2 ЦІМАФЕЯ 2:9 - Кнігі Святога Пісання - Біблія - Біблія — пераклад Чарняўскага (выданне 2017 года)

дзеля якога цярплю мукі аж да кайданоў, як быццам што благое рабіў, але Слова Божага нельга звязаць.

Біблія (пераклад А.Бокуна)

у якім пераношу злыбеды аж да путаў, як злачынца, але слова Божага нельга зьвязаць.

Біблія (пераклад В. Сёмухі)

за якое я пакутую аж да кайданаў, як злодзей; але на слова Божае няма кайданаў.

2 ЦІМАФЕЯ 2:9 Крыжаваныя спасылкі

ЛУКАША 23:32

Вялі з Ім таксама іншых двух злачынцаў, каб забіць іх.

ДЗЕІ 21:33

Тады трыбун, падышоўшы, узяў яго і загадаў звязаць двума ланцугамі, ды пытаўся, хто ён і што зрабіў.

ДЗЕІ 28:31

абвяшчаючы Валадарства Божае і вучачы пра Госпада Ісуса Хрыста з усёй адвагай без перашкод.

ДЗЕІ 9:16

і Я пакажу яму, колькі ён мае цярпець дзеля імя Майго».

ЭФЭСЯНАЎ 3:1

Дзеля гэтай справы я, Паўла, – вязень Хрыстоў дзеля вас, паганаў.

ПІЛІПЯНАЎ 1:17

тыя ж, што з зайздрасці, прапаведуюць Хрыста няшчыра, з намерам зрабіць мае путы яшчэ цяжэйшымі.

ПІЛІПЯНАЎ 1:7

як справядліва мне думаць пра вас усіх, бо маю вас у сэрцы, і ў путах маіх, і ў абароне, і ва ўмацаванні Евангелля, бо ўсе вы супольнікі мае ў ласцы.

КАЛАСЯНАЎ 4:18

Прывітанне маёю рукой, Паўлавай. Памятайце пра кайданы мае. Ласка з вамі. Амін.

КАЛАСЯНАЎ 4:3

молячыся поруч і за нас, каб Бог адчыніў нам дзверы слова, каб выказаць таямніцу Хрыстову, дзеля якой я стаўся вязнем,

1 ФЕСАЛОНІКІЙЦАЎ 1:8

Бо ад вас разышлося слова Божае не толькі ў Мацэдоніі і Ахаі, але ва ўсякае месца дайшла вера ваша ў Бога, так што нам няма патрэбы гаварыць пра гэта.

2 ФЕСАЛОНІКІЙЦАЎ 3:1

Нарэшце, браты, маліцеся за нас, каб слова Госпада пашыралася і выслаўлялася, як і ў вас,

2 ЦІМАФЕЯ 1:12

З гэтай прычыны пераношу цярпенні, але не саромеюся, бо ведаю, Каму паверыў, і маю пэўнасць, што Ён мае моц захаваць уклад мой на той дзень.

2 ЦІМАФЕЯ 1:16

Хай дасць міласэрнасць Госпад дому Анэсіфора, бо часта ён мяне падмацоўваў і не саромеўся кайданоў маіх,

2 ЦІМАФЕЯ 1:8

Дык не саромейся тады сведчання Госпада нашага, ані мяне, вязня Яго, але працуй дзеля Евангелля моцы Бога,

2 ЦІМАФЕЯ 2:3

Ты ж перанось цяжкасці як добры жаўнер Хрыста Ісуса.

2 ЦІМАФЕЯ 4:17

Госпад жа з’явіўся перада мною і ўмацаваў мяне, каб прапаведаванне праз мяне працягвалася і каб яго пачулі ўсе народы; і я пазбегнуў ільвінае пашчы.

1 ПЯТРА 2:12

Паводзіны вашы сярод паганаў хай будуць добрыя, каб тыя, што ставяцца да вас як да злачынцаў, бачачы вашы добрыя ўчынкі, славілі Бога ў дзень адведзінаў.

1 ПЯТРА 2:14

ці то намеснікам, што праз яго пасланы дзеля пакарання злачынцаў або дзеля пахвалы тых, што дабро робяць,

1 ПЯТРА 3:16

але са спагаднасцю і страхам мейце добрае сумленне, каб тым, чым вас прыніжаюць, як злачынцаў, былі зганьбаваны тыя, што ачарняюць вашы добрыя паводзіны ў Хрысце.

1 ПЯТРА 4:15

Хай толькі ніхто з вас не церпіць як забойца, або злодзей, або ліхадзей, або той, хто квапіцца на чужое.