ПСАЛТЫР 136:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Алілуя. Вызнавайце Госпада, бо Ён добры, бо Яго міласэрнасць вечная.

Біблія (пераклад А.Бокуна)

¹ Слаўце ГОСПАДА, бо Ён добры, бо на вякі міласэрнасьць Яго!

Біблія (пераклад В. Сёмухі)

¹ Давідава. Над рэкамі Вавілона, там сядзелі і плакалі мы, калі згадвалі пра Сіён.

ПСАЛТЫР 136:1 Крыжаваныя спасылкі

1 ЛЕТАПІСАЎ 16:34

Слаўце Госпада, бо Ён добры, бо вечная Яго міласэрнасць.

1 ЛЕТАПІСАЎ 16:41

І з імі былі Геман і Ідытун і астатнія выбраныя, па імю вызначаныя, каб дзякавалі Госпаду: «Бо навек міласэрнасць Яго».

2 ЛЕТАПІСАЎ 20:21

І зрабіў нараду з народам, і паставіў спевакоў Госпада, каб у святочных шатах славілі Яго і каб ішлі наперадзе войска ды гучным голасам спявалі: «Слаўце Госпада, бо міласэрнасць Яго вечная».

2 ЛЕТАПІСАЎ 7:3

Прытым усе сыны Ізраэля бачылі агонь, які сыходзіў, і славу Госпадаву над святыняй, ды, упаўшы ніц на зямлю, на падлогу, высланую каменем, пакланіліся і славілі Госпада: «Бо Ён добры, бо вечная міласэрнасць Яго».

2 ЛЕТАПІСАЎ 7:6

Святары ж спаўнялі свае абавязкі, і левіты з музычнымі інструментамі, якія справіў Давід цар для славы Госпада: «Бо вечная ёсць міласэрнасць Яго», — спявалі яны гімны Давіда, і Давід славіў Яго праз іх. Затым святары перад імі трубілі ў трубы, і ўвесь Ізраэль стаяў.

ЭЗДРЫ 3:11

І заспявалі гімны і падзякі Госпаду: «Бо добры Ён, бо вечная міласэрнасць Яго для Ізраэля». Таксама ўвесь народ голасна ўсклікаў, славячы Госпада дзеля закладкі падмуркаў святыні Госпадавай.

ПСАЛТЫР 100:5

Бо добры Госпад; міласэрнасць Яго — навечна, і праўда Яго — з пакалення ў пакаленне.

ПСАЛТЫР 103:17

А міласэрнасць жа Госпадава спрадвеку па век над тымі, што шануюць Яго, а справядлівасць Яго — для сыноў сынавых.

ПСАЛТЫР 105:1

Вызнавайце Госпада і прызывайце імя Яго, абвяшчайце між народамі пра справы Яго.

ПСАЛТЫР 106:1

Алілуя. Вызнавайце Госпада, бо Ён добры, бо навек міласэрнасць Яго.

ПСАЛТЫР 107:1

Алілуя. Вызнавайце Госпада, бо Ён добры, бо на векі міласэрнасць Яго.

ПСАЛТЫР 118:1

Алілуя. Вызнавайце Госпада, бо Ён добры, бо вечная міласэрнасць Яго.

ПСАЛТЫР 119:68

Добры Ты і дабрачынны, навучы мяне пастановам Тваім.

ЕРАМІІ 33:11

голас радасці і голас весялосці, голас жаніха і голас нявесты, голас тых, што кажуць, складаючы ахвяры падзякі ў доме Госпада: “Хваліце Госпада Магуццяў, бо добры Госпад, бо на векі міласэрнасць Яго!”, бо Я вярну, як раней, долю гэтае зямлі”, — кажа Госпад.

ЛУКАША 1:50

і міласэрнасць Яго з пакалення ў пакаленне тым, што баяцца Яго.

ЮДЫ 1:21

у любові Божай захоўвайце саміх сябе, чакаючы міласэрнасці Госпада нашага Ісуса Хрыста на жыццё вечнае.