ПСАЛТЫР 75 - Біблія (пераклад В. Сёмухі)

Пс 75

¹ Кіроўцу хору. На струнных. Псальма Асафава. Песьня.

² Вядомы Бог у Юдэі; Ягонае імя вялікае ў Ізраіля.

³ І было ў Саліме селішча Ягонае, і жыў Ён - на Сіёне.

⁴ Ён там паламаў стрэлы лука, шчыт і меч і вайну.

⁵ Ты слаўны, магутнейшы за дзікія горы.

⁶ Моцныя сэрцам здабычаю сталі, заснулі сном сваім, і не знайшлі ўсе мужчыны сілы ў руках сваіх.

⁷ Ад клічу Твайго, Божа Якаваў, задрамалі і калясьніца і конь.

⁸ Ты грозны, і хто ўстоіць прад абліччам Тваім у час гневу Твайго?

⁹ Зь нябёсаў Ты суд абвясьціў: зямля забаялася і замоўкла,

¹⁰ калі паўстаў Бог на суд, каб выратаваць усіх прыгнечаных на зямлі.

¹¹ І гнеў чалавечы абярнуўся на славу Табе, рэшту гневу Ты ўтаймуеш.

¹² Рабеце і давайце зарокі Госпаду, Богу вашаму; усе, хто вакол Яго, хай прынясуць дарункі Страшнаму.

¹³ Ён таймуе дух валадароў, Ён страшны царам зямным.