1 Reyes 15:4 - Qullan Arunaca

⁴ Ucampis Davidaru qhuyapayasitap laycojja, Tatitojj lamparapjja naqhayascaquïnwa Jerusalén marcana, yokaparu reyit uchasa uqhamarac Jerusalén marcarus ch'aman tucuyasa.

Aymar Bibliia 1986

⁴ Ucampis Davidaru qhuyapayasitap laycojja, Tatitojj lamparapjja naqhayascaquïnwa Jerusalén marcana, yokaparu reyit uchasa uqhamarac Jerusalén marcarus ch'aman tucuyasa.

Qullan Arunaka DC

⁴ Ukampis Davidaru khuyapayasitap laykuw, qhanapa jan jiwt'añap munasin jupan qhipapat yuqapar utt'ayäna, Jerusalén markar ch'aman tukuyañataki;

1 Reyes 15:4 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Génesis 26:5

Abrahamasti nayarojj ist'araquituwa, arsutanacajjsa phokharaquïnwa, camachi arunacajjsa, leyinacajjsa, yatichäwinacajjsa phokharaquïnwa” sasa.

2 Samuel 21:17

Ucampisa Abisai, sata Sarvia jaken yokapasti Davidar yanapt'iriw sararaquïna, jupaw uca jach'a filisteo jakerojj nuwantasin jiwayaraquïna. Uqhamasti uca khepatjja israelita jakenacajj Davidarojj arsuyapjjaraquïnwa, jan mayampisa jupanac chica guerraru nuwasiri sarañapataqui, uqhamat Israelan khanapajj jan jiwt'añapataqui.

1 Reyes 11:12

Ucampis David awquimaru qhuyapayasitajja laycojja janiw lurcäti juman jacañamcama, ucampisa wawamatjja apakäwa.

1 Reyes 11:32

Ucampis Salomonarojj jaytäwa mä tribuqui David uywatajjaru qhuyapayasitajj laycu, Jerusalén marca laycuraqui, uca marcsti israelan take tribunacapan marcanacapatwa chhijllasta.

1 Reyes 11:36

Yokapataquisti mä tribucwa jaytäjja, David sirvirejjana lamparapajja nayan nayrakatajjana naqhascañapataqui Jerusalenanjja, cawquïr marctejj nayajj ajlliscta sutejjajj ucancañapataqui.

2 Crónicas 21:7

Ucampis Tatitojj Davidata jutir reyinacjja janiw tucjañ muncänti, Davidampi suma amtäwiru mantatap laycu, juparusti arsünwa phokhañataqui, uqhamarac wawanacaparusa, jupanac taypinjja mä nactata lamparajj utjañapapunïnwa.

Salmos 132:17

Davidan ch'amap wasitat sartayä, ajllit reyejjataquejj mä khan khantayarapï.

Salmos 18:28

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Salmos 87:5

Sión marcatjja, sapjjaniwa: “Aca marcasa, qhuri marcas jupan utjayatawa, Alajjpachanquir pachpaw utt'ayi” sasa.

Isaías 14:32

¿Camsaracsna jichhasti uca marcat qhitanitanacarusti? Tatituw Sionarojj ch'am churi sum sayt'asiñapataqui, marcapan llaquitanacasti ucanwa samarañ jicjjatapjjani.

Isaías 37:35

Nayaw aca marcarojj arjjatä, khespiyaraquïwa jach'añchäwejj laycu, David sirvirejjaru munatajj laycu’ sasa.

Isaías 62:7

jan samarayapjjaraquimsa, Jerusalenar wasitat sayt'ayañapcama, take acapacha jakenacan yupaychañapcama.”

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 33:2

“Naya, qhititejj aca orake lurcta, ucatsti suma cimientopjjaru utt'aycaracta, ucaw sisma:

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Juan 8:12

Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Romanos 11:28

Khespiyasiñ toketjja, judionacajj Diosan uñisiripaw tucupjje, uqhamat jumanacajj khespiyasipjjañamataqui, ucampis Diosajj jupanacarojj munasisquiwa, jupanacat nayra awquinacapar ajllisitap laycu.

Deuteronomio 4:37

Juparaquiwa nayra awquinacamarojj munäna, ucatsti wawanacaparuw ajlliraquïna, Egipto marcat jach'a ch'amapampi khespiyanisa.

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”