Jeremías 33:16 - Qullan Arunaca

¹⁶ uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Aymar Bibliia 1986

¹⁶ uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Qullan Arunaka DC

¹⁶ Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Jeremías 33:16 Jak'a apnaqawi uñst'ayäwi

Isaías 45:17

Ucampis Israelarojj Tatituw khespiyi, wiñayataquiw khespiyi, janiraquiw jupajj p'enkachatasa, jisc'achatasa uñjascaniti.

Isaías 45:22

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 23:6

Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 50:7

Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.

Ezequiel 28:26

Ucanwa suma samarata jacasipjjaraquini, utanaca utachasipjjaraquini, uva alinaca ayrusipjjaraquini. Nayaw juchañcharaquï take qhitinacatejj jac'anquiri marcanacatjja Israelar jisc'achapqui ucanacarojja. Ucapachaw yatisini nayajj Israelan Dios Tatitupätajja” sasa.

Ezequiel 38:8

Acat mä walja maranacarusti, cawquïri marcatejj guerrancasqui uca marcaru nuwjañamataqui mä arsüwi catokäta, uca marcajj niya wasitata suma sartasitäjjaraquiniwa; walja marcanac taypina willitatata sarnakcäna uca marcaru, ucampisa uca marcajj Israel kollunacan niya tantacht'atäjjapjjaraquiniwa, uca marcasti wiñayataqui chhaktayatänwa. Ucapachasti jupanacajj yakha marcanacatjja cuttanjjapjjataynawa, takenisa c'uchiquiraquiw jacasisipcani.

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Daniel (hebreo) 9:7

Jumajj, Tata, chekapapunïtawa, ucampisa nanaca judionacajj wali p'enkasipjjta; cawquïrinacatejj Jerusalén marcan jacapqui ucanacjamaraqui, uqhamaraqui yakha israelitanacjamaraqui, uca quipcaraqui cawquïrinacatejj jacapqui yakha marcanacana, uqhamaraqui jumaw ucanacarojj uqham ananucuracta juma nayrakatan sayt'asipjjatap laycu.

Romanos 11:26

Cunapachatejj take ucanacajj pasjjani ucqhajja, take israelitanacaraquiw khespiyatäjjani. Kellkatansti aqham siwa: “Khespiyirejj Sionat jutani, Jacobon juchapsa apakaraquiniwa.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Deuteronomio 33:12

Benjamín triburojj saraquïnwa: “Tatitu Diosan munatasti iyawsañampiw jacani; alajjpachanquir Diosaw wiñayatac imani. ¡Jupan imataw jacaraquini!” sasa.

Deuteronomio 33:28

Israel marcajj jan ajjsarasaw jacani, wawanacapasa samarañanwa jacapjjani. Orakenacapanjja trigo yapunaca, uva yapunacaw utjani, janiraquiwa jallusa pist'caniti alajjpachatjja.

Filipenses 3:9

Jupampi chict'ata jicjjatasiñajjataquiraquiwa Diosampi catokatäta, janiw leyerjam cheka sarnakatajj laycuti, jan ucasti Cristor iyawsatajj laycuwa, Diosajj catokewa qhitinacatejj iyawsapqui ucanacarojja.

2 Pedro 1:1

Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.