АБАКУМА 3:10 - Кнігі Святога Пісання - Біблія - Біблія — пераклад Чарняўскага (выданне 2017 года)

убачылі Цябе і затрэсліся горы. Хмары вылілі воды, бяздонне выдала голас свой, увысь падняла рукі свае.

Біблія (пераклад А.Бокуна)

Убачыўшы Цябе, горы затрэсьліся; паводка рынула, бяздоньне дало голас свой, высока падняўшы рукі свае.

Біблія (пераклад В. Сёмухі)

Убачыўшы Цябе, затрымцелі горы, лінулі воды; бездань дала голас свой, высока ўзьняла рукі свае;

АБАКУМА 3:10 Крыжаваныя спасылкі

НЭЭМІІ 9:11

І Ты раздзяліў мора перад імі, і перайшлі яны сярэдзінай мора, па сухому; а тых, хто гнаўся за імі, укінуў Ты ў глыбіні мора, як камень у бурлівыя воды.

ПСАЛТЫР 104:32

Ён зірне на зямлю і яна дрыжыць, Ён дакранецца да гор — і яны дымяць.

ПСАЛТЫР 148:7

Хваліце Госпада з зямлі, марскія драконы і ўсе бяздонні,

ПСАЛТЫР 18:15

І пусціў Ён стрэлы Свае і рассыпаў іх, насыпаў маланак і ўстрывожыў іх.

ПСАЛТЫР 65:13

Будуць струменіцца пустынныя выганы, і ўзгоркі апяражуцца радасцю.

ПСАЛТЫР 66:6

Пераўтварыў Ён мора ў сушу, і па рацэ перайдуць пехатою; там узвесялімся мы ў Ім.

ПСАЛТЫР 93:3

Уздымаюцца рэкі, Госпадзе, уверх, падымаюць рэкі голас свой, падымаюцца рэкі з шумам уверх.

ІСАІ 43:20

Будуць славіць Мяне палявы звер, драконы і страусы, бо вывеў Я на пустыні воды, а рэкі на бездарожжы, каб даць пітво народу Майму, выбранаму Майму.

ІСАІ 55:12

Бо з радасцю выйдзеце і ў супакоі вас выведуць; горы і ўзгоркі перад вамі спяваць будуць песні, а ўсе дрэвы навакольныя пляскаць будуць у далоні.

ЕРАМІІ 4:24

Зірнуў на горы, — і вось, яны трэсліся, ды ўсе ўзгоркі захісталіся.

МІХЕЯ 1:4

растаюць пад Ім горы і распадуцца лагчыны, як воск ад агню, як воды, што сцякаюць імкліва.

НАВУМА 1:5

Дрыжаць горы перад Ім, і ўзгоркі трывожацца; і зямля трасецца перад абліччам Яго, і сусвет ды ўсе, пражываючыя ў ім.

АБАКУМА 3:6

Ён стаў — і дрыжыць зямля, глянуў — і палохае народы. І распадаюцца горы векавыя, старадаўнія ўзгоркі ападаюць ад шляхоў Яго спрадвечных.

МАЦЬВЕЯ 27:51

І вось заслона ў святыні разарвалася на дзве часткі зверху ўніз, і зямля здрыганулася, і каменне раскалолася,

МАЦЬВЕЯ 8:24

і вось узнялася вялікая бура на моры, так што лодка захліствалася хвалямі, а Ён спаў.

ГАБРЭЯЎ 11:29

Праз веру перайшлі яны Чырвонае мора, як быццам па сухой зямлі; калі ж спрабавалі гэта зрабіць егіпцяне, былі патоплены.

ІСУСА 4:18

І, калі яны выйшлі, несучы каўчэг запавету Госпада, і пачалі ісці па сухой зямлі, вярнуліся воды ў рэчышча сваё і цяклі, як раней, ва ўсіх сваіх берагах.

АДКРЫЦЦЁ 16:12

І шосты анёл выліў чару сваю на раку вялікую, што завецца Еўфрат; і высахла яе вада, каб гэтым была падрыхтавана дарога царам з усходу.

АДКРЫЦЦЁ 20:11

І ўбачыў я пасад вялікі белы і Таго, Які сядзеў на ім, перад абліччам Якога ўцяклі зямля і неба, і не знайшлося ім месца.

АДКРЫЦЦЁ 6:14

і неба знікла, як быццам звілося ў скрутак, і кожная гара і астравы зрушыліся са сваіх месцаў.