РЫМЛЯНАЎ 14:18 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Бо хто гэтым служыць Хрысту, той падабаецца Богу і даспадобы людзям.

Біблія (пераклад А.Бокуна)

¹⁸ Бо хто ў гэтым служыць Хрысту, той даспадобы Богу і варты між людзьмі.

Біблія (пераклад В. Сёмухі)

¹⁸ Хто гэтым служыць Хрысту, той богаспадобны і варты ўхвалы людзкое.

РЫМЛЯНАЎ 14:18 Крыжаваныя спасылкі

2 КАРЫНФЯНАЎ 8:21

Бо мы дбаем аб добрым не толькі перад Госпадам, але і перад людзьмі.

1 ПЯТРА 2:20

Бо што гэта за слава, калі вас за грахі б’юць па твары? Але калі церпіце, робячы дабро, дык гэта ласка ў Бога.

1 ПЯТРА 2:5

і вы самі, як жывыя камяні, будуйцеся ў дом духоўны, у святарства святое, каб складаць духоўныя ахвяры, мілыя Богу праз Ісуса Хрыста.

2 КАРЫНФЯНАЎ 5:11

Дык, ведаючы страх Госпадаў, мы пераконваем людзей, а перад Богам мы адкрытыя. Спадзяюся, што і для сумленняў вашых мы адкрытыя.

1 ПЯТРА 3:16

але са спагаднасцю і страхам мейце добрае сумленне, каб тым, чым вас прыніжаюць, як злачынцаў, былі зганьбаваны тыя, што ачарняюць вашы добрыя паводзіны ў Хрысце.

1 ЦІМАФЕЯ 5:4

Калі ж якая ўдава мае дзяцей або ўнукаў, дык няхай перш навучыцца кіраваць пабожна домам сваім ды няхай умее аддаць належнае бацькам, бо гэта добра і ўгодна Богу.

1 ЦІМАФЕЯ 2:3

Бо гэта добра і міла Збаўцу нашаму Богу,

КАЛАСЯНАЎ 3:24

ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.

ПІЛІПЯНАЎ 4:18

Я ўсё атрымаў і хапае мне ўсяго; я напоўніўся, атрымаўшы ад Эпафрадыта салодкі водар, які вы даслалі, ахвяру прыемную, мілую Богу.

2 КАРЫНФЯНАЎ 6:4

але ва ўсім мы яўляем сябе паслугачамі Бога: у вялікай цярплівасці, у горы, у нястачы, ва ўцісках,

2 КАРЫНФЯНАЎ 4:2

але мы стрымліваемся ад скрытых учынкаў сораму, не кідаемся ў хітрыкі ды не фальшуем слова Божага, але адкрытым вяшчэннем праўды прадстаўляем сябе перад Богам сумленню кожнага чалавека.

1 КАРЫНФЯНАЎ 7:22

Бо, хто пакліканы ў Госпадзе як нявольнік, ёсць вызваленцам Госпадавым. Падобна і той, хто пакліканы як вольны, той нявольнік Хрыстоў!

РЫМЛЯНАЎ 16:18

Такія людзі не служаць Госпаду нашаму Ісусу Хрысту, але жывату свайму, і салодкімі словамі і красамоўствам зводзяць сэрцы нявінных.

РЫМЛЯНАЎ 14:4

Хто ты такі, што судзіш чужога паслугача? Перад Сваім Валадаром ён стаіць ці падае; і будзе стаяць, бо яго Бог мае моц паставіць яго.

РЫМЛЯНАЎ 12:11

у рупнасці не слабейце, духам палаючы, Госпаду служачы,

РЫМЛЯНАЎ 6:22

Цяпер жа, вызваленыя ад граху ды ўчыненыя паслугачамі Бога, маеце плод ваш на асвячэнне, а канец – жыццё вечнае!

ДЗЕІ 10:35

але ў кожным народзе мілы яму той, хто баіцца Яго і служыць справядлівасці.

ЯНА 12:26

Хто б хацеў Мне служыць, хай ідзе за Мною, і дзе Я, там будзе і паслугач Мой; калі хто Мне служыць, шануе яго Айцец.

МАРКА 13:34

Будзе, як з чалавекам, які выехаў у дарогу і пакінуў свой дом, і даў уладу сваім паслугачам, кожнаму свой абавязак, а прыдзвернаму, каб той чуваў.

ЭКЛЕЗІЯСТА 9:7

Дык ідзі і ў радасці еж хлеб свой і пі з весялосцю віно сваё; бо ўжо даўно спадабаліся Богу ўчынкі твае.

БЫЦЦЁ 4:7

Хіба, калі ты робіш добра, не падымеш твару? А калі блага, грэх будзе цікаваць у дзвярах, і да яго будзе пажада твая, а ты павінен панаваць над ім».

2 КАРЫНФЯНАЎ 5:9

І таму імкнемся, ці пасяляючыся, ці высяляючыся, падабацца Яму.

ПІЛІПЯНАЎ 4:8

Урэшце, браты, што толькі ёсць праўдзівае, што толькі сумленнае, што толькі справядлівае, што толькі чыстае, што толькі любае, што толькі добрай славы, ці якая цнота, ці што пахвальнае, – тое майце на думцы.

1 ПЯТРА 2:12

Паводзіны вашы сярод паганаў хай будуць добрыя, каб тыя, што ставяцца да вас як да злачынцаў, бачачы вашы добрыя ўчынкі, славілі Бога ў дзень адведзінаў.