РЫМЛЯНАЎ 8:1 - Кнігі Святога Пісання - Біблія - Біблія — пераклад Чарняўскага (выданне 2017 года)

Значыць, няма цяпер ніякага асуджэння тым, што ў Хрысце Ісусе не паводле цела, а паводле Духа ходзяць;

Біблія (пераклад А.Бокуна)

Таму цяпер няма ніякага асуджэньня тым, што ў Хрысьце Ісусе не паводле цела, але паводле духа ходзяць.

Біблія (пераклад В. Сёмухі)

Такім чынам - няма сёньня ніякай асуды тым, хто ў Ісусе Хрысьце жыве не паводле плоці, а паводле духу,

РЫМЛЯНАЎ 8:1 Крыжаваныя спасылкі

ІСАІ 54:17

Любая прылада, якая выліта супраць цябе, не будзе карыснай. І кожны язык, які спрачаецца з табою, асудзіш: такая спадчына слугаў Госпада і справядлівасць іх ад Мяне», — кажа Госпад.

ЕЗЭКІІЛЯ 18:9

захоўвае Мае прыказанні і пільнуе Мае законы, каб рабіць праўду, — такі чалавек справядлівы і жыць будзе, — кажа Госпад Бог.

ЯНА 14:20

Вось, у той дзень пазнаеце, што Я – у Айцу Маім, і вы – ува Мне, і Я – у вас.

ЯНА 15:4

Заставайцеся ўва Мне, і Я – у вас. Як галінка не можа прыносіць плод сама з сябе, калі не застанецца на вінаграднай лазе, так і вы, калі не застанецеся ўва Мне.

ЯНА 5:24

Сапраўды, сапраўды кажу вам: хто слухае Маё слова ды верыць Таму, Хто Мяне паслаў, мае жыццё вечнае, ды не ідзе на суд, але ад смерці перайшоў да жыцця.

РЫМЛЯНАЎ 16:3

Прывітайце Прыску і Аквілу, супрацоўнікаў маіх у Хрысце Ісусе,

РЫМЛЯНАЎ 16:7

Прывітайце Андраніка і Юнію, сваякоў маіх, увязненых разам са мною, праслаўленых сярод Апосталаў, якія перш за мяне былі з Хрыстом.

РЫМЛЯНАЎ 5:1

Дык, апраўданыя вераю, мы маем мір з Богам праз Госпада нашага Ісуса Хрыста,

РЫМЛЯНАЎ 5:16

І дар не такі, што за аднаго [чалавека], што зграшыў, бо прысуд за аднаго – на пакаранне, а ласка – на апраўданне за многія злачынствы.

РЫМЛЯНАЎ 7:17

Тады ўжо не я раблю гэта, але грэх, што жыве ўва мне.

РЫМЛЯНАЎ 7:20

А калі раблю тое, чаго не хачу, значыць, не я ўжо гэта раблю, але грэх, што ўва мне жыве.

РЫМЛЯНАЎ 8:11

А калі ў вас жыве Дух Таго, Хто ўваскрасіў Ісуса з мёртвых, дык Той, Хто ўваскрасіў Хрыста з мёртвых, ажывіць і смяротныя целы вашы праз Духа Свайго, Які жыве ў вас.

РЫМЛЯНАЎ 8:14

Бо ўсе тыя, якіх вядзе Дух Божы, ёсць сыны Божыя.

РЫМЛЯНАЎ 8:2

бо закон Духа жыцця ў Хрысце Ісусе вызваліў мяне ад закону граху і смерці.

РЫМЛЯНАЎ 8:34

Хто той, які асуджае? Хрыстос Ісус, Які памёр, але Які і ўваскрос, і Які сядзіць праваруч Бога, Ён заступаецца за нас.

РЫМЛЯНАЎ 8:39

ані вышыня, ані глыбіня, ані якое-колечы стварэнне не зможа нас адлучыць ад любові Бога, якая ў Хрысце Ісусе, Госпадзе нашым.

РЫМЛЯНАЎ 8:4

каб апраўданне закону споўнілася ў нас, што жывём не паводле цела, але паводле Духа.

РЫМЛЯНАЎ 8:9

Вы, аднак, не жывяце паводле цела, але паводле Духа, калі толькі Божы Дух жыве ў вас. А калі хто не мае Духа Хрыстова, той не Яго.

1 КАРЫНФЯНАЎ 1:30

Дзякуючы Яму і вы ёсць у Хрысце Ісусе, Які ад Бога стаўся для нас мудрасцю, справядлівасцю, пасвячэннем і адкупленнем,

1 КАРЫНФЯНАЎ 15:22

бо як у Адаме ўсе паміраюць, так у Хрысце ўсе ажывуць.

2 КАРЫНФЯНАЎ 12:2

Ведаю чалавека ў Хрысце, які чатырнаццаць гадоў таму – ці ў целе – не ведаю, ці па-за целам – не ведаю, Бог ведае, – падхоплены быў у трэцяе неба.

2 КАРЫНФЯНАЎ 5:17

Бо хто ў Хрысце – новае стварэнне; старое мінула, вось, усё сталася новае.

ГАЛЯТАЎ 3:13

Хрыстос адкупіў нас ад праклёну закону, стаўшыся за нас пракляццем, як напісана: «Пракляты кожны, хто вісіць на дрэве»,

ГАЛЯТАЎ 3:26

Бо ўсе вы ёсць сыны Божыя праз веру ў Хрыста Ісуса.

ГАЛЯТАЎ 3:28

Няма ўжо юдэя або грэка, няма ўжо нявольніка або вольнага, няма ўжо мужчынскага ані жаночага: бо ўсе вы сталіся адно ў Хрысце Ісусе.

ГАЛЯТАЎ 5:16

Кажу вам: кіруйцеся духам, ды не падпадайце пад пажадлівасць цела.

ГАЛЯТАЎ 5:25

Калі жывём Духам, дык Духам і ходзім.

ЭФЭСЯНАЎ 1:1

Паўла, Апостал Ісуса Хрыста з волі Божай, святым, якія ў Эфесе, і верным у Хрысце Ісусе:

ПІЛІПЯНАЎ 3:9

і апынуцца ў Ім, маючы не маю справядлівасць, якая з закону, але тую, якая з веры ў Хрыста, якая ад Бога справядлівасць праз веру,