Miqueas 4:2 - Qullan Arunaca

² walja marcanacaraquiw purintanipjjani, aqham sasa: ‘Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.’ Sionatwa Tatitun yatichäwinacapajj mistuni, Jerusalenatwa arunacapas misturaquini.

Aymar Bibliia 1986

² walja marcanacaraquiw purintanipjjani, aqham sasa: “Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.” Sionatwa Tatitun yatichäwinacapajj mistuni, Jerusalenatwa arunacapas misturaquini.

Qullan Arunaka DC

² walja markanakaw purintanipxarakini, akham sasa: “Jutapxam, Tatitun qullupar makhatapxañäni, Jacobun Diosapan utaparu, jupaw jiwasarux thakhip uñacht'ayistani, ukhamat thakhipanjam sarnaqañasataki.” Sión qullutpach Tatitun yatichäwinakapax mistuni, Jerusalén markat arunakapas misturakini.

Miqueas 4:2 Jak'a apnaqawi uñst'ayäwi

Salmos 110:2

Tatitojj Sión kollutpach ch'aman cancañ thujru ayjjaruyätam. “¡Jumamp timasirinacarojj atipjamaya!

Salmos 119:1

Jan juchañchcay sarnaker jakejj cusisiñaniwa, Tatitun yatichäwiparjam sarnakerejj cusisiñaniwa.

Salmos 119:171

Lacajjat jach'añchañ arunacajj mistpan, jumaw leyinacam nayar yatichista.

Salmos 122:1

“Tatitun utapar sarañäni” sirinacampejj walpun cusista.

Salmos 25:12

Tatitur wakaychir jakerojj, arcañ thaqui uñacht'ayi:

Isaías 2:3

walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.

Isaías 54:13

Wawanacamarojj nayaw yatichä; take jupanacataquisti jach'a asqui sumancañaw utjani.

Isaías 56:7

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Jeremías 31:6

Mä uruw puriniraquini, cunapachatejj perka uñjirinacajj Efraín kollunacan arnakasipjjani: ‘Jumanacajj jutapjjam, Sionar sarañäni, Tatitu Diosasan ucaru’ ” sasa.

Jeremías 42:3

Tatitu Diosamarusti saraquim, cawqui cheksa nanacajj sarapjjä, cunsa lurapjjä ucanac toketjja —sasa.

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Zacarías 14:16

Uca pasatatsti, Jerusalenampi nuwasipcän uca marcanacat jilt'iri jakenacasti sapa maraw take ch'amani Tatitu Reyiru yupaychiri sarapjjani Chhujlla fiestanac lurañataqui.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Zacarías 9:10

Jupaw t'unjani Efrainan carronacapjja, Jerusalenanquir caballonacsa, guerrasiñ arconacsa, sumañcañwa marcanacaru yatiyanejja, apnakaraquiniwa kotat kotaru, Eufrates jawirata orak tucuycama.

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: ‘Jan wali jacäwinacamatjja arrepientisipjjam juchanacamajj perdonatäñapataqui’ sasa.

Juan 6:45

Profetanacan kellkatapanjja aqham siwa: ‘Diosajj takeniruw yatichi.’ Qhitinacatejj juparu ist'apqui yatekapcaraqui ucanacajj nayaruw jutapjje.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 13:42

Pablompi mayni jilatanacampi judionacan sinagogapat mistjjepansti, jan nacïwitpach judiöpquis ucanacaw jupanacar achict'apjjäna, jutir samarañ uruna wasitata jupanacar ucanacjjat parlapjjañapataqui.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Deuteronomio 6:1

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui.