ДЗЕІ 2:47 - Кнігі Святога Пісання - Біблія - Біблія — пераклад Чарняўскага (выданне 2017 года)

славячы Бога і маючы ласку ва ўсяго народа. Госпад жа штодзень дадаваў да царквы збаўляемых.

Біблія (пераклад А.Бокуна)

хвалячы Бога і маючы ласку ва ўсяго народу. А Госпад штодня дадаваў да царквы тых, што былі збаўленыя.

Біблія (пераклад В. Сёмухі)

праслаўляючы Бога і маючы любоў усяго народу. А Гасподзь штодня дадаваў царкве тых, хто ратаваўся.

ДЗЕІ 2:47 Крыжаваныя спасылкі

ЛУКАША 19:48

але не знаходзілі, што зрабіць, бо ўвесь народ быў у захапленні, слухаючы Яго.

ЛУКАША 2:52

А Ісус сталеў мудрасцю, і гадамі, і ласкаю ў Бога і ў людзей.

ДЗЕІ 11:21

І рука Госпада была з імі, і вялікая колькасць веруючых навярнуліся да Госпада.

ДЗЕІ 11:24

А быў ён чалавек добры і поўны Духа Святога ды веры. І вялікая колькасць прыхінулася да Госпада.

ДЗЕІ 13:48

Пагане ж, чуючы гэта, цешыліся ды славілі слова Госпадава, і ўсе, прызначаныя да жыцця вечнага, уверылі.

ДЗЕІ 14:1

І сталася ў Іконіі, што падобным чынам увайшлі яны ў юдэйскую сінагогу і прамаўлялі так, што вялікае мноства юдэяў і грэкаў уверыла.

ДЗЕІ 14:21

І ў гэтым горадзе прапаведавалі Евангелле, і навучалі многіх, а пасля вярнуліся ў Лістру, Іконію ды Антыёхію,

ДЗЕІ 16:5

І цэрквы ўмацоўваліся вераю, і штодзень раслі лікам.

ДЗЕІ 17:12

І многа з іх уверыла, а таксама нямала высакародных жанчын грэцкіх ды мужчын.

ДЗЕІ 2:39

бо вам належыць абяцанае і сынам вашым, ды ўсім тым, хто далёка, каго б ні паклікаў Госпад, Бог наш».

ДЗЕІ 2:41

Дык тыя, што прыхільна прынялі яго словы, былі ахрышчаны; і ў той дзень было далучана каля трох тысяч душ.

ДЗЕІ 4:21

Дык яны, аднаўляючы пагрозы і не знаходзячы, за што караць, выпусцілі іх дзеля народа, бо ўсе славілі Бога з прычыны таго, што сталася.

ДЗЕІ 4:33

І Апосталы з вялікай сілай сведчылі пра ўваскрэсенне Госпада Ісуса, і ласка вялікая была на ўсіх іх.

ДЗЕІ 4:4

А многія з тых, што слухалі слова, уверылі; і было іх лікам каля пяці тысяч мужоў.

ДЗЕІ 6:1

У тыя дні, калі колькасць вучняў узрастала, пачалі геленісты наракаць на гебраяў, што ў штодзённым абслугоўванні іх удовы былі крыўджаны.

ДЗЕІ 6:7

І слова Божае расло, і павялічвалася вельмі лічба вучняў у Ерузаліме; нават вялікая колькасць святароў схілілася да веры.

ДЗЕІ 9:31

Тым часам царква мела супакой ва ўсёй Юдэі, Галілеі і Самарыі, будавалася і хадзіла ў страху Госпадавым і ў пацяшэнні ад Духа Святога ўзрастала.

ДЗЕІ 9:35

І бачылі яго ўсе тыя, што насялялі Ліду і Сарон, і навярнуліся да Госпада.

РЫМЛЯНАЎ 14:18

Бо хто гэтым служыць Хрысту, той падабаецца Богу і даспадобы людзям.

РЫМЛЯНАЎ 8:30

Тых жа, якіх прызначыў, тых і паклікаў, а якіх паклікаў, тых і апраўдаў, а якіх апраўдаў, тых і ўславіў.

РЫМЛЯНАЎ 9:27

А Ісая ўсклікае пра Ізраэля: «Хоць бы колькасць сыноў Ізраэля была як пясок марскі, толькі рэшта будзе збаўлена.

1 КАРЫНФЯНАЎ 1:18

Бо слова крыжа для тых, што ідуць у пагібель, ёсць вар’яцтва, а тым, што ідуць у збаўленне, – сіла Божая.