Jeremías 29:7 - Qullan Arunaca

⁷ Cawquïri marcarutejj nayajj apayapcsma uca marcan asquipataqui irnakapjjaraquim, uca marcataquisti nayat mayipjjaraquita, uca marcan sumancañapatwa jutaraquini jumanacataquejj sumancañajja.

Aymar Bibliia 1986

⁷ Cawquïri marcarutejj nayajj apayapcsma uca marcan asquipataqui irnakapjjaraquim, uca marcataquisti nayat mayipjjaraquita, uca marcan sumancañapatwa jutaraquini jumanacataquejj sumancañajja.

Qullan Arunaka DC

⁷ Kawkïr markarutix nayax apayapksma uka markan askipatak irnaqapxam, uka markatak nayat mayipxarakita, Babilonia markatix juk'ampi jach'aptanixa, jumanakax uka kipkarakiw jach'aptapxäta.

Jeremías 29:7 Jak'a apnaqawi uñst'ayäwi

Esdras 6:10

Uqhamata, alajjpachanquir Diosaru suma sacrificionaca loktapjjañapataqui, uqhamarac reyitaquisa, wawanacapataquisa mayipjjañapataquiraqui.

Esdras 7:23

“Take cuntï alajjpachanquir Diosajj templopataqui mayqui ucanacjja mäqhiwa churatäñapa, jan cuna mutuyäwisa reyjjaru, wawanacapjjaru, uqhamarac marcapjjarusa jutañapataqui.

Salmos 122:6

Jumanacajj takpach chuymamp sapjjam: “Jerusalén, sumancañajj juman utjpan, jumar munasirinacajj jan qhitin camsatac jacasipjjpan.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Ezequiel 11:16

Jichhajj jupanacarojj saraquim: ‘Naya Tatitojj jayaruw jupanacjja apanucta, yakha jaya marcanac taypiruw willitataracta, ucampisa ucajj mä juc'a pachanacataquiquiraquïniwa. Naya quipcaraquiw jupanacataquejj mä santuario tucuraquï uca cawqui marcanacarutejj sarapcani ucanjja.’

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

Romanos 13:5

Uca laycupï waquisejja autoridadanacar jaysañajja, janiw mutuyäwi jan catokañataquiquiti, jan ucasti chuymasatjama.