Kasta
64 Jerusalén markat parlir Biblian jiskʼa tʼaqanakapa
Jumanakax Diosan wawanakapäpxtanwa. Jerusalén markax wali askipuniwa Jesusan luratanakapatakix. Machaq Testamenton qillqatax kamsisa, Jerusalén markaruw Jesusax wawachkasax irpasxapxäna, Templon uñachtʼayañataki.
Ukatwa Diosarux mayisiñasa, aka bendisita markapataki, arupax kamsisa: “Jerusalén markan suma jakasiñapataki mayipxam; suma jakasipxaniwa munasipki ukanakax” (Salmos 122:6). Wali wakiskirïñapawa Diosan markapax Jerusalén markapataki mayisiñax, Jesusar mayipxatas mayampi katoqapxañapataki uka markaruxa, munañapsa phoqasipxañapataki chika.
Diosar kuttʼanipxañapatakiw chuymanakas jikxatapxaspa, taqiniw Cristox Tatitupätap arsuñapataki, Jesusax payachata jumanakatakix jiwañampi suma jakasiñ churipxatayna uk amuytʼasipxaspa, chakatampi qʼalpachasiñ katoqapxaspa. Jerusalén markar Diosan munasiñapasti jumanakan chuymanakamarux phutʼintaspa, aka markapataki mayisiñatak alaxpach mayisipxta ukhaxa.
Sión, jumar munatajj laycojj janiw amuct'cäti, Jerusalén, jumar munatajj laycusti janiw samarcaraquïti, atipjañamajj khantati khanar uñtata c'ajañapcama, khespiyasiñamasti mä ninar uñtata khanañapcama.
“¡Jerusalén, Jerusalén, jumawa profetanacarojj jiwaytajja, Diosan qhitanitanacaparusti kalampiraquiw c'upjaractajja! ¡Nayasti kawkha cutiraquiw jumanacarojj tantacht'añ munapjjäyäsmajja cunjämtï mä wallpajj jisc'a chhiwchhinacaparojj jawsthapqui uqhama, ucampis janiw munapctati!
¡Tatitojj jach'a ch'amaniwa! Diosasajj jach'añchatäñataquejj asquiwa, kollan marcapansa, kollan kollupansa. Diosay, takpach oraken sutimajj jach'añchatawa, aytat cancañamajj orak tucuscamaw puri; ch'amamajj asqui cancañamp phokt'atawa. ¡Sión kollojj cusispan! Chekap arsutanacamampejj Judá orakenquir marcanacajj cusisipjjpan. Sión koll muytapjjpan, torrenacap jact'apjjpan, perkanacap amuyapjjpan, suma utanacap uñaquipapjjpan: jutir mita jakenacar yatiyañataqui: “Acapï Tatit Diosasajja” sasa. Jupaw wiñay irpirisajja. Kollan kollun amstapajj muncayawa, take acapachan cusisiñapawa: Sión kollojj alajjpachan thiyapawa, jach'a ch'aman reyin marcapawa.
Jerusalén, perkanacamarusti uñjirinac uchta, jupanacasti uruy arumaw sapjjaraqui: “Tatitur arnakasirinacajj jan amuct'apjjamti, jan samarayapjjaraquimsa, Jerusalenar wasitat sayt'ayañapcama, take acapacha jakenacan yupaychañapcama.”
¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.
“Nayajj Jerusalenarojj mä vino copa tucuyäjja, ucaw machjayanejja take jac'anquiri marcanacarojja. Cunapachatejj jupanacajj Jerusalenaru catuntañataqui muyuntapjjani ucapacha, Judá nacionan marcanacaparus catuntañataquïpjjani ucapacha. Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.
Ucatsti nayajj sistwa: —Jumanacajj asquiwa yatipjjtajja jiwasanacana jan walt'añana jicjjatasipjjatasjja, Jerusalenasti sinti tucjatawa, uqhamarac puncunacapasa. Jumanacasti nayampi chicajja mayacht'asipjjam Jerusalenan perkanacapa wastata sayt'ayañataqui, jan jiwasata larusipjjañapataqui —sasa.
“Naya Tatituw ucjja arsta: Ucäsquiwa Jerusalén marcajja. Nayaw take marcanaca, uqhamaraqui jach'a marcanac taypiru uscta.
Uca pasatatsti, Jerusalenampi nuwasipcän uca marcanacat jilt'iri jakenacasti sapa maraw take ch'amani Tatitu Reyiru yupaychiri sarapjjani Chhujlla fiestanac lurañataqui.
ucampis nayajj Jerusalén marcaruw ajllista nayan sutejjajj ucancañapataqui, uqhamaraquiw Davidaru ajllisiracta Israel marcajjaru apnakañapataqui’ sasa.
Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti.
Ucampis Salomonarojj jaytäwa mä tribuqui David uywatajjaru qhuyapayasitajj laycu, Jerusalén marca laycuraqui, uca marcsti israelan take tribunacapan marcanacapatwa chhijllasta.
Diosay, ch'amam uñacht'ayaquimaya, nanac laycu lurir qhuyapayir ch'amam uñachayam. Jerusalenanquir utamaruw reyinacajj churäwinac apanipjje, ucawjatpachay jumajj,
Jerusalén marca, jumat armasirisma ucajja, cupi amparajjajj jan aytquir tucpan. Jerusalén marca, janitejj jumat amtascä, janitejj juc'amp jumat cusiscä ucapachajja, lajjrajjajj lacajjar pharcatasin lip'catpan.
Jerusalén marca jac'ar purisinsti, Jesusajj marca uñjasinjja jachänwa, saraquïnwa: —¡Jichhüru urumanacsa suma amuyt'asisma cunatejj jumarojj sumancañ churiristam ucjja! Ucampis jichhajj imantataw ucajja, janiw uñjcasmati. Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam. Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.
Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti. Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja. ¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja! Ucampis janiw mäqui mistunipjjañamäquiti, janiw mäqui jalsunipjjañamäquiti, Israelan Tatit Diosapajja, jumanacarojj imasipcätamwa uca laycu. Sirvirejjajj take cunan atipjani, wali jach'aru aptatäniwa. Cunjämtejj yakhanacajj jupat muspharapcäna k'ala tucjata jan uñnakani, jan jaker uñtasita tucjata uñjasajja, uqhamaraquiw jichhajj muspharasipjjani; reyinacas jupar uñjasajj janiw cuns sapcaniti, cuntejj jupanacajj janipuni ist'apjjerïcatayna ucanac uñjapjjatapa, uqhamarac amuyt'apjjatap laycu. Sartasim Jerusalén, uca lak'anac thalarasim, tronomar kont'asim; Sión catuntata tawako, cuncamat uca yugomjja apakasjjam.
Angelajj ucjjarojj sascaquituwa: “Acsti yatiyaraquim, take ch'amani Tatitojj siwa: ‘Muntwa marcanacajjana wasitat nayrakatar sartañapa; machakatwa Sión kolluru ch'am churäjja, machakataracwa khanañchäjja Jerusalenatjja ajllit marcajjätapjja’ ” sasa.
Cunapachatejj take ch'amani Tatitojj reyjama take cunsa lurcan ucqhajj Sión kollunsa, Jerusalén marcansa, ucapachasti intis phajjsis ch'amact'aniwa, marcapanquir jilïrinacasti Tatitun jach'a cancañapwa uñjapjjaraquini.
Cawquïri marcarutejj nayajj apayapcsma uca marcan asquipataqui irnakapjjaraquim, uca marcataquisti nayat mayipjjaraquita, uca marcan sumancañapatwa jutaraquini jumanacataquejj sumancañajja.
Ucatpï naya Tatitojj sistjja: “Nayaw jupjjarojj sumancañjja mä jawirar uñtata jutayä. Marcanacan kamir cancañanacapasti, mä jach'a jawirjamaraquiw jupjjarojj jutani. Jupaw jumanacarojj mank'ayapjjaraquïtam, amparaparuw ichusipjjätam, konkorinacapjjar kont'ayasaraquiw munart'asipjjätam.
Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”
“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.
Wiñayataqui cusisiñampi c'uchirt'asiñampi phokhantasipjjam, cuntejj nayajj usccä ucanacata, nayasti mä cusiscañ Jerusalén lurt'araquï, ucan jaquir jakenacasti c'uchiquïpjjaraquiniwa. Naya quipcaw Jerusalenatjja cusisëjja, marcajjar uñjasinsti cusisiraquïwa. Ucanjja jachañajj janiw utjcjjaniti, janiraquiw llaquisiñat aykoñas utjcaniti.
Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.
uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.
Uqhamasti jumanac taypina qhitinacatejj Tatitun marcapanquirïpcta ucanacarojja Dios yanappan, ucatsti sarjjaracpan Judá orakenquir Jerusalén marcaru Tatitun templopa luriri, jupasti Israelan Diosapawa, Jerusalén marcanaracwa jacaraqui.
ni acapach laycusa, Diosan cayunacapan tact'äwipawa, ni Jerusalén laycusa, ucasti jach'a Reyin marcapawa.
Yokapataquisti mä tribucwa jaytäjja, David sirvirejjana lamparapajja nayan nayrakatajjana naqhascañapataqui Jerusalenanjja, cawquïr marctejj nayajj ajlliscta sutejjajj ucancañapataqui.
“¡Cusisiñat k'ochupjjam, Jerusalenanquirinaca, nayan jumanac taypin jaquiri jutatajjata!” Tatitun arsüwipawa.
Cunjämatejj mä jamach'ejj tapap pata thokhonakasa jarc'asejja uqhamaraquiw take ch'amani Tatitojj Jerusalenarojj arjjatani; marcarusti imaniwa, arjjataniwa, khespiyaraquiniwa.”
Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”
Qhitinacatejj Sionar kheparapqui ucanacataquisti, kawkhanitï Jerusalenanjja jacasipcani, ucan jacañ catokapjjatapatjja, sutichasiraquiniwa: “Tatitur catuyatanaca” sasa. Cunapachatejj Tatitojj taripäwi arunacap arsuni, ucarjama phokhañataqui. Jerusalenan jiwayasin wila wartatanacapsti, k'omacharaquiniwa. Uqhamaraquiw Sión marcan utjasirinacarus k'omacharaquini.
Marcana jilïrinacapasti Jerusalén marcanwa utt'asipjjäna; ucjjaru jilt'iri jakenacajja suertwa jaktapjjäna tunca familiatjja maya familia Jerusalén kollan marcar jaquir sarañapataqui, uqhamaraqui llätunca familianacasti yakha marcanacana jacapjjañapataquiraqui. Sacerdotenacatsti acanacaraquïnwa: Jedaías, Joiarib ucan wawapänwa, Jaquín, uqhamarac Seraías ucajja, Hilcías ucan wawapänwa, Mesulam ucan wawaparaqui, Sadoc ucan wawaparaqui, Meraiot ucan wawaparaqui, Ahitob ucan wawaparaqui, jupasti Diosan templopana jach'a jilïrïpänwa. Uqhamaraquiw jupamp chica templona irnakapcäna sirviñanacana ucanacasti, quimsakallko pataca pä tunca payanïpjjänwa; uqhamarac Adaías ucasti, Jeroham ucan wawapänwa, Pilalías ucan wawaparaqui, Amsi ucan wawaparaqui, Zacarías ucan wawaparaqui, Pasur ucan wawaparaqui, Malquías ucan wawaparaqui. Familianacan jilïrinacapasti jilanacapänwa, takpachajja pä pataca pusi tunca payanïnwa; uqhamarac Amasai ucasti, Azareel ucan wawapänwa, Azai ucan wawaparaqui, Mesilemot ucan wawaparaqui, Imer ucan wawaparaqui. Jilanacapasti ch'amani chachanacäpjjänwa, jupanacajja pataca pä tunca quimsakallkonïpjjänwa, ucatsti jilïripajj Zabdiel ucaraquïnwa, Gedolim ucan wawapa. Levitanaca toketsti acanacänwa: Semaías ucasti, Hasub ucan wawapänwa, Azricam ucan wawaparaqui, Hasabías ucan wawaparaqui, Buni ucan wawaparaqui; Sabetai uqhamarac Jozabad ucanacasti levitanacan jilïrinacapänwa, jupanacasti Diosan templopata ankäjja lurañanacaru uchatäpjjänwa. Matanías ucasti, Micaía ucan wawapänwa, Zabdi ucan wawaparaqui, Asaf ucan wawaparaqui, jupasti koch'urinacan sarayiripänwa, jupajj yupaychañanaca k'ochuyäna, uqhamarac oración lurañ horasana yuspagarañwa loktayaraquïna; Bacbuquías ucasti jilanacap taypitjja payïrïnwa, uqhamarac Abda ucasti Samúa ucan wawapänwa, Galal ucan wawaparaqui, Jedutún ucan wawaparaqui. Levitanacata Jerusalén kollan marcar takpach kheparirinacasti, pä pataca quimsakallk tunca pusinïpjjänwa. Puncu uñjirinaca toketsti acanacäpjjänwa: Acub, Talmón, uqhamarac jilanacapampi, jupanacasti puncunaca uñch'uquipjjäna, takpachanisti pataca pakallk tunca payanïpjjänwa. Ucatsti jakenacajj bendecipjjänwa qhitinacatejj voluntadapampi Jerusalén marcana jacañataqui amtasipqui ucanacaru.
Tata, nanacajj yatipjjtwa jumajj qhuyapayasirïtama. Jerusalén marcatjja uca colerasiñamjja uqhamaraqui colerampi take cuna lurañamsa apakamaya, Jerusalén marcasti marcamawa, juman kollan kollumaraquiwa. Yakha marcanacanquir jakenacasti Jerusalén marcamatjja jakenacapatsa larusipjjewa, nanacan juchanacajj laycu, uqhamaraqui nayra awquinacajjan jucha luratanacap laycu.
“Jerusalenampi chica cusisipjjam, qhitinacatejj Jerusalenar munapjjta ucanacasti jupampi cusisipjjam; qhitinacatejj Jerusalenatjama jachapjjayäta ucanacasti jichhajj jupampi chicaraqui cusisipjjam;
Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,
Jerusalén marca: cayunacajjajj niyaw puncunacam chek mantasqui. Jerusalén marcajj suma utt'atawa, wawanacapan tantachasiñapataqui.
walja marcanacaraquiw purintanipjjani, aqham sasa: ‘Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.’ Sionatwa Tatitun yatichäwinacapajj mistuni, Jerusalenatwa arunacapas misturaquini.
walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.
Jerusalén marcanjja mä jilt'awa utjascani uca laycu; Sión kollunjja jilt'irinacawa utjani. Ucsti luraniwa take ch'aman Tatitun jach'a munasiñap laycu” sasa.
Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”
Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini.
Ucatsti saraquïm: ‘Aqham siw Tatitojja: Jerusalén marca, juman kalltäwimajj aqhamawa: Cananeat jutir wawätama, awquimajj mä amorreo jakënwa, taycamasti mä hitita warmiraqui.
Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.
¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.
“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”
Tatitusti siwa: “Mä uruw purinini cunapachatejj marcajjajj wasitat utachatäjjani uca urojja, Hananeel sisqui uca torret kalltasina, Ángulo puncu sisqui ucacama. Korpanacapasti chekaquiw sarani, ucat kalltasina, Gareb sisqui uca kollucama, ucatsti Goa sisqui ucsaruw muyt'araquini. Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta. Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.
Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.
Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.
ucat take chuymapampi jumaru cutt'anjjapjjätam take jacañapampi, cawqharutejj t'akhesiñapataqui apanuccta, ucattï oracionana mayisipjjätam nayra awquinacaparu aca orake churcäyäta uca toke uñtata, jumataqui lurcta uca templo uñtataraqui ucqhajja,
Jumanacajj takpach chuymamp sapjjam: “Jerusalén, sumancañajj juman utjpan, jumar munasirinacajj jan qhitin camsatac jacasipjjpan.
Camisatejj kollunacajj Jerusalenar muyuntejja, uqhamaw Tatitojj marcapar muyunti jichhasa, wiñayasa.
Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.
Kollan kollun amstapajj muncayawa, take acapachan cusisiñapawa: Sión kollojj alajjpachan thiyapawa, jach'a ch'aman reyin marcapawa.
Ucampis Davidaru qhuyapayasitap laycojja, Tatitojj lamparapjja naqhayascaquïnwa Jerusalén marcana, yokaparu reyit uchasa uqhamarac Jerusalén marcarus ch'aman tucuyasa.
Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.
C'umar sarnakasiñ cuttayjjaraquïma, chhojjrinacamjja nayaw kolljjäma, uñisirinacamajj kawkhas parlascpan. ‘Sionajj apanucutawa, janiw qhitis jupatjja llaquiscjjeti’ sasa. Naya Tatituw ucjja arsta.”
Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.
sutipanaracwa take marcanacarojj parlasini, Jerusalenat kalltasina, aqham sasa: ‘Jan wali jacäwinacamatjja arrepientisipjjam juchanacamajj perdonatäñapataqui’ sasa.
Ucatwa Judá marcarojj ninampi phichcatäjja, uca ninasti Jerusalén marcan palacionacapsa k'alwa naqhantanejja” sasa.
T'unjat marcanacasti walja jakenacanipuniw tucjjani, cawquïri ovejanacatejj Jerusalén marcaru sacrificiot loktañataqui apatäpqui uqhamäpjjaraquiniwa. Ucapachaw yatipjjani nayan Tatitütajja” sasa.