupe, ha purahéipe ñamboete ichupe.
Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.
Añetehápe tuichaite mba’e Ñanderuete ojapo ñanderehe, upévare ñande javy’aiteva’ekue.
Che ningo agradece che Ruetépe chemandu’a vove penderehe,
peẽ peñandu hag̃ua avei pende rekovépe pe ñorãirõ che ahasava’aína, pehecha haguéicha ha ko’ág̃a pehendu háicha gueteri.
ha añembo’e ramo penderehe, añembo’e vy’apópe opavave penderehe,
peẽ oremoirũ haguére ha pejerovia porãitégui Ñanderuete ñe’ẽ oporombovy’áva rehe, pejeroviaha ára guive ko’ág̃a peve.
Ore roha’ãrõ Ñanderuete omoñepyrũva’ekue pe tembiapo iporãva pendepype, Ha’e voi penemog̃uahẽtaha hu’ãme, Hesu Crísto ou jevyha árape.
Ejeroviáke nde py’aite guive Ñanderuete rehe, ha ani rejejoko ne arandu rehe.
Nemandu’áke hese opaite nde rape rehe, ha Ha’e omyesakãta ne raperã.
Peha’ãrõ vy’apópe ani penekangy ou ramo pe jepy’ara’ã, peropu’akakuaákena, peñembo’epeína uvei.
Ambopukúta hekove, ha ahechaukáta ichupe che pu’aka (ha ha’e oikóta chendive tapia guarã).
Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.
Opaite mba’e reguerekóva guive eme’ẽ arandu rehehápe, ehupitýke arandu; ha opaite ne mba’erepy eme’ẽ akãguapy rehehápe.
Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.
Re’a porãitereígui che resa renondépe, cherakate’ỹ nderehe, ha Che rohayhu; upévagui ame’ẽta kuimba’ekuéra ha tetãnguéra nde rekove rehe.
Ovy’aitehína umi kuimba’e okyhyjéva Ñanderuetégui, ha ipy’a rory hembiapoukapy reheve.
Upe tekove ñaña ohecha ramo upéva ipochyetereíta, omopururũta hãinguéra ha ikusuguepáta. Umi tekove ñaña rembipota katuete opa reiva’erã.
Iñemoñare imbareteva’erã ko yvy apére, umi heko potĩva ñemoñare ojehovasáta.
Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.
Upévare upe oikóva Hesu Cristopype oñemoingo pyahúma, oñemboheko ambuéma (nacimiénto pyahu), pe teko tuja opáma (pe teko tuja nomandavéima hekovépe). Peikuaa porãke, pe teko pyahu oñepyrũma hague.
Ñanderuete che rerekua, Ha’e ome’ẽmba chéve aikotevẽva guive.
Umi kapi’ipe kyrỹiha rupi chegueraha, umi y sakã rembe’ýpe chemombytu’u.
Ñanderuete che rerekua, Ha’e ome’ẽmba chéve aikotevẽva guive.
Umi kapi’ipe kyrỹiha rupi chegueraha, umi y sakã rembe’ýpe chemombytu’u.
Ha’e chemoangapyhy, Ha’e chesãmbyhy ijustícia rape rehe, héra rayhupápe.
Peñopytyvõ pe Pytu Porãmbáva me’ẽmby rupi, Ñanderuete ome’ẽ haguéicha peteĩteĩme umi hemime’ẽmby juavymbyréva apytégui. Peiporu hekópe umi me’ẽmby peteĩ capataz iporãvaicha ambuekuérape g̃uarã.
Peteĩ mba’e ajerure Ñanderuetépe, ha upéva ahekáta: Taiko Ñanderuete rogaguasúpe aikove aja pukukue ajepy’amongeta hag̃ua Ñanderuete rehe ha romomba’eguasu joáta ichupe.