Iósua 5 - An Bíobla Naomhtha 1817 (Bedell) An Bíobla Naomhtha 1817 (Bedell)
Iósua 5

¹ Agus tárla, a núair do chúaladar uile ríghthe na Namoríteach, do bhí ré táobh Iordan don táobh shíar, agus uile ríghthe na Gcanaaníteach, do bhí láimh ris an bhfairge, gur thiurmuigh an TIGHEARNA uisgidhe Iordan súas roimhe chloinn Israel, nó go ndeachamar thairis, gur leaghaidh a ccroidhe, agus nach raibh spiorad ionta ní bhus mó, tre eagla chloinne Israel.

² Ansa namsin a dubhairt an TIGHEARNA re Iosua, Déana sceana géara dhuit féin, agus timchillgheárr clann Israel a rís an dara huáir.

³ Agus do rinne Iosua sceana géara do féin, agus do thimchillgheárr sé clann Israel ar chnoc an rémhchroicinn.

⁴ Agus sé so an tadhbhar as ar thimchillgheár Iosua: Fúaradar an pobal uile tháinic as an Négipt, noch do bhí feardha, eadhon na fir chogaidh uile, bás san bhfásach ar a tslighe, mar thangadar amach as an Négipt.

⁵ Annois an mhéid dáoine tháinic amach do thimchillghearradh íad: achd an mhéid dáoine rugadh san bhfásach ar a tslighe mar thangadar amach as an Négipt, níor thimchillghearradar íad sin.

⁶ Oír do shiubhluigheadar clann Israel san bhfásach ceathrachad blíadhan, nó gur éugadar uile an luchd cogaidh, tháinic amach as an Négipt, do chionn nár úmhluigheadar do ghuth an TIGHEARNA: da ttug an TIGHEARNA mionna nach ttaisbéanfadh sé dhoibh an fearann, noch do mhionnuigh an TIGHEARNA dá naithribh go ttiubhradh sé dhuinn, dúithche noch thuiltighios lé bainne agus lé mil.

⁷ Agus a cclann, noch do thóg sé súas na náit, do thimchillghéarr Iosua íad: óir do bhádar gan timchillghearradh, do chionn nar thimchillghearradair íad ar a tslighe.

⁸ Agus tárla, a núair do chríochnuigheadar an timchillghearradh ar an bpobal uile, gur fhanadar ar a náitibh ansa ccampa, nó go rabhadar slán.

⁹ Agus a dubhairt an TIGHEARNA re Iosua, Ansa lóso do thiomáin mé míochlú na Hégipte úaibh. Uime sin goirthear ainm na háitesin Gilgal gus a niugh.

¹⁰ ¶ Agus do champuigheadar clann Israel a Ngilgal, agus do coímhéadadar án cháisg ar an cceathramhadh lá déag don mhí um nóin a reiteach Iericho.

¹¹ Agus a dúadar do sheanarbhar na tíre ar na mhárach déis na cásg, arán gan loibhín, agus arbhar cruaidhte ansa ló chéadnasin.

¹² ¶ Agus do sguir an manna ar na mhárach ar itheadar seanarbhar na tíre; agus ní raibh manna ní is mó ag cloinn Israel; ach ditheadar do thoradh thíre Cánaain an bhlíadhuin sin.

¹³ ¶ Agus tárla, a núair do bhí Iosua ag Iericho, gur thog a shúile súas, agus gur amhairc, agus, feach, do sheas duine thall as a choinne gon a chloidheamh nochduigh iona láimh: agus do chuaidh Iosua mar a raibh sé, agus a dubhairt ris, Ann air ar soinne atá tusa, nó ar son ar námhad?

¹⁴ Agus a dubhairt seision, Ní headh; achd már chaiptín do shlúagh an TIGHEARNA tháinic mé a nois. Agus do thuit Iosua ar a aghaidh gus an talamh, agus do rinne adhra, agus a dubhairt sé ris, Cred a deir mo THIGHEARNA re na óglach?

¹⁵ Agus a dubhairt caiptin shlóigh an TIGHEARNA re Iosua, Scáoil do bhróg dot chois; óir is naomhtha a náit iona bhfuil tú ad sheasamh. Agus do rinne Iosua mar sin.