Daniel (hebreo) 9:16 - Qullan Arunaca

¹⁶ Tata, nanacajj yatipjjtwa jumajj qhuyapayasirïtama. Jerusalén marcatjja uca colerasiñamjja uqhamaraqui colerampi take cuna lurañamsa apakamaya, Jerusalén marcasti marcamawa, juman kollan kollumaraquiwa. Yakha marcanacanquir jakenacasti Jerusalén marcamatjja jakenacapatsa larusipjjewa, nanacan juchanacajj laycu, uqhamaraqui nayra awquinacajjan jucha luratanacap laycu.

Aymar Bibliia 1986

¹⁶ Tata, nanacajj yatipjjtwa jumajj qhuyapayasirïtama. Jerusalén marcatjja uca colerasiñamjja uqhamaraqui colerampi take cuna lurañamsa apakamaya, Jerusalén marcasti marcamawa, juman kollan kollumaraquiwa. Yakha marcanacanquir jakenacasti Jerusalén marcamatjja jakenacapatsa larusipjjewa, nanacan juchanacajj laycu, uqhamaraqui nayra awquinacajjan jucha luratanacap laycu.

Qullan Arunaka DC

¹⁶ Tatay, nanakax juman khuyapayasirïtam yatipxtwa. Jerusalén markat phiñasiñamsa, q'apisiñamsa apaqxamaya, Jerusalén markasti markamawa, qullan qullumarakiwa. Jak'a markanakankir jaqinakax Jerusalén markatsa, jaqinakamatsa larusipxiwa, nanakan juchanakax layku, ukhamaraki nayra awkinakaxan jucha luratanakap layku.

Daniel (hebreo) 9:16 Jak'a apnaqawi uñst'ayäwi

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Salmos 143:1

Tatay, mayisitajjarojj ist'aquimaya, achict'asitajjarojj jaysaquimaya. Jumajj chekapästajjaya, ist'aquitaya.

Salmos 31:1

Tatay, jumaruw maqhatansma: janiquiy chuyma mayjt'at uñjasiyistati; jumajj chekapar uñjirïstajjaya, khespiyasiquitaya,

Salmos 41:13

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Salmos 71:2

Asqui cancañam laycuy khespiyita, antutayaraquita, naya tokeruy jinchum alcatanim, khespiyaquitaya.

Salmos 79:4

Nanac jac'an utjir marcanacan larusiñapäpjjtwa; nanacar muyuntirinacan sawcasiñapäpjjaractwa.

Salmos 85:4

Khespiyir Diosajjay, mayamp khespiyjjapjjaquita, k'apisiñamajj nanacatac tucusjjpan.

Salmos 89:51

Tatay, timasirinacamajj uqham t'akhesiyapjjetu, ajllitamarojj uqham sapa chellktan jisc'achapjje.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 24:9

Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 32:31

Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,

Jeremías 32:32

cuntejj Israel marcasa, Judá marcasa, reyinacapasa, jilïrinacapasa, sacerdotenacapasa, profetanacapasa, Judá orakena, Jerusalén marcana jaquirinacas lurapquitu ucanacatwa jupanacarojj k'ala tucusiyäjja.

Ezequiel 22:4

Jake jiwayatanacamampisti juc'ampiwa juchañchjastajja, cuna c'ari diosanactejj lurascta ucanacampisti k'añuchasiractawa; horasaman puriñapsti niya jac'achasiyaniractawa, urunacaman puriniñapsa jac'achayaniractawa. Uqhamapï jichhajj nayajj yakha marcanacampi jisc'achjayämajja, take yakha marcanacampiw larusiyaraquïma.

Ezequiel 5:14

Nayasti Jerusalén marca, mä t'unthapita montonaruw tucuyaraquïma; cawquïri marcanacatejj jumaru muyuntatäqui ucanac taypin jumarojj jisc'achjaraquïma, uqhamat takenis pascasinjja uñjapjjañapataqui.

Daniel (hebreo) 11:45

Ucatsti campamentopjja jach'a kotampi, uqhamaraqui Suma Oraken kollan kollupäqui uca taypiruw utt'ayasiraquini. Ucampisa uca pachparuw jiwañapa horasajj puriniraquini, janiraquiw qhitis jupar yanapt'irejj utjcaniti.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

1 Samuel 2:7

Tatituw pobrerusa, kamirirusa tucuyistu; jupaw aynacht'ayi, juparaquiw jach'ar apti.