ВЫХАД 22:22 - Біблія (пераклад А.Бокуна)

Ніякай удавы і сіраты ня будзеш прыгнятаць.

Біблія (пераклад В. Сёмухі)

Ні ўдавы, ні сіраты ня ўціскайце;

Кнігі Святога Пісання - Біблія - Біблія — пераклад Чарняўскага (выданне 2017 года)

Удаве і сіраце не рабіце крыўды.

ВЫХАД 22:22 Крыжаваныя спасылкі

ЁВА 31:16

Ці ж адмовіў я ў просьбе ўбогім і ці засмуціў вочы ўдавы?

ЁВА 34:28

Бо дайшоў да Яго крык убогіх, і Ён пачуў стагнаньне прыгнечаных.

ПСАЛТЫР 10:14

Але Ты бачыш, Ты глядзіш на ліхоту і гора, каб даць [аднагароду] рукою Тваёй. Табе пакідае [свой лёс] нешчасьлівы; Ты быў дапамогай сіраце.

ПСАЛТЫР 34:7

Убогі клікаў, і ГОСПАД пачуў [яго], і збавіў яго ад усіх трывогаў ягоных.

ВЫСЛОЎІ 22:23

бо ГОСПАД будзе бараніць у справе іхняй і адбярэ душу ў тых, якія іх абіраюць.

ВЫСЛОЎІ 23:10

Не перасоўвай мяжы старадаўняй і на поле сіротаў не ўваходзь,

ВЫСЛОЎІ 23:11

бо дужы Абаронца іхні, і Ён будзе бараніць іх у судовай справе іхняй з табою.

ІСАІ 1:17

Навучыцеся рабіць дабро, рупцеся пра суд, дапамагайце пакрыўджанаму, абараняйце сіротаў, заступайцеся за ўдоваў!

ІСАІ 1:23

Князі твае — бунтаўнікі і супольнікі злодзеяў; яны ўсе любяць падарункі і гоняцца за хабарамі, а не спагада­юць сіраце, і справа ўдоваў іх не цікавіць.

ІСАІ 10:2

каб адмовіць у правасудзьдзі ўбогім, каб пазбавіць суду прыгнечаных народу Майго, каб удовы сталіся здабычай іхняй, і сіротаў абрабаваць.

ЕРАМІІ 7:6

калі ня будзеце крыўдзіць чужынца, сірату і ўдаву, і ня будзеце праліваць крыві нявіннай на месцы гэтым, і калі ня пойдзеце за іншымі багамі сабе на гора,

ЕРАМІІ 7:7

Я дазволю вам жыць на месцы гэтым, у зямлі, якую Я даў бацькам вашым ад вякоў і на вякі.

ЕЗЭКІІЛЯ 22:7

Бацька і маці зьневажаюцца ў цябе, прыхадню робяць крыўду пасярод цябе, сірата і ўдава прыгнятаныя ў цябе.

ЗАХАРЫІ 7:10

І ўдавы, і сіраты, і прыхадня, і беднага не ўціскайце, і зла ня думайце супраць брата свайго ў сэрцы сваім”.

МАЛАХІІ 3:5

І Я прыйду да вас на суд, і буду хутка сьведчыць супраць чараўнікоў і супраць чужаложнікаў, супраць тых, хто прысягае хлусьліва, і супраць тых, хто ўціскае ў плаце найміта, удаву і сірату, супраць тых, хто адпіхвае прыхадня і не баіцца Мяне, кажа ГОСПАД Магуцьцяў.

МАЦЬВЕЯ 23:14

Гора вам, кніжнікі і фарысэі, крывадушнікі, што аб’ядаеце дамы ўдоваў і дзеля віду доўга моліцеся; за гэта атрымаеце цяжэйшы прысуд.

ДРУГІ ЗАКОН 10:18

Ён дае суд сіраце і ўдаве, і любіць прыхадня, даючы яму хлеб і адзеньне.

ДРУГІ ЗАКОН 15:9

Сьцеражыся, каб не было ў сэрцы тваім слова нягоднага, кажучы: “Блізка сёмы год, год дараваньня даўгоў”, і ліхім вокам ты паглядзіш на ўбогага брата твайго, і не дасі яму [дапамогі], і ён будзе клікаць ГОСПАДА супраць цябе, і ты абцяжарышся грэхам.

ДРУГІ ЗАКОН 24:17

Не судзі крывадушна прыхадня і сіраты; і ад удавы не бяры адзеньня ў заклад.

ДРУГІ ЗАКОН 24:18

Памятай, што ты быў нявольнікам у Эгіпце і выбавіў цябе адтуль ГОСПАД, Бог твой; дзеля таго і я табе загадваю рабіць гэта.

ДРУГІ ЗАКОН 27:19

“Пракляты той, хто перакручвае суд прыхадню, сіраце і ўдаве”. І ўвесь народ скажа: “Амэн”.

ЯКАВА 1:27

Чыстая і беззаганная пабожнасьць перад Богам і Айцом ёсьць у тым, каб адведваць сіротаў і ўдоваў у горы іхнім і захоўваць сябе неапаганеным ад сьвету.