АБАКУМА 3:19 - Кнігі Святога Пісання - Біблія - Біблія — пераклад Чарняўскага (выданне 2017 года)

Госпад Бог — сіла мая, і зробіць ногі мае, як у аленя, ды ўзвядзе мяне на вышыні мае». Кіраўніку хора — на гук струнаў.

Біблія (пераклад А.Бокуна)

ГОСПАД, Госпад — сіла мая, і Ён зробіць ногі мае як у аленя, і на вышыні мае ўзьвядзе мяне. Кіраўніку хору: на струнных інструмэнтах.

Біблія (пераклад В. Сёмухі)

Гасподзь Бог - сіла мая: Ён зробіць ногі мае як у аленя і на вышыні мае ўзьвядзе мяне! (Начальніку хору).

АБАКУМА 3:19 Крыжаваныя спасылкі

2 ЦАРСТВАЎ 2:18

А былі там тры сыны Сэруі: Ёаб, Абісай і Асаэль. А Асаэль быў вельмі хуткім скараходам, як сарна ў полі.

2 ЦАРСТВАЎ 22:34

зрабіўшы ногі мае такімі, як у аленя, і на вышыні падняўшы мяне;

ПСАЛТЫР 18:1

Кіраўніку хору. Давіда, слугі Госпада, які прамовіў Госпаду словы гэтай песні, калі Госпад яго вызваліў ад моцы ўсіх ворагаў яго

ПСАЛТЫР 18:32

Бо хто ёсць Бог, апрача Госпада? Або якая крэпасць, апрача Бога нашага?

ПСАЛТЫР 18:33

Бог, Які падперазаў мяне мужнасцю і ўладкаваў беззаганным шлях мой;

ПСАЛТЫР 18:34

Які зрабіў ногі мае, як у аленя, і на вышыні паставіў мяне.

ПСАЛТЫР 27:1

Давідаў. Госпад — светач мой і збаўленне маё — каго я буду баяцца? Госпад — абарона жыцця майго, перад кім я буду трымцець?

ПСАЛТЫР 46:1

Кіраўніку хору. Сыноў Корэ. Паводле «Аламот…» Песня.

ПСАЛТЫР 54:1

Кіраўніку хору. На струнах. Маскіль. Давідаў.

ПЕСЬНЯ 2:7

«Заклінаю вас, дочкі Ерузаліма, сарнамі і палявымі ланямі: не будзіце і не падымайце ад сну ўлюбёнай, аж пакуль сама не захоча».

ІСАІ 12:2

Вось жа, Бог збаўлення майго! Буду мець давер і не буду баяцца, мужнасць бо мая і хвала мая — Госпад, і стаўся для мяне збаўленнем!»

ІСАІ 45:24

«Толькі ў Госпадзе, — скажуць, — справядлівасць і сіла!» Да Яго прыйдуць, і будуць засаромлены ўсе, якія працівяцца Яму.

ІСАІ 58:14

тады будзеш захапляцца Госпадам, і зраблю так, што ты ўздымешся на вышыні зямныя, і карміць буду цябе спадчынай Якуба, бацькі твайго», — вусны Госпада сказалі гэта.

ЕЗЭКІІЛЯ 36:2

гэта кажа Госпад Бог. За тое, што вораг сказаў пра вас: “Ага, спрадвечныя ўзгорышчы дадзены нам ва ўласнасць”;

ЗАХАРЫІ 10:12

Зраблю іх моцнымі ў Госпадзе, і будуць хадзіць яны ў імя Яго», — кажа Госпад.

ЭФЭСЯНАЎ 3:16

каб даў вам паводле багацця славы Сваёй умацавацца сілай праз Духа Яго ва ўнутраным чалавеку,

ДРУГІ ЗАКОН 32:13

І паставіў яго на высокай зямлі, каб спажываў плады палёў, каб піў мёд са скалы і алей з цвёрдага каменя,

ДРУГІ ЗАКОН 33:29

Шчаслівы ты, Ізраэль, хто ж падобны табе? Народ, зберагаемы Госпадам, Ён — шчыт абароны тваёй і меч славы тваёй. Ворагі твае скараюцца перад табой, і ты будзеш таптаць іх каркі.

ПІЛІПЯНАЎ 4:13

Усё магу ў Хрысце, Які ўзмацняе мяне.

КАЛАСЯНАЎ 1:11

дужэючы ўсякай сілаю паводле магутнасці славы Яго ва ўсякай цярплівасці і велікадушнасці, з радасцю,