ЭФЭСЯНАЎ 5:17 - Біблія (пераклад А.Бокуна)

Дзеля гэтага ня будзьце неразумнымі, але пазнавайце, якая ёсьць воля Госпада.

Біблія (пераклад В. Сёмухі)

Дык ня будзьце ж неразважныя, а спазнавайце, што ёсьць воля Божая.

Кнігі Святога Пісання - Біблія - Біблія — пераклад Чарняўскага (выданне 2017 года)

Дзеля таго не будзьце неразважлівымі, але разумейце, што ёсць воля Госпада.

ЭФЭСЯНАЎ 5:17 Крыжаваныя спасылкі

ЁВА 28:28

І сказаў Ён чалавеку: “Страх перад Госпадам — гэта мудрасьць; а пазьбягаць зла — розум”».

ПСАЛТЫР 111:10

Страх перад ГОСПАДАМ — пачатак мудрасьці; добры розум [маюць] усе, што дзейнічаюць [у страху Божым]. Хвала Ягоная трывае вечна.

ПСАЛТЫР 119:27

Дай мне зразумець шлях загадаў Тваіх, і я буду разважаць пра цуды Твае.

ВЫСЛОЎІ 14:8

Мудрасьць разумнага — у разуменьні шляху свайго, а неразумнасьць дурняў — у ашуканстве.

ВЫСЛОЎІ 2:5

тады зразумееш страх перад ГОСПАДАМ і знойдзеш пазнаньне Бога.

ВЫСЛОЎІ 23:23

Купляй праўду і не прадавай мудрасьці, настаўленьня і розуму.

ЕРАМІІ 4:22

Бо неразумны народ Мой, ня ведае Мяне; сыны дурныя і бязглуздыя; мудрыя, каб чыніць зло, але добрага рабіць ня ўмеюць.

ЯНА 7:17

Калі хто хоча выконваць волю Яго, той зразумее адносна вучэньня гэтага, ці ад Бога яно, ці Я ад Сябе гавару.

РЫМЛЯНАЎ 12:2

і не прыпадабняйцеся веку гэтаму, але перамяняйцеся праз абнаўленьне розуму вашага, каб вам выпрабаваць, што ёсьць воля Божая, што добрае, і прыемнае [Богу], і дасканалае.

ЭФЭСЯНАЎ 5:15

Дык глядзіце, хадзіце дакладна, не як бязглуздыя, але як мудрыя,

ДРУГІ ЗАКОН 4:6

Захоўвайце і выконвайце іх, бо ў гэтым мудрасьць вашая і разумнасьць вашая перад вачыма народаў, якія, чуючы пра ўсе пастановы гэтыя, будуць казаць: "Толькі [такі] народ мудры і разумны, [як] народ гэты вялікі!"

КАЛАСЯНАЎ 1:9

Дзеля гэтага і мы з таго дня, як пачулі, не перастаем маліцца за вас і прасіць, каб вы былі напоўненыя пазнаньнем волі Яго ў-ва ўсякай мудрасьці і разуменьні духоўным,

КАЛАСЯНАЎ 4:5

У мудрасьці хадзіце з тымі, што вонкі, выкупляючы час.

1 ФЕСАЛОНІКІЙЦАЎ 5:18

За ўсё дзякуйце, бо такая для вас воля Божая ў Хрысьце Ісусе.

1 ПЯТРА 4:2

каб рэшту часу ў целе жыць не паводле чалавечых пажаданьняў, але паводле волі Божае.