ПСАЛТЫР 106:1 - Кнігі Святога Пісання - Біблія - Біблія — пераклад Чарняўскага (выданне 2017 года)

Алілуя. Вызнавайце Госпада, бо Ён добры, бо навек міласэрнасць Яго.

Біблія (пераклад А.Бокуна)

Альлелюя! Хвалеце ГОСПАДА, бо Ён добры, бо міласэрнасьць Ягоная на вякі.

Біблія (пераклад В. Сёмухі)

Алілуя. Слаўце Госпада, бо Ён добры, бо навечна літасьць Ягоная!

ПСАЛТЫР 106:1 Крыжаваныя спасылкі

1 ЛЕТАПІСАЎ 16:34

Слаўце Госпада, бо Ён добры, бо вечная Яго міласэрнасць.

1 ЛЕТАПІСАЎ 16:41

І з імі былі Геман і Ідытун і астатнія выбраныя, па імю вызначаныя, каб дзякавалі Госпаду: «Бо навек міласэрнасць Яго».

ЭЗДРЫ 3:11

І заспявалі гімны і падзякі Госпаду: «Бо добры Ён, бо вечная міласэрнасць Яго для Ізраэля». Таксама ўвесь народ голасна ўсклікаў, славячы Госпада дзеля закладкі падмуркаў святыні Госпадавай.

ПСАЛТЫР 103:17

А міласэрнасць жа Госпадава спрадвеку па век над тымі, што шануюць Яго, а справядлівасць Яго — для сыноў сынавых.

ПСАЛТЫР 105:1

Вызнавайце Госпада і прызывайце імя Яго, абвяшчайце між народамі пра справы Яго.

ПСАЛТЫР 105:45

каб захоўвалі прыказанні Яго і законы Яго выконвалі. Алілуя.

ПСАЛТЫР 107:1

Алілуя. Вызнавайце Госпада, бо Ён добры, бо на векі міласэрнасць Яго.

ПСАЛТЫР 118:1

Алілуя. Вызнавайце Госпада, бо Ён добры, бо вечная міласэрнасць Яго.

ПСАЛТЫР 119:68

Добры Ты і дабрачынны, навучы мяне пастановам Тваім.

ПСАЛТЫР 135:3

Хваліце Госпада, бо Госпад добры; спявайце псальмы імю Яго, бо яно мілае.

ПСАЛТЫР 136:1

Алілуя. Вызнавайце Госпада, бо Ён добры, бо Яго міласэрнасць вечная.

ЕРАМІІ 33:11

голас радасці і голас весялосці, голас жаніха і голас нявесты, голас тых, што кажуць, складаючы ахвяры падзякі ў доме Госпада: “Хваліце Госпада Магуццяў, бо добры Госпад, бо на векі міласэрнасць Яго!”, бо Я вярну, як раней, долю гэтае зямлі”, — кажа Госпад.

МАЦЬВЕЯ 19:17

Ісус сказаў яму: «Што Мяне завеш добрым? Ніхто не добры, як толькі адзін Бог. А калі хочаш увайсці ў жыццё, спаўняй прыказанні».

1 ФЕСАЛОНІКІЙЦАЎ 5:18

за ўсё дзякуйце; бо такая ёсць воля Божая ў Ісусе Хрысце для вас.