1 ЦАРСТВАЎ 2:1 - Біблія (пераклад В. Сёмухі)

І малілася Ганна і казала: зарадавалася сэрца маё ў Госпадзе; узьнёсься рог мой у Богу маім; шырока адкрыліся вусны мае на ворагаў маіх, бо я радуюся за ратаваньне Тваё.

Біблія (пераклад А.Бокуна)

І Ганна малілася, і казала: “Радуецца сэрца маё ў ГОСПАДЗЕ, узьняўся рог мой у Богу маім. Адкрыліся вусны мае супраць ворагаў маіх, бо радуюся я ў збаўленьні Тваім.

Кнігі Святога Пісання - Біблія - Біблія — пераклад Чарняўскага (выданне 2017 года)

І Ганна малілася і казала: «Радуецца сэрца маё ў Госпадзе, узняўся рог мой у Богу маім; адкрыліся вусны мае супраць ворагаў маіх, бо ўзвесялілася я ў збаўленні Тваім.

1 ЦАРСТВАЎ 2:1 Крыжаваныя спасылкі

2 ЛЕТАПІСАЎ 20:27

І пайшлі назад усе Юдэі і Ерусалімляне і Ёсафат на чале іх, каб вярнуцца ў Ерусалім зь весялосьцю, бо даў ім Гасподзь перамогу над ворагамі іхнімі.

НЭЭМІІ 11:17

і Матанія, сын Міхі, сын Заўдыя, сын Асафа, галоўны пачынальнік славаслоўя пры малітве, і Бакбукія, другі пасьля яго, і Аўда, сын Шамуя, сын Галала, сын Ідытуна.

ЁВА 16:15

Вярэту пашыў я на скуру маю і ў пыл паклаў галаву маю.

ПСАЛТЫР 118:14

На шляху Тваіх сьведчаньняў я радуюся, як у кожным багацьці.

ПСАЛТЫР 13:5

Там страхам яны апантаюцца; бо Бог сярод роду праведнікаў.

ПСАЛТЫР 148:14

Ён падняў рог народу Свайго, славу ўсіх сьвятых Сваіх, сыноў Ізраілевых, народу, блізкага Яму. Алілуя.

ПСАЛТЫР 18:2

Нябёсы прапаведуюць славу Божую, і пра дзею рук Ягоных абвяшчае цьвердзь.

ПСАЛТЫР 20:5

Ён прасіў у Цябе жыцьця; Ты даў яму даўгалецьце на векі вечныя.

ПСАЛТЫР 21:2

Божа мой! Божа мой! нашто Ты пакінуў мяне? Далёкія словы крыку майго ад ратунку майго.

ПСАЛТЫР 35:9

наядаюцца сытасьцю дома Твайго, і з плыні слодычаў Тваіх Ты выпойваеш іх,

ПСАЛТЫР 71:8

ён будзе валадарыць ад мора да мора і ад ракі да краёў зямлі;

ПСАЛТЫР 75:10

калі паўстаў Бог на суд, каб выратаваць усіх прыгнечаных на зямлі.

ПСАЛТЫР 89:17

і хай будзе добрая воля Госпада Бога нашага на нас, і ў дзеях рук нашых пасабляй нам, у дзеях рук нашых пасабляй.

ПСАЛТЫР 9:14

Умілажалься зь мяне, Госпадзе; глянь на цярпеньні мае ад ненавісьнікаў маіх, - Ты, Які ўзносіш мяне над брамаю сьмерці,

ВЫХАД 15:1

Тады Майсей і сыны Ізраілевыя засьпявалі Госпаду песьню гэтую і казалі: пяю Госпаду, бо Ён высока ўзьнёсься: каня і верхаўца яго ўкінуў у мора.

ВЫХАД 15:21

І засьпявала Марыям перад імі: сьпявайце Госпаду, бо высока ўзьнёсься Ён, каня і верхаўца ягонага ўкінуў у мора.

АБАКУМА 3:1

Малітва Абакума прарока, на сьпеў.

АБАКУМА 3:18

але і тады я буду радавацца ў Госпадзе і весяліцца ў Богу збавеньня майго.

ЛУКАША 1:69

і паслаў моцнага выратавальніка нам, нашчадка Давіда, слугі Свайго,

РЫМЛЯНАЎ 5:11

і мала таго, але і хвалімся Богам праз Госпада нашага Ісуса Хрыста, празь Якога мы атрымалі цяпер прымірэньне.

ДРУГІ ЗАКОН 33:17

моцнасьць яго як у першароднага цяляці, і рогі ў яго, як рогі ў буйвала; імі пабора ён народы ўсе да краёў зямлі: гэта процьма Яфрэмавая, гэта тысячы Манасііныя.

ПІЛІПЯНАЎ 3:3

бо абразаньне - мы, калі служым Богу духам і хвалімся Хрыстом Ісусам, і не на плоць спадзяёмся;

ПІЛІПЯНАЎ 4:4

Радуйцеся заўсёды ў Госпадзе; і яшчэ кажу: радуйцеся.

ПІЛІПЯНАЎ 4:6

Ня турбуйцеся ні пра што, а заўсёды ў малітве і прашэньні з падзякаваньнем адкрывайце свае жаданьні Богу, -

1 ПЯТРА 1:8

Якога, ня бачыўшы, любіце, і Якога, дагэтуль ня бачачы, але веруючы ў Яго, прымаеце з радасьцю нявымоўнаю і слаўнаю,

АДКРЫЦЦЁ 18:20

Радуйся з гэтага, неба, і сьвятыя апосталы і прарокі, бо ўчыніў Бог суд ваш над ім.

1 ЦАРСТВАЎ 1:6

Суперніца яе моцна засмучала яе, падбіваючы яе да нараканьняў на тое, што Гасподзь замкнуў улоньне яе.

1 ЦАРСТВАЎ 1:7

Так бывала кожны год, калі хадзіла яна ў дом Гасподні: тая засмучала яе, а гэтая плакала і ня ела.