Jeremías 17:27 - Qullan Arunaca

²⁷ Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Aymar Bibliia 1986

²⁷ Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Qullan Arunaka DC

²⁷ Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Jeremías 17:27 Jak'a apnaqawi uñst'ayäwi

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Reyes 25:9

Jupasti ninampiwa naqhantayäna temploru, reyin palacioparu, uqhamarac marcan utanacarusa, jilt'atpuni tucjänjja wali aytata jakenacan utanacapa.

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Salmos 122:7

Perkanacam taypin sumancañajj utjpan, reyiman utanacapas jan cuna camächcayäpan” sasa.

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Isaías 1:31

Ch'aman jakesti wichhuruw tucuni, luratanacapasti jisc'a nina sanc'aruw tucuraquini; ucanacasti paypachaw mayaqui naqhantapjjani; uca ninarusti janiraquiw qhitis jiwt'aycaraquiniti.”

Jeremías 17:24

‘Naya, Tatituw, acjja arsta: Chekpacha ist'apjjeta, marcan puncunacapansti janipuni cuna casta carganacsa apnakapjjamti samarañ urunjja; uca ursti nayaru loktanipjjeta, janiraqui uca urunjja cuna casta irnakäwsa lurapjjamti.

Jeremías 17:4

Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Jeremías 18:1

Tatitusti nayaruw parljjayaraquitu, aqham sasa:

Jeremías 21:14

Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 22:5

Ucampisa, janitejj aca arunacaru ist'apcäta ucapachajja, aca palaciojj t'unjataw uñjasini. Naya Tatituw ucjja arsta.’ ”

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 44:16

“Cuna arunactejj jumajj Tatitu toket apanipjjesta ucanacarojj janiw ist'apcäti.

Jeremías 49:27

Damasco marcan perkanacaparusti ninampiw naqhantayä, uca ninasti Ben-adad sat reyin palaciopsa naqhantaraquiniwa.”

Jeremías 52:13

Ninampiw templo phichhantaraquïna, reyin palaciopsa, uqhamarac marcan take utanacsa, nayrakatjja jach'a jilïri jakenacan utanacapjja k'alwa naqhantayaraquïna.

Jeremías 6:17

Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Lamentaciones 2:6

Kollana chekawjarusti, mä lunthatjamaw t'unjawayi, tantachasiñ chekawjsti k'alwa t'unjawayaraqui. Tatitusti Sión marcanjja, samarañ urunacatsa fiesta urunacatsa armasiyaraquistuwa. Akquiri colerasiñapansti sacerdoterusa, reyirusa apanucuwa.

Lamentaciones 4:11

Tatitusti sintipuniw colerasi, akquiri colerasiñapsti jiwasjjaruw warjjataniraqui; Sión marcarusti ninampiw akantayi uta cimientotpachwa t'unjaraqui.

Ezequiel 16:41

Utanacamsti ninampiw phichcatapjjaraquini, ucatsti jumarojj take warminac nayräjjanwa juchañchapjjaraquïtam. Jichhajj uca jucha lurañanacamjja tucusiyjjäwa, janiraquiw juc'ampi uca k'añu luratanacamatjja waynanacamarojj pagcjjätati.

Ezequiel 21:15

Take utanacaparuwa uca jiwarayir espadjja uscuracta, llijullijunac sarayañataqui suma llijquir kaksut espadawa, jiwarayañataqui afilata espadawa.

Ezequiel 21:3

aqham sasa: ‘Aqham siw Tatitojja: Nayajj jumanacan uñisirimaw tucuracta. Espadajj apsusisaw asqui jakerusa, ñankha jakerusa jiwarayäjja.

Ezequiel 22:8

Nayan kollan chekanacajjasti janiw suma uñjatäquiti, samarañ urunacajjsa janiw imapcaraquiti.

Ezequiel 23:38

Uqhamarusa acanacwa lurapjje: Mä urunacwa nayan kollan templojj taquisipjje, uqhamaraqui nayan samaraña urojjsa jisc'achapjjaraqui.

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Amós 1:10

Ucatwa ninampi phichcatäjja Tiro marcan uyunacapjja, uca ninasti k'al naqhantaraquini palacionacapsa” sasa.

Amós 1:12

Ucatwa Temán marcarojj ninampi phichcatäjja, uca ninasti Bosra marcan palacionacapsa naqhantaraquiniwa” sasa.

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Amós 1:4

Ucatwa ninampi phichcatäjja Hazael reyin utaparojja, uca ninasti k'al naqhantaraquini Ben-Hadadan palaciopsa.

Amós 1:7

Ucatwa ninampi phichcatäjja Gaza marcan uyunacapjja, uca ninasti palacionacapsa k'al naqhantaraquini.

Amós 2:2

Ucatwa ninampi phichcatäjja Moab orakerojja, uca ninasti Queriot marcan palacionacapsa k'alwa naqhantanejja, moabitanacajj jiwarapjjaniwa trompeta ist'asa guerran warariñanacampi.

Deuteronomio 32:22

Nayan colerasiñajjasti mä ninjamaw akti, wali mankhapachcamaw akantaraqui, oraksa, uqhamarac achunacapsa mank'antaniwa, kollunacan cimientonacapsa nacsuniwa.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.