Esdras 1:3 - Qullan Arunaca

³ Uqhamasti jumanac taypina qhitinacatejj Tatitun marcapanquirïpcta ucanacarojja Dios yanappan, ucatsti sarjjaracpan Judá orakenquir Jerusalén marcaru Tatitun templopa luriri, jupasti Israelan Diosapawa, Jerusalén marcanaracwa jacaraqui.

Aymar Bibliia 1986

³ Uqhamasti jumanac taypina qhitinacatejj Tatitun marcapanquirïpcta ucanacarojja Dios yanappan, ucatsti sarjjaracpan Judá orakenquir Jerusalén marcaru Tatitun templopa luriri, jupasti Israelan Diosapawa, Jerusalén marcanaracwa jacaraqui.

Qullan Arunaka DC

³ Ukhamïpansti, jumanak taypin khitinakatix Tatitun markapankirïpkta ukanakaruxa, Dios yanappan, Judá uraqinkir Jerusalén markar Tatitun utap lurir sarxpan, Israel markan Tatitupawa, Jerusalén markan jakaraki.

Esdras 1:3 Jak'a apnaqawi uñst'ayäwi

1 Reyes 18:39

Uqham uñjasinjja, take jakenacawa orakeru alt'asipjjäna p'eke parampi oraker puriyañcama, aqham sasa: “¡Tatituwa Diosajja, Tatituwa Diosajja!” sasa.

1 Reyes 8:23

“Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Esdras 1:4

Ucatsti take qhitinacatejj cawqha chekansa kheparqui ucanacarusti, uca chekan jaquir jakenacajj yanapt'apjjpan kollkempi, korimpi, yänacampi, uqhamarac uywanacampisa, ucjjarusti ofrendanacampiraqui yanapt'apjjaracpan Jerusalenanquir Diosan templopataqui’ ” sasa.

Esdras 4:3

Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.

Esdras 5:13

Ucat khepjjarojja Ciro reyejja Babilonia marcjjaru kallta marapanwa arupa churi Diosan templopajj wasitat luratäñapataqui’ sasa.

Esdras 5:3

Ucampis Eufrates jawirata inti jalanta tokenquir provinciana Tatnai sat gobernadorampi, uqhamarac Setar-boznai chachampi mayni masinacapampejja sarapjjänwa aqham siri: “¿Qhitisa sapjjtam aca templo wasitat lurayañataqui, uqhamarac aca perkanacsa maderampi apaquipañataquisa? ¿Cuna sutininacäpjjesa aca templo luririnacajja?” sasa.

Esdras 6:7

ucatsti jaytapjjam judionacan gobernadoraparu, uqhamarac sarayirinacapampiru Diosan templopa wasitat pachparu lurayapjjañapataqui.

Salmos 132:13

Tatituw Sión kollurojj ajllisi, ucawjan jacañataquiw jupajj chhijllasi, aqhäm saraqui:

Salmos 83:18

juma sapac Diosätam yatipjjpan, aca orakjjar juma sapac Alajjpachanquirïtam yatipjjaracpan.

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Isaías 44:28

Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”

Isaías 45:5

Nayätwa Tatitojja, janiw yakhajj utjquiti, nayat yakha Diosajj janiw utjquiti. Nayaw jumarojj nuwasiñataqui waquichsma, jumajj nayar jan uñt'cchiyästa ucasa,

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Daniel (hebreo) 2:47

Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Hechos 10:36

Diosajj Israelan wawanacaparuw parläna Jesucristo toke sumancañ utjañapata. Jesucristosti take jakenacan Tatitupawa.

Deuteronomio 32:31

“Uñisirisasti sumwa yatipjje, jupanacan arjjatiripajj janiw jiwasan arjjatirisjamäquiti.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.